Крушево со локум чека туристи и посетители - Канал 5

Крушево со локум чека туристи и посетители

 Историско и туристичко Крушево ги поминува месеците во исчекување. Кризата со пандемијата речиси го затвори градот. 

Крушево со локум чека туристи и посетители

Градот на музеите нема надежи зашто тие не работат, летово нема да дојдат околу 2 500 параглајдеристи од светот. Градот кој живее од туризмот, и во кој 70 отсто туристи се во летото, е во постојано исчекување на протоколи, прописи, на можности да заживее. А без туризмот нема што да се очекува е неподелено мислењето и помеѓу жителите и кај угостителите кои ги чистат рестораните и хотелите и – толку. Нема кој да им дојде. Инаку, досега има три случаи на коронавирусот, од кои еден починат. И, велат, „увезени" им се од другите градови.

-Сега е катастрофално, сѐ е откажано, параглајдеристите од светот не доаѓаат. А токму затоа во Крушево е празно. Ако има мерки за да дојдат домашните туристи, арно, ама од странските нема ништо, вели крушевчанецот Кочо Димески.

-Според мене, повеќе треба да се ангажираат туристичките агенции. Да донесат некој турист, за да заживее градот. Во Крушево е слаба економијата, најмногу се очекува од туризмот. Значи, 2 500 параглајдеристи изгледа нема да дојдат. Тешко е, објаснува Роберт Рујаноски.

-Тешко е. Работиме само со достава за готвена храна до врата. Ама од тоа нема живот за угостителството. Повеќето ќе затворат вака, вели готвачот Петар Николоски.

-Неиздржливо е. Ресторанот е празен, само чекаме. Се плаќаат трошоците, вработените се дома, ама ги плаќаме. Ништо не знаеме. Само од достава преживуваме. Параглајдеристите откажаа. Оние што имаат куќи во Крушево си доаѓаат и си седат дома. Толку. Се пријавивме за кредити, по 14 500 за вработените. Исчекуваме, вели Никола Здравески, угостител.

Природата, чистиот воздