Културните институции во Велес работат со минимален број на вработени - Канал 5

Култура

Културните институции во Велес работат со минимален број на вработени

Библиотеката „Гоце Делчев и Народниот музеј во Велес работат со минимум вработени.

Културните институции во Велес работат со минимален број на вработени

Поради тоа, библиотеката нема капацитет да работи во саботите, а од понеделник до петок работи само до 16 часот. За овој случај има реакции од читателите, посебно од оние кои се на работа до 16 часот, па поради скратеното време на работа на библиотеката не можат да си позајмат книга.

Како што информира за МИА Гордана Васковска в.д директорот на локалната библиотека „Гоце Делчев", оваа состојба е се' поизразена посебно последниве две години кога во пензија си заминале некои вработени,а на нивно место не биле примени нови.Таа информира дека минатата година тогашниот директор ги поништил двата конкурси за прием на нови вработени, со што состојбата со кадар уште повеќе се влошила.

-Сега со мене сме само пет вработени. Една колешка е во истуреното одделение на библиотеката во Градско и во Велес сме само четири. По една библиотекарка во детскиот и една во одделот за возрасни. Една хихиеничарка е за цела зграда на библиотеката и плус за салата „Бели Мугри". Јас сама извршувам неколку работни места како книговодител, благајник, а од неодамна и в.д директор, посочи Васковска.

Таа информира дека на почетокот на идната година во пензија ќе си замине една колешка и ако во не се распише нов конкурс за нови вработувања состојбата ќе биде уште полоша.

Во Народниот музеј состојбата е нешто поповолно, но исто така загрижувачка поради недостиг на кадаросебно на стручен. Како што информира за МИА в.д. директорот Марин Клифов, тие се вкупно 11 вработени, од кои само пет се стручен кадар а останатите шест администативно технички.

Градоначалникот Аце Коцевски на последната прес-конференција најави дека наскоро очекува средба со министерката за култура, каде ќе побара дозвола за пополнување на испразнетите слободни места во библиотека и Народниот музеј во Велес.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Русите остро им се заканија на Британците: Ќе платите за ова што го правите

Русија ја предупреди Велика Британија за „последиците“ откако беше потврдено дека дронови произведени во Велика Британија биле користени во неодамнешните напади врз воени и индустриски цели во Русија, објави Би-Би-Си.

Русите остро им се заканија на Британците: Ќе платите за ова што го правите

Руската амбасада во Велика Британија во соопштението изјави дека Велика Британија „свесно избира да ја ескалира украинската криза, предупредувајќи дека колку е подлабоко нејзиното вклучување во конфликтот, толку е поголема цената што ќе ја плати“.

Украина ги засили нападите врз Москва и други делови од Русија длабоко зад линиите на фронтот, особено насочени кон рафинериите за нафта и логистичките капацитети на „Вајлдберис“, еден од најголемите руски онлајн трговци на мало.

Портпаролот на Министерството за одбрана изјави дека Велика Британија стои „рамо до рамо“ со Украина.

„Русија не треба да се сомнева во решеноста на оваа влада да се спротивстави на руската агресија, и во Украина и против Велика Британија и нашите сојузници“, рече портпаролот.

Русите претходно ѝ се заканија на Велика Британија поради нејзината улога во снабдувањето со технологија за дронови на Украина, како и ракетите „Сторм Шедоу“. Руската амбасада сега изјави дека „дејствијата на Лондон неизбежно ќе имаат последици за кои ќе мора да одговара“, но не прецизираше какви потези разгледува Москва.

Најновата фаза од војната директно влијаеше врз снабдувањето со гориво на Русија и дополнително ја погоди руската економија.

Британците се меѓу најголемите меѓународни поддржувачи на Украина од почетокот на целосната инвазија на Русија во февруари 2022 година.

Британското Министерство за одбрана соопшти дека е „посветено да ѝ обезбеди на Украина опрема што ѝ е потребна за да се одбрани од нелегалната инвазија на рускиот претседател Владимир Путин“.

Украина, исто така, користеше сопствена технологија за беспилотни летала и ракети во последните недели, вклучувајќи ја и крстосувачката ракета Фламинго ФП-5.

Украинските сили лансираа стотици беспилотни летала во Московскиот регион само во последните два дена.

Гувернерот Андреј Воробјов изјави во вторникот дека едно 10-годишно девојче е повредено, а магацинот на „Вајлдберис“ е оштетен.

Во исто време, во руските напади врз Украина загинаа 17 лица, вклучувајќи 10 во село на североистокот на земјата.

Познато е дека две британски компании произвеле беспилотни летала што биле испорачани во Киев. Воен извор потврди за Би-Би-Си дека во нападите биле користени британски беспилотни летала, за кои се вели дека предизвикале економска штета од над 35 милијарди фунти.

