Македонија

КСЗД им препорача на работодавачите да обезбедат доследна примена на законската заштита на работничките за време на бременост, раѓање и мајчинство

Комисијата за спречување и заштита од дискриминација на работодавачите од јавниот и од приватниот сектор им препорачува да обезбедат доследна примена на законската заштита на работничките за време на бременост, раѓање и мајчинство.

Комисијата за спречување и заштита од дискриминација на работодавачите од јавниот и од приватниот сектор им препорачува да обезбедат доследна примена на законската заштита на работничките за време на бременост, раѓање и мајчинство и да се воздржат од практики што доведуваат до нивен нееднаков или понеповолен третман при бременост, раѓање и мајчинство во остварувањето на правата од работен однос.

Општата препорака донесена од КСЗД, како што појаснуваат од таму, произлегла од фактот што во повеќе предмети Комисијата утврдила директна интерсекциска дискриминација врз основа на пол и род во врска со бременост, раѓање и мајчинство во областа на работата и работните односи.

- Поаѓајќи од уставната гаранција на правото на работа и социјална сигурност, уставната гаранција на посебната заштита на мајчинството, децата и семејството, како и посебната заштита на жените при работа, во согласност со домашото законодавство, како и меѓународната легислатива на Организацијата на Обединетите нации, Меѓународната организација на трудот и правото на Европската Унија, а имајќи ја предвид утврдената фактичка состојба во предметите поврзани со дискриминација по основ на бременост, раѓање и мајчинство во работните односи, Комисијата за спречување и заштита од дискриминација врз основа на член 28 од Законот за спречувањето и заштитата од дискриминација упатува општа препорака за заштита од дискриминација на жените поради бременост, раѓање и мајчинство во работните односи, се наведува во документот.

Во документот се додава дека во пракса жените работнички, особено оние што се вработени со договори за работа на определено време, се ставени во понеповолна положба во однос на други работници и работнички.

Ова, пред сè, се додава во препораката поради поставеноста на правната рамка, која ги уредува договорите за вработување на определено време во согласност со што не постои нормативно, а со тоа и практично ограничување на нивната употреба од страна на работодавачите.

- Законот за работните односи определува дека договорите за вработување на определено време се одредени од објективен услов, а не од постоење објективна причина за нивно склучување. Во согласност со ЗРО, судбината на овие договори, односно нивното времетраење е поврзано со доаѓање одреден датум, со појава на одреден настан или со завршување одредена задача, без притоа да утврди посебни ситуации или причини за тоа кога ваквите договори би требало и би можело да бидат склучени. Со тоа, во пракса, ваквите договори законот ги поставил како правило, а не како исклучок. Следствено, работодавачите немаат практично ограничување за тоа каков вид работен однос би засновале, односно каков вид договор за вработување би склучиле со работниците, а од договорите за вработување на определено време значително најзастапени се оние што се поврзани со истек на време, односно со доаѓањето одреден датум - се вели во препораката.

И покрај фактот што работниот однос е договорен однос, наведуваат од Комисијата, сепак треба да се има предвид дека тој во суштина е субординиран однос, во кој работникот е во подредена економска положба во однос на работодавачот, па најчесто економските причини се тие што влијаат на изборот и волјата на работникот да склучи, односно да се согласи на договор за вработување на определено време.

Работниците, се вели во препораката, особено работничките што волно склучиле договор за вработување на определено време, се во неизвесна положба во поглед на планирањето на семејниот живот и се во понеповолна положба во поглед на можноста од остварување права поврзани со бременоста, раѓањето, мајчинството,

- Од тука, во услови кога работничката ќе забремени, работодавачите, по истекувањето на договорот за вработување на определено време, не се одлучуваат повторно да засноваат работен однос со работничката, односно да ѝ понудат анекс на договорот, дури и во ситуации кога околностите биле извесни или упатувале на продолжување, односно повторно засновање на работниот однос или кога претходно веќе постоела пракса на склучување последователни анекси на договорите, а воедно деловната потреба за работник/чка на тоа конкретно работно место не престанала - нагласува Комисијата.

Во овие случаи, се додава во препораката, волјата и постапувањето на работодавачите повторно, односно последователно да не засноваат работен однос со работничката, се заснова исклучително на околноста поврзана со бременоста, рагањето и мајчинството, а таквото постапување за Комисијата претставува директна или интерсекциска дискриминација врз основа на пол и род, во врска со бременост, раѓање и мајчинство.

Од друга страна, пак, се додава, меѓу другото во општата препорака на КСЗД, другите механизми за заштита пропуштаат да го препознаат фактичкото дејствување на работодавачот како дискриминаторско дејство, односно како дискриминација во вработувањето и пристапот до работа, не нудејќи соодветна заштита за оваа категорија работнички. Ова вклучува и непрепознавање на судската заштита според законот и спречување и заштита од дискриминација, односно тужба за дискриминација како можност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Генијален трик со помош на кој на авион ќе можете да понесете повеќе багаж бесплатно

Ако ви пречи тоа што не можете да понесете доволно облека бидејќи вашата авионска карта вклучува само рачен багаж, еве едно интересно решение.

Една корисничка на Тикток открива генијален трик за избегнување на трошоците за багаж, а за сето тоа ви е потребно само една навлака за перница.

21-годишната Белгијка секоја година оди на одмор со авион и со тек на време научила неколку трикови за своите авантури. Отсекогаш и пречело тоа што не може да понесе доволно облека, бидејќи нејзината карта вклучувала само рачен багаж.

На видеото кое го сподели на социјалната мрежа Тикток, таа шета низ аеродромот со полна навлака од перница, а персоналот на авиокомпанијата воопшто не ја прегледува. Подоцна во видеото, таа пристигнува во хотел и ја отвора навлаката фрлајќи ги парчињата облека на креветот, покажувајќи всушност што имало внатре.

Таа ги советува нејзините придружници, навлаката да ја полнат исклучиво со меки работи за во текот на летот да ја користат. Исто така, додава и да не се однесувате сомничаво зашто не правите ништо погрешно. Корисниците на Тикток беа воодушевени од нејзината идеја. Видеото има повеќе од 40 милиони прегледи, но и коментари:

- Ја надмудри авиокомпанијата, генијална идеја! –напишал еден од корисниците.

- Многу паметно, ќе го пробам на следното патување со авион – додала друга корисничка.

Здравје

Природно чистење на цревата: „Метла“ салата и намирници за „чистење“ и на дебелото црево

Неодамнешните истражувања потврдуваат дека специфични растителни соединенија - фитонутриенти од зелен зеленчук делуваат како моќен регулатор на микробиомот и се клучни фактори во чистењето на цревата.

Според студија објавена во списанието „Микроорганизми“, исхраната базирана на растенија богата со фитонутриенти не само што го забрзува елиминирањето на штетните супстанции од дебелото црево, туку и директно го поттикнува растот на корисни бактерии кои го намалуваат системското воспаление и го подобруваат метаболичкото здравје.

Чистењето на дебелото црево е неопходна биолошка потреба на современиот човек

Дали некогаш сте се разбудиле со чувство дека целото тело ви е „тешко“, иако сте се наспале доволно? Можеби се борите со постојана надуеност што не поминува ни по најлесниот оброк, или вашата концентрација на работа е на најниско ниво досега? Одговорот на овие проблеми ретко лежи во уште една шолја кафе. Тој лежи во вашиот дигестивен тракт.

Чистењето на дебелото црево и систематската детоксикација на цревата сега се неопходна биолошка потреба на современиот човек. Секој ден нашето тело обработува илјадници токсини - од адитиви во храната до загадување на воздухот. Кога овие процеси стануваат побавни, цревата складираат отпад што го труе остатокот од телото. Затоа експертите предлагаат како да го „ресетирате“ системот преку научно докажани методи и да ја вратите енергијата.

Зошто здравјето на цревата е клучно за целото тело?

Денес, науката го потврдува она што древната медицина отсекогаш го знаела: смртта, но и животот, започнува во цревата. Нашиот дигестивен систем не е само „цевка“ за храна - тоа е динамичен екосистем што ја контролира нашата биологија.

Според експертите од клиниката Мајо, разбирањето на микробиомот може драстично да го подобри не само варењето, туку и функцијата на мозокот, како и нивото на воспаление во телото. Се проценува дека дури 70 до 80 проценти од нашите имунолошки клетки се наоѓаат во цревниот тракт. Кога се детоксифицирате, директно ја зајакнувате вашата прва линија на одбрана од вируси и хронични болести. Покрај имунитетот, цревата се дом на трилиони микроби кои произведуваат витамини и го регулираат метаболизмот. Ако цревата се чисти, овие микроби работат за нас. Ако се полни со токсини, тие стануваат извор на воспаление. Затоа чистењето на цревата е првиот чекор кон целта за благосостојба, без разлика дали станува збор за губење на тежина или чистење на тенот.

Храна што природно го „чисти“ дебелото црево

Она што го јадеме помеѓу периодите на детоксикација одредува нашите црева ќе останат чисти. Клучот е да јадете лесно сварлива храна.

Цвекло: Содржи пигменти (беталини) кои му помагаат на црниот дроб во фазата 2 од детоксикацијата. Овие соединенија ги подготвуваат токсините за полесна елиминација преку цревата, додека природните нитрати го подобруваат протокот на крв низ дигестивниот тракт.

Ленено семе: Богато со слуз која набабрува во контакт со вода, ги обложува цревата и делува како ефикасен „лубрикант“ што го олеснува празнењето на столицата без иритација на слузницата.

Јаболка: Содржат пектин, вид растворливи влакна кои делуваат како биохемиски „лепак“ за токсините и тешките метали во цревата, безбедно отстранувајќи ги од телото.

Брокулата и карфиолот содржат сулфурни соединенија (како сулфорафан) кои го стимулираат производството на ензими за чистење и ја штитат ДНК-та на цревните клетки од оштетување.

Шпаргла: Одличен извор на специфични влакна кои делуваат како храна за добрите бактерии, но исто така содржат аминокиселина аспарагин, која помага во исфрлањето на вишокот вода и метаболички отпад од системот.

Целер (стебло): Делува како природен чистач поради неговата висока содржина на вода и минерали. Неговите влакна ја задржуваат влагата во дебелото црево, што спречува стврднување на столицата и го олеснува нејзиното елиминирање.

Коморач: Се користи со векови за смирување на воспаленија во цревата. Неговите влакна механички ги чистат цревните ѕидови, додека есенцијалните масла ги ублажуваат грчевите и го поттикнуваат ослободувањето на заробените гасови.

Артичоки: Содржат цинарин, кој го стимулира производството на жолчка, што е од суштинско значење за разградување на мастите и миење на токсините од црниот дроб директно во дигестивниот тракт поради исфрлање.

Лиснат зелен зеленчук (кељ, спанаќ, блитва): Преполн со хлорофил, кој ја штити слузокожата на цревата и ги неутрализира токсините од околината, дејствувајќи како природен внатрешен дезодоранс и прочистувач на крвта.

Ротквици: Содржат сулфурни соединенија кои го помагаат во одржувањето на здравјето на жолчното кесе, што е од суштинско значење за ефикасно празнење и чистење на тенкото црево.

„Метла“ салата за чистење на дебелото црево

Оваа салата името го добила бидејќи механички ги чисти цревата и го подобрува варењето на храната. За салатата ви е потребно:

Рендано сурово цвекло

Рендан морков

Сечкана зелка

За прелив додајте:

Сок од лимон

Една лажица ладно цедено масло од коноп.

Шоу биз

Бекамови го вклучуваат Бруклин во објавата за Денот на татковците и покрај наводната караница

Бруклин Бекам можеби не е во најдобри односи со своето семејство, но неговите родители сè уште мислат на него.

Дејвид и Викторија Бекам вклучија фотографии од нивниот најстар син, 27, во нивните објави на Инстаграм за Денот на татковците.

Семејни честитки на Инстаграм

„Да бидам татко е мојата најважна работа... Ве сакам сите и ви благодарам, мама @victoriabeckham, што ни го подари нашето прекрасно семејство. Среќен Ден на татковците на сите татковци низ целиот свет“, напиша Дејвид на Инстаграм.

View this post on Instagram

A post shared by David Beckham (@davidbeckham)

Викторија, исто така, објави почит на својот профил. „Дејвид, ти навистина си најдобриот татко. Нашите прекрасни деца отсекогаш биле твое најголемо достигнување и многу те сакаме. Среќен Ден на татковците“, рече таа. Таа вклучи фотографија од Дејвид како позира на плажа со сите нивни четири деца, вклучувајќи ги Ромео, 23, Круз, 21 и Харпер, 14.

View this post on Instagram

A post shared by Victoria Beckham (@victoriabeckham)

Раздор во позадина

Објавите доаѓаат неколку дена откако Бруклин навидум ги прозва своите родители во реклама на „ DoorDash“ снимена пред Светското првенство. Во рекламата, Бруклин седи на каучот во својот дом додека во позадина се слуша фудбалски натпревар.

„Веројатно се прашувате зошто го гледам Светското првенство во 2026 година од дома“, вели Бруклин со насмевка. „Долга приказна е.“ Потоа станува и фрла неколку билети за турнирот на масичката за кафе. Рекламата завршува со натписот: „Комплицирано е. Наскоро повеќе.“

View this post on Instagram

A post shared by @brooklynpeltzbeckham

Бруклин, најстариот син на поранешниот фудбалер Дејвид Бекам и модната дизајнерка Викторија Бекам, во јануари објави долга изјава за неговите семејни проблеми и зошто не сака да го поправи својот нарушен однос со своите родители, браќа и сестра.

Извор: Индекс.хр

Тагови: Бекамови караница