Ова не е развојна стратегија. Ова е нова должничка замка за граѓаните.

Мицкоски веќе и додаде на Македонија преку 2,3 милијарди евра нов јавен долг за нешто повеќе од две години.

Ако се реализира и дел од овие најави, долгот ќе надмине 12-13 милијарди евра, само нов долг.

Тоа значи повисоки камати, поскапо задолжување и помалку пари за плати, пензии и јавни услуги.

Покрај тоа, најавата предвидува само 57 километри автопат за 10 години - односно 5,7 километри годишно.

Ова е крајно недоволно за сериозен економски раст и подобра поврзаност на земјата.

Уште поалармантно е што нема јасни извори на финансирање.

ЕУ фондовите се блокирани поради отсуство на реформи, буџетот е празен, а странските инвестиции паднаа за 60 отсто.

Единствената преостаната опција е ново задолжување - што значи уште поголем товар за граѓаните.

Наместо да се фокусира на вистински развој преку продолжување на европскиот пат, подобрување на деловната клима, владата произведува пропагандни најави без финансиска и институционална подлога.

Резултатот ќе биде уште поголем јавен долг, послаб економски раст и долгорочно послаб животен стандард за граѓаните.

Доста е со лаги и празни ветувања.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Според „Дејли Мејл“, трагедијата се случила откако нивниот тешко болен син бил отпуштен од болница и испратен дома.

Ракеш Паи (47), Адити Паралкар (46) и нивниот син Сид паднале од балконот на нивниот стан на 36-тиот кат од 45-катната кула „Highpoint Tower„ во јужен Лондон на 27 мај.

Сопружниците, кои потекнувале од Индија и немале блиско семејство во Велика Британија, работеле како консултанти. Ракеш бил специјалист за финансии, додека Адити извршувала високи функции во градежната индустрија.

Пријателите откриле дека Адити се борела со депресија и други проблеми со менталното здравје поради состојбата на нивниот син. Деветгодишниот Сид не можел да зборува, имал делумен инвалидитет, потешкотии во учењето и заболување на бубрезите. Поради неговата состојба, образованието го следел од дома, а најголем дел од грижата за него ја преземала неговата мајка.

Според некои информации, трагедијата се случила откако на Сид му бил одбиен понатамошен медицински третман и бил отпуштен од болница, што ги оставило неговите родители скршени.

Пред околу шест години семејството се преселило во Индија за да побара специјализирана медицинска помош за Сид и поголема поддршка од роднините и пријателите на Адити во Мумбаи. Минатата година повторно се вратиле во Велика Британија, откако лекарите во Индија не успеале да ја подобрат состојбата на нивниот син.

„Тоа беше огромен товар за двајцата, но особено за Адити. Немаше семејство во Велика Британија и истовремено работеше многу одговорна работа. Сето тоа сериозно влијаеше врз нејзиното ментално здравје“, изјавил еден пријател на семејството.

Точните околности на смртта ќе бидат утврдени со официјална истрага. Засега не е закажано рочиште, а пријателите на семејството велат дека сè уште не можат да разберат што точно се случило.

Двајцата родители биле образувани на престижни универзитети во Индија, а во Лондон изградиле успешни кариери. Воделе сопствен консултантски бизнис и живееле во луксузен станбен комплекс, каде што киријата достигнувала и до 3.800 фунти месечно.

Пишува: Дејли Мејл

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Денес со почеток во 10:30 часот, претседателот на Владата, Христијан Мицкоски, ќе присуствува на поставување на камен-темелник за доградба на Основното општинско училиште „Димитар Беровски“ во населба Хром, Општина Ѓорче Петров.

Со реализацијата на овој значаен проект ќе се обезбедат осум нови училници и дополнителни просторни капацитети за околу 240 ученици, со што значително ќе се подобрат условите за одвивање на наставниот процес и ќе се унапреди образовната инфраструктура во општината.

По завршувањето на официјалниот дел од настанот претседателот на Владата, Христијан Мицкоски ќе даде изјава за медиумите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.