Русија започна целосна инвазија на Украина во февруари 2022 година и моментално контролира околу една петтина од украинската територија.

Портпаролката на руското Министерство за надворешни работи, Марија Захарова, во 2024 година изјави дека беспилотни летала со британски компоненти и конфигурации биле користени во напади на руска територија, вклучително и напад врз складиште за гориво во округот Каменски во Ростовскиот регион.

Нов бран напади

Предупредувањето на Москва до Лондон следеше по бранот украински напади врз Русија.

Во последните ноќни напади, руските власти изјавија дека околу 620 беспилотни летала биле испратени кон областа околу Москва.

Руската воздушна одбрана соборила повеќе од 180 беспилотни летала, но неколку лица биле повредени, соопштија властите.

Компанијата „Вајлдберис“ изјави дека нејзиниот логистички комплекс „претрпел помала штета“.

Нападите на руска територија се совпаднаа со голем бран руски ракетни и беспилотни летала напади врз Украина.

Најсмртоносниот напад, врз градот Печенеги во североисточна Украина, погоди приватни домови, кафетерија и пошта, а два проектили убија 10 селани.

Уште тројца Украинци беа убиени во Сумиската област, двајца во Запорожје и двајца во Херсон. Пет лица беа ранети во Изјум, во близина на линијата на фронтот на истокот од земјата, додека Киев беше цел на пет бранови напади преку ноќ.

Во саботата навечер, Украина лансираше околу 822 дронови кон Русија, од кои 600 беа насочени кон Москва, рече регионалниот гувернер, нарекувајќи го рускиот главен град „еден од најмасовните напади со дронови во поновата историја“. Во Русија беа пријавени седум смртни случаи.

Истиот ден, руските напади врз Украина убија најмалку седум лица, а повредија повеќе од 39.

Во април, британското Министерство за одбрана објави дека ќе испорача десетици илјади дронови, вклучувајќи уреди за напад со долг дострел, на Украина како дел од најголемиот пакет воена помош досега.

Тагови: Британците Русите

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Го лекувале од мозочен удар, па му откриле рекорден камен во мочниот меур од 3,1 килограми

Лекарите во Шри Ланка отстранија камен од 3,1 кг од мочниот меур на неименуван 55-годишен маж, за кој веруваат дека е најголемиот досега забележан.

Го лекувале од мозочен удар, па му откриле рекорден камен во мочниот меур од 3,1 килограми

Операцијата е извршена во болница во Тринкомале, на истокот од земјата, објави Би-Би-Си.

Пациентот бил примен откако доживеал мозочен удар, а лекарите го откриле каменот за време на третманот откако забележале дека има тешкотии со мокрењето.

Каменот бил долг 17 см и, според лекарот кој ја водеше операцијата, со големина на јајце од ној!

Пациентот е во добра здравствена состојба по процедурата, но е задржан во болница за лекување на други проблеми.

Лекарите веруваат дека каменот во неговиот мочен меур можеби се развивал помеѓу пет и 10 години.

Според Гинисовата книга на рекорди, најголемиот документиран камен во мочниот меур е отстранет во Бразил во 2003 година. Тежел 1,9 кг и бил долг 17,9 см.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Грција воведува ред на плажите: На Халкидики отстранија стотина лежалки и чадори (ВИДЕО)

Општината Полигирос на Халкидики рано утрово спроведе акција за отстранување на фиксните чадори и лежалки кои зафаќаа делови од брегот и го ограничија слободниот пристап за капачите.

Грција воведува ред на плажите: На Халкидики отстранија стотина лежалки и чадори (ВИДЕО)

Општинските работници, во присуство на заменик-градоначалникот на Полигирос Василис Фардогијанис, со помош на камион, две земјоделски возила и багер, отстранија 100 чадори и лежалки кои беа поставени, фиксирани и трајно заклучени на плажата во Геракини, објавува грчката Прототема.

Општината претходно издаде соопштение во кое ги повикува граѓаните и туристите да ги отстранат чадорите, лежалките и секоја друга опрема што беше трајно оставена на брегот и плажата.

Сепак, многумина не постапија по апелот, па општинските екипи пристапија кон нивно отстранување.

„Ова не е потег насочен против никого. Тоа е целосно оправдана интервенција за заштита на јавниот простор и спроведување правила што важат за сите. Општината ќе продолжи со контроли и интервенции каде што е потребно, со цел бреговите да бидат чисти, слободни и достапни за жителите и посетителите“, рече Фардогијанис.

Според надлежната служба за земјиште, отстранетите чадори и лежалки се третираат како отпад и затоа се транспортирани во објект за рециклирање.

Тагови: плажите Халкидики

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер