Македонија

Кулминира трката за градоначалник на град Скопје

Освен Данела Арсовска, бугарско државјанство имал и нејзинот сопруг- тврдат од владејачката СДСМ.Толку им гори под нозе што моите политички ривали се користат со нови лаги и измами против моето семејство. 

Освен Данела Арсовска, бугарско државјанство имал и нејзинот сопруг- тврдат од владејачката СДСМ, од каде и денеска презентираа документи за кои уверуваат дека се валидни и веродостојни, проверени преку сајтот на бугарското министерство за внатрешни работи. Датумите на раѓање и бројот на личните карти го потврдуваат тоа, рече Славјанка Петровска на прес конференција. Додаде дека Арсовска имала длабоки врски со Бугарија и Унгарија и затоа не била компетентна да биде градоначалник на Град Скопје.

- Ова е Удостоверението на Ангел Арсовски, сопруг на Арсовска, издадено 2010 година. Идентично исто како и Арсовска, и Арсовски има бугарска лична карта. Со име и презиме, со номер, со гражданство. Бугарската лична карта на Ангел Арсовски е издадена еден месец пред бугарската лична карта на Данела, односно на трети април 2017 година. – Славјанка Петровска – СДСМ.

Толку им гори под нозе што моите политички ривали се користат со нови лаги и измами против моето семејство. Навистина ни е жал што наместо борба за проекти и подобар стандард на Скопјани, гледаме гладијаторска битка на лажни вести и изместени морални вредности. – реагира Арсовска за обвинувањата од СДСМ. Претходно во видео обраќање таа кажа дека против неа се води силна негативна кампања, но вели не се откажува од победата во недела.

-Никој не заслужува ваква црна кампања, никој не заслужува да биде предмет на монтажи, фалсификати и продуцирани видеа за да се исмеваат со некого. Никој во оваа земја не заслужува да биде понижуван и навредуван. Затоа што тој што тоа го прави покажува ароганција и слабост. Затоа што тој што тоа го прави сака да ги скрие своите криминали и да избегне одговорност. – Данела Арсовска – кандидат за градоначалник на Град Скопје.

Критики на сметка на Арсовска, денеска упати и нејзиниот противкандидат Петре Шилегов. За него е најспорно што Арсовска, како што вели, нема искрен пристап кон граѓаните.

За обвинувањата од СДСМ дека има бугарски документи, а ги крие од јавноста, Арсовска вчера побара јавно извинување од партијата, Шилегов и од премиерот Заев. Во спротивно најави тужби против нив...

Фудбал

17- годишен англиски фудбалер колабирал и починал на теренот

Огромна тага го погоди островскиот фудбал.

Младиот фудбалер Кејлен Денис (17) починал на натпревар на неговиот клуб Волтамстоу на нисколигашките терени во Англија, соопштија од клубот.

На натпревар на селекцијата до 23 години, тој ненадејно колабирал и покрај реакцијата на лекарскиот тим, набрзо починал.

Тој е роднина на многу попознатиот напаѓач Рајан Брустер, кој настапува за Шефилд Јунајтед, а нему му го посвети голот што го постигна претходната вечер против Милвол во Чемпионшип.

- Бевме потресени кога дознавме дека Денис починал за време на натпреварот. Испраќаме најдлабоко сочувство до неговото семејство, пријателите, соиграчите и сите што го познаваа – објави Волтамстоу.

Во продолжение погледнете како Брустер му го посвети голот на својот братучед.

Македонија

Земјоделските инспектори во контрола на откупните пунктови за тутун во прилепскиот регион

Денеска директорот на Државниот инспекторат за земјоделство, Васе Анакиев, заедно со инспекторите од ДИЗ, беа во контрола на откупните пунктови за тутун во прилепскиот регион.

За време на остварената контрола беше констатирано дека откупот тече во нормални услови и интензитет. Тутунот од прва класа се откупува по цена од 375 денари, додека кај едена компанија откупувач е постигната цена од 400 денари по килограм.

Директорот Анакиев посети неколку пунктови од вкупно пријавени 287 на територијата на државата. Во текот на извршените контроли е утврдено дека се пријавени 305 ваги.

Воедно, од Државниот Инспекторат на Земјоделство информираа дека од почетокот на откупот, до сега се откупени вкупно 6.360.485,24кг 1 класа тутун, 13.485,59кг втора класа и 556,81кг трета класа тутун. Вкупната бројка е 6.374.550,44кг, додека просечната откупна цена изнесува 376,00 денари. Од овие количини исплатени се вкупно 57% од откупените количини кон тутунарите.

Инспекторите на ДИЗ остануваат и понатаму на терен каде будно ќе го следат и контролираат откупот, соопштуваат од МЗШВ.

Свет

Руте со драматично предупредување: Не сме подготвени за она што доаѓа

Првиот човек на НАТО, Марк Руте, предупреди дека Алијансата не е подготвена за заканите со кои ќе се соочи од Русија во наредните години и дека е време да почне да размислува воинствено.

„Не сме подготвени за она што ни доаѓа за 4 до 5 години.“

Руте рече дека членките на НАТО потрошиле повеќе од 3 отсто од БДП за одбрана за време на Студената војна и нагласи дека идните распределби ќе мора да бидат значително повисоки од сегашната цел на Алијансата од 2 отсто, што е договорено како минимум.

Иако Алијансата колективно ја исполнува таа цел, околу една третина од нејзините членки не ја исполнуваат поединечно.

Новоизбраниот американски претседател Доналд Трамп, кој ја презема функцијата на 20 јануари, се закани дека САД нема да ги бранат „неодговорните“ земји.

Алијансата се заснова на принципот дека нападот врз една членка се смета за напад врз сите, а коментарите на Трамп поттикнаа стравувања за тоа дали САД ќе одговорат во криза.

„Русија се подготвува за долгорочна конфронтација, со Украина и со нас“, рече Руте за време на говорот во Брисел.

Тој, исто така, истакна дека НАТО мора да биде реален за амбициите на Кина и предупреди дека Пекинг значително ги зајакнува своите воени сили и врши притисок врз Тајван.

Руте рече дека моменталната безбедносна ситуација е „најлошата во мојот живот“, пренесува Sky News.

притисни ентер