Кумановецот Јован Станковиќ освои второ место на меѓународен натпревар во Виена - Канал 5

Култура

Кумановецот Јован Станковиќ освои второ место на меѓународен натпревар во Виена

 Младиот пијанист Јован Станковиќ од Куманово, освои второ место на меѓународен натпревар во Виена, Австрија. 

Кумановецот Јован Станковиќ освои второ место на меѓународен натпревар во Виена

Станковиќ учествуваше на меѓународниот музички младински натпревар и во силна конкуренција од целиот свет го освои второто место, настапувајќи со дело на Шопен.

- Конкуренцијата беше многу силна, учествуваа пијанисти од Сингапур, Мексико, Хрватска, Макао, Австралија, Хонгконг, Бугарија, Филипини, Тајланд, Австрија, Украина, Унгарија, Грција. Нè оценуваа врвни професори, музичари од престижни факултети од Германија, Италија и Австрија. Имав незначителна трема при настапот. Задоволство е да се освои ваква награда и мотив да продолжам во иднина со учества на меѓународни натпревари, изјави четиринаесетгодишниот Станковиќ, кој бил единствениот македонски претставник на натпреварот.

По првиот и вториот круг Јован се пласираше во финалниот круг каде успешно се презентираше себеси, градот и државата. За натпреварот, тој се пријавил на почетокот на годината и испратил снимки од настапи. Тогаш имало пријавено 250 млади пијанисти од 52 земји од светот, но на финалниот концерт имало повеќе од триесетина учесници. Натпреварот кој се одржа кон крајот на јули и почетокот на август годинава, во концертната сала Das MuTh – Konzertsaal, Bühne & Programm Ehrbar Saal се одржал во различни категории, виолина, пијано, соло пеење, удирачки инструменти.

Младиот Јован беше доскорешен ученик во кумановското основно музичко училиште во класата на професор м-р Марко Митковски. Од септември пак ќе е ученик во „Илија Николовски Луј“ кај м-р Весна Ангелова Христов од музичкиот училиштен центар. Младиот Јован напорно работи, вежба по неколку часа дневно и се надева дека во иднина ќе продолжи уште повеќе да се усовршува.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Потврдена средба на Трамп, Си Џинпинг и Путин в четврток во Кина

Белата куќа потврди. Следната недела во четврток во кинескиот град Шенжен ќе се одржи состанок на Доналд Трамп, Си Џинпинг и Владимир Путин, на маргините на Самитот на Азиско-пацифичката економска соработка -АПЕК.

Потврдена средба на Трамп, Си Џинпинг и Путин в четврток во Кина

Портпаролката на Белата куќа, Оливија Велс, изјави дека една од главните теми на разговорите ќе биде намалувањето на нуклеарното оружје. Претседателот јасно стави до знаење дека ќе се занимава со прашањето за намалување на нуклеарното оружје во светот. Американски претставник, кој зборувал под услов на анонимност, открил дека Трамп планира на средбата да го отвори и прашањето за Иран, а темата за Украина најверојатно нема да биде дел од трилатералните разговори, бидејќи сад водат одделни дипломатски процеси со Киев и Москва, во кои Кина не учествува. Американскиот претседател ќе отпатува во азија во понеделник, а според најавите, најпрво ќе ги посети филипините, по што ќе замине за шенжен, каде ќе се одржи самитот на АПЕК.

Тагови: Владимир Путин Доналд Трамп Си Џинпинг

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Куба се подготвува за можен американски воен напад

Куба се подготвува за можен американски воен напад по изјавите на американскиот претседател Доналд Трамп, кои беа протолкувани како закана за воена интервенција. 

Куба се подготвува за можен американски воен напад

Ова го изјави кубанскиот претседател Мигел Дијаз-Канел, кој порача дека земјата е подготвена да се брани од секоја странска агресија.

„Одлучни сме да го одбиеме секој обид за странска воена агресија врз нашата земја“, рече Канел. Неговата изјава следува откако Трамп прашан дали би размислил за воена интервенција со цел да ја „ослободи“ Куба, за американски медиуми рече: „Сакам да ја решам Куба пред да си заминам“. Тој додаде дека САД внимателно ја следат ситуацијата на островот, оценувајќи дека земјата е во многу лоша состојба и дека практично е пропадната држава.

Тагови: куба

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кравите од Крива Паланка осамнаа во светските медиуми

Кравите од Крива Паланка го обиколуваат Светот.

Кравите од Крива Паланка осамнаа во светските медиуми

Веста дека стотици говеда шетаат слободно низ градот го објавија неколку угледни светски медиуми, како Асошиејтед прес и Еуроњуз, каде што случајот со кравите се најде во познатата рубрика „без комента“.

Медиумите наведуваат дека жителите на Крива Паланка, опишана како земјоделски град, се бори со повеќе од илјада крави кои им ги уништуваат имотите..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер