Купил нова Тесла, па му отпаднал воланот додека возел на автопат (ВИДЕО)

Купувач на сосема нова Tesla бил прилично изненаден кога воланот отпаднал додека возел.

Корисникот на социјалните мрежи по име Прерак објави како минатата недела купил нов Tesla Model Y. Ниту една недела подоцна, додека возел по автопат, воланот му отпаднал и му завршил во неговиот скут. Тој веднаш го споделил своето непријатно искуство на социјалните мрежи, тагнувајќи го Илон Маск и некои други имиња во објавата.

Интересно, ова не е изолиран случај. Како што пишува The Drive, истото му се случило на сопственик на Tesla Model 3 во 2020 година.

Како и да е, Прерак со шлепер го испратил возилото до сервисниот центар на Тесла каде што му наплатиле 103,96 долари за поправката. Откако го поднел барањето, сумата му била целосно вратена. Прерак заклучил дека целосно ја изгубил довербата во Тесла, па сака да го врати автомобилот со враќање на целата уплатена сума.

И еве доаѓа ново изненадување. Имено, во 2020 година, производителот тивко ја укинал можноста за 7-дневно враќање на автомобилот без казна. Од сервисниот центар информирале дека нема можност да се врати возилото и да се контактира со продажното одделение за да се договори.

Во секој случај, впечаток е дека Тесла треба повеќе да работи на контрола на квалитетот, заклучуваат американските медиуми.

Амазон вложува уште 2,75 милијарди долари во развој на АИ стартапот Anthropic

Амазон објави дека ќе инвестира дополнителни 2,75 милијарди долари во Антропик, со што вкупната инвестиција на компанијата во стартапот за вештачка интелигенција ќе достигне 4 милијарди долари.

Технолошкиот гигант ќе го задржи малцинскиот удел во Антропик со седиште во Сан Франциско, ривал на OpenAI, кој го произведе ChatGPT.

- Веруваме дека нашата стратешка соработка со Антропик дополнително ќе ги подобри искуствата на нашите корисници и со нетрпение ги очекуваме следните чекори - рече Свами Сивасубраманијан, потпретседател за податоци и вештачка интелигенција во веб сервисите на Amazon (AWS).

Технолошкиот гигант со седиште во Сиетл инвестираше 1,25 милијарди долари во Антропик во септември 2023 година и тогаш посочи дека има планови да инвестира до 4 милијарди долари, пренесува британски Гардијан.

Двете компании соработуваат на развојот на таканаречените основни модели, кои се во основата на генеративните системи за вештачка интелигенција кои го привлекоа глобалното внимание.

Според договорот, Anthropic ќе користи AWS како свој примарен провајдер на „облак“ и ќе ги користи сопствените чипови на Amazon за изградба, обука и распоредување на модели со вештачка интелигенција.

Исто така, ќе им овозможи на клиентите на AWS, кои се претежно бизниси, пристап до моделите на услугата на Amazon наречена Bedrock. Во своето соопштение, Амазон вели дека компаниите како што се Delta Air Lines и Siemens веќе го користат Bedrock за пристап до моделите со вештачка интелигенција на Anthropic.

Ванковска за посетата на Левица на гробот на Енвер Хоџа

Кандидатката за претседател на Левица, Билјана Ванковска вечерва во „Само Интервју“ на Канал 5 на прашањето за посетата на раководството на Левица на гробот на Енвер Хоџа, рече дека го очекувала ова прашање.

Ванковска децидно рече дека не е е член на Левица, а повика и зошто лидерот на Левица, Апасиев да не го каже тоа лично во емисија.

Водителот и главен уредник на Канал 5, Гоце Михајловски ѝ одговори дека Апасиев 11 пати бил гостин во Само интервју и Само Вистина, се додека не напиша најлоши зборови за Канал 5, што не доликуваат на професор. Додаде и дека од Хоџа не се гордеат ниту Албанците по извршените илјадници егзекуции на свои граѓани , но и на Македонци.

Се отвори огромна дупка среде Рим и „проголта“ два автомобила (ВИДЕО)

Бездна длабока и широка околу 10 метри проголта два автомобила среде ноќ во Рим, поради што интервенираше полицијата.

Инцидентот се случил околу еден часот по полноќ, а две возила Дачија и Рено завршиле во дупката.

Полицијата веднаш реагирала, ја затворила улицата и го обезбедила просторот, јавуваат италијанските медиуми.

Поставен е кордон, а се уште не се знае зошто се урнал асфалтот.

Не се знае дали има повредени во инцидентот.

притисни ентер