Тој објаснил дека целта е да се зголеми подготвеноста за вакцинација и повеќе контроли, со отворени училишта.
Курц, за ОРФ, објасни дека неделната инциденца повеќе нема да се следи како индикативна вредност врз основа на која ќе се преземаат мерки, како што беше досега.
Наместо тоа, ќе се следи идниот капацитет на единиците за интензивна нега.Тој објаснил дека е направен план на мерки што ќе се применат од достигнувањето на одреден капацитет.
Што се однесува до локдаунот, Курц рече дека, доколку се потребни „заштитни мерки“, тие повеќе нема да бидат за целата земја, туку само за невакцинираните.
Кога станува збор за вакцинација, тој објави дека сака да продолжи да се дава третата доза, и дека целта останува да се зголеми стапката на вакцинација на населението.
Курц, исто така, најави зајакнување на контролите, не само за да ги убеди луѓето да се вакцинираат, туку и затоа што има се повеќе лажни потврди за вакцинација, а правилата за короната не се почитуваат насекаде.
Запрашан за училиштата, Курц посочи дека тие ќе останат отворени.
Тој за ОРФ рече дека сака да спречи ново заклучување и премин на часови од дома по секоја цена.
„Доколку е потребно, ќе го продолжиме успешниот концепт на третиот бран со интензивно тестирање по почетокот на учебната година“, рече тој.