Куќа на ужасот: Полицајците пронашле 40 животни и ѓубре до таванот- среде изметот лежело бебе - Канал 5

Свет

Куќа на ужасот: Полицајците пронашле 40 животни и ѓубре до таванот- среде изметот лежело бебе

Полицијата во Јужна Каролина ги уапси Кајла Ренард и Николас Фоли, по пријава од социјалните служби, по што тие се обвинети за занемарување на деца, суровост кон животните и други прекршоци.

Куќа на ужасот: Полицајците пронашле 40 животни и ѓубре до таванот- среде изметот лежело бебе

Полициските службеници пронајдоа вознемирувачки сцени во нивната куќа во округот Андерсон, како што се купишта ѓубре и измет, потоа 41 запоставено животно, а потоа уште еден шок.

„Небезбедна средина“

Имено, откако изброиле ракуни, кучиња, мачки, кокошки, зајаци и остатоци од мртви „миленичиња“ (како коза оставена во кадата), полицијата слушнала дете како плаче, пренесува „Мирор“.

Тие пронашле 8-месечно бебе во една соба и решиле да го предадат на социјалните служби поради „небезбедната средина“. Детето подоцна било предадено на грижа на роднини на уапсените.

„Работам во полицијата 30 години, но никогаш не сум видел нешто пострашно“, рече еден од полицајците.

Сериозен случај

Директорката за контрола на животни во округот Андерсон, д-р Ким Сандерс, била повикана на местото на настанот поради сериозноста на случајот.

Подоцна таа потврди дека се пронајдени 41 живо животно - 25 кучиња, пет ракуни, шест кокошки, три мачки и два зајаци.

Пронајдени се шест мртви животни, вклучувајќи и едно јаре оставено во кујната.

YouTube video

„Тие не покажаа никакви емоции“

Сандерсон ги опиша животните како „сериозно дехидрирани, покриени со измет“ и рече дека повеќето биле „екстремно слаби“. Таа додаде дека смрдеата во куќата била исклучително силна и дека „амонијакот ги горел очите“.

„Домот е несоодветен за кое било живо суштество, а камоли за осуммесечно девојче“, рече таа.

Шефот на полицијата Кристофер Милер изјави дека бебето е физички добро. Сепак, тој изрази шок од однесувањето на родителите за време на апсењето.

„Тие не покажаа никакви емоции. Би очекувале некаква реакција кога ќе ви го одземат детето, а полицијата откри такви ужасни услови“, рече тој.

Тагови: куќа измет

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

За излез од Македонија на Богородица и Дојран се чека три часа

Повеќе од 17000 лица ја напуштиле македонија во последните 24 часа преку ГП Богородица и ГП Дојран кон Грција.

За излез од Македонија на Богородица и Дојран се чека три часа

Во истиот период во земјава влегле околу 16000 птници, покажуваат податоците на министерството за внатрешни работи.

Преку Богородица во Македонија влегле 5864 македонски државјани а изглегле 5948, од странски државјани влегле 10249, а излегле 11648.

На Дојран се евиндентирани 399 влегувања и 1104 излегувања на македонски државјани , странци 1295 влегле, 1174 излегле.

Поради големената фреквенција на двата гранички премини се создадени долги колони возила, најголем метеж беше забележан на Дојран, каде колоната возила се протегаше низ целиот Стар Дојран.

Од МВР велат дека се ангажирани сите расположливи човечки и технички ресусри за побрз проток на патниците.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се запали автобус на „Дурмо Турс“ на автопатот Тетово Гостивар

Автобус на компанијата „Дурмо Турс“ денеска се запали на автопатот Тетово Гостивар, предизвикувајќи вознемиреност кај патниците и останатите учесници во сообраќајот. 

Се запали автобус на „Дурмо Турс“ на автопатот Тетово Гостивар

На социјалните мрежи се појавија видеоснимки на кои се гледа како автобусот е зафатен од пламен, додека густ чад се издига над коловозот.

Според првичните информации, возачот навреме го запрел автобусот, по што сите патници безбедно биле евакуирани. Засега нема информации за повредени лица, а на местото на настанот интервенирале противпожарни екипи кои го локализирале пожарот. Надлежните институции вршат увид за да се утврдат причините за избувнувањето на огнот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео: Сабаленка ги шокираше навивачите со проѕирен фустан за УС Опен

Сабаленка ги шокираше навивачите со проѕирен фустан за УС Опен-Погледнете што ќе носи популарната „тигрица“.

Видео: Сабаленка ги шокираше навивачите со проѕирен фустан за УС Опен

Најдобрата светска тенисерка, Белорусинката Арина Сабаленка ја претстави својата облека за престојниот Грен слем УС Опен.

Светскиот рекет број 1, Арина Сабаленка, ја претстави својата опрема за УС Опен.

Откако неславно го заврши настапот на Вимблдон, таа ретко се појавуваше во јавноста, а сега одлучи да ги израдува навивачите со облеката што ќе ја носи на последниот Грен слем турнир во сезоната.

Брендот „Најк“ и тенисерката од Белорусија овојпат направија чекор понапред. „Тигрицата“ ја брани титулата на УС Опен, откако победи во 2024, а потоа и во 2025 година.

Ако се суди според најавите, ќе гледаме агресивна и енергична Сабаленка, каква што сме навикнати да ја гледаме. Облеката што ја претстави го навести токму тоа.

Сабаленка се одлучи за портокалова боја – маичка и шорцеви, а претходно ќе носи и мрежест фустан.

Иако популарниот бренд досега не ѝ овозможувал на Сабаленка уникатни спортски комплети, овојпат тоа секако ќе се случи. Јасно е дека опремата што ќе ја носи Белорусинката е инспирирана од „Спајдермен“, а се очекува и други тенисерки кои го носат овој бренд да се појават во слични изданија.

Црната мрежа што ја прекрива дводелната спортска опрема е директна асоцијација на филмот, чија премиера е закажана за јули 2026 година. Нема сомнеж дека изданието на Арина Сабаленка ќе предизвика бројни реакции, бидејќи коментарите постојано се менуваат – од позитивни до негативни – само неколку часа по објавувањето на видеото.

Фановите не ја изоставија ниту Наоми Осака, од која очекуваат уште поспектакуларно издание, слично на оние од претходните три Грен слем турнири. Воедно, ова веројатно е последниот Грен слем на кој Сабаленка ќе носи стандардна облека од „Најк“ (Nike) како и останатите тенисерки, бидејќи уште во 2027 година би можеле да ја видиме во персонализирани комбинации.

Тагови: Арина Сабаленка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер