Кумановецот Влад Илиќ, најдобар стенд-ап комичар во Велика Британија - Канал 5

Забава

Кумановецот Влад Илиќ, најдобар стенд-ап комичар во Велика Британија

Во култниот „Комеди стор“ (Comedy store) во Лондон, во конкуренција на 700 комичари од Обединетото Кралство, наградата „Најдобар стенд-ап комичар за 2025“ во Велика Британија месецов му беше доделена на Македонецот Влад Илиќ. 

Кумановецот Влад Илиќ, најдобар стенд-ап комичар во Велика Британија

- Многу сум среќен што сите овие години активно занимавање со стенд-ап се крунисани со ваква награда. Таа е признание, но и потврда за влогот, енергијата, но најмногу за хуморот којшто го изведувам, а е особен и веќе препознаен. Она што ме издвојува од другите комичари е баш нашата култура, нашиот менталитет. Имаме некој уникатен начин на изразување... Дали е тоа во фонетиката, во фразите коишто ги користиме секојдневно, што ни овозможува да го погледнеме животот малку по несериозно, малку пообјективно од другите култури. Можеби секогаш ќе губиме од Англија во фудбал, ама за хуморот нѐ бива, изјави Илиќ веднаш по добивањето на наградата.

По фантастичниот успех што го забележа и „Би-би-си“ пред три години, ова е вистинско заокружување на кариерата на Илиќ.

Влад ја започнува својата кариера како актер со театарски проекти во Кумановскиот театар, а подоцна инспириран од стенд-ап настапите на Сашко Коцев, Тони Михајловски, Маријан Ѓорѓиевски, но и локални ѕвезди, се насочува кон сценската комедија. Патот до успехот во Англија и титулата „Најдобар стенд-ап комичар во Велика Британија за 2025“, вели, е долг, макотрпен, и подразбира развој од аматерски настапи до, денес веќе, присуство на култни сцени.

- Ништо не е случајно во натпревар од вакви размери. Да, среќата игра мал дел од овој успех, но сега се препознаени сите доцни вечери во кои или настапував или пишував нови шеги, и токму тие се главната причина зошто и како се најдов во финалето, вели Илиќ, дополнувајќи дека е благодарен за мотивацијата што добива од сите страни. - Ја црпам првенствено од љубовта кон професијата, неисцрпната поддршка на семејството, како и гордоста што ја носам на секој мој настап, претставувајќи ја мојата татковина. Тој пламен ме грее дури и во најстудените на овој врнежлив остров, завршува Влад.

Покрај титулата ова признание има и паричен чек со вредност од 10.000 фунти. Македонскиот комичар на крајот вели:

- Ќе го дадам во хуманитарни цели, на братучедите!

Тој веќе 10 години се занимава со стенд-ап и своите шоуа ги изведува на четири јазици - англиски, македонски, српски и италијански.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кривичниот суд одреди 30 дена притвор за Стефан Богоев и други три лица

Кривичниот суд одреди 30 дена притвор за Стефан Богоев и други три лица осомничени за случајот со злоупотреби  околу тендер за чистење на граничните премини и терминалите, во периодот од јули 2023 до март 2024 година.

Кривичниот суд одреди 30 дена притвор за Стефан Богоев и други три лица

Oсомничените преку фаворизирање на одреден економски оператор и ограничување на конкуренцијата му овозможиле на правниот субјект да се стекне со противправна имотна корист во износ од над 18 милиони денари од обвинителството велат и дека во рамките на истрагата се обезбедени докази и за примање и давање награда за противзаконито влијание и дека првоосомничениот примил награда во износ од 111.600 денари за искористување на својата службена положба.

По распитот обвинителката соопшти дека барањето за притвор е заради опасност од бегство и влијание врз сведоци...

Тагови: Кривичен суд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Вучиќ: „Не ме исплашија ниту ме фасцинираат заканите“

Претседателот на Република Србија, Александар Вучиќ, изјави дека не се плаши од закани и дека е целосно посветен на напредокот на земјата и подобар живот за нејзините граѓани.

Вучиќ: „Не ме исплашија ниту ме фасцинираат заканите“

„Скинете му ја главата на Вучиќ - ниту се плашам ниту ме фасцинираат заканите. Единственото нешто што ме интересира е како нашите луѓе живеат подобро и како Србија може да биде уште поуспешна“, рече Вучиќ.

Вака реагира претседателот на Србија, Вучиќ на предупрадувањето да не патуват на самитот во Тиван во Црна Гора од српската безбедносна агенција БИА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Унгарија и Украина постигнаа договор за правата на унгарското малцинство, се отвора патот на Киев за влез во ЕУ

Унгарскиот премиер Петер Маѓар изјави дека Унгарија и Украина постигнале договор за правата на унгарското малцинство во Украина, што би можело да овозможи отворање на првиот кластер.

Унгарија и Украина постигнаа договор за правата на унгарското малцинство, се отвора патот на Киев за влез во ЕУ

Унгарскиот премиер Петер Маѓар изјави дека Унгарија и Украина постигнале договор за правата на унгарското малцинство во Украина, што би можело да овозможи отворање на првиот кластер, односно група преговарачки поглавја за пристапување на Украина во Европската унија.

Договорот претставува потенцијален пробив во долготрајниот спор околу правата на малцинствата, кој ги затегна односите меѓу Будимпешта и Киев и ја комплицира поддршката за пристапувањето на Украина во ЕУ.

„Постигнавме напредок во разговорите со Украина за јазичните, културните и образовните права на етничкото унгарско малцинство“, напиша Маѓар на фејсбук.

Во вторникот тој рече дека е подготвен да се сретне со украинскиот претседател Зеленски следната недела за да отвори ново поглавје во односите, доколку се постигне договор за правата на малцинствата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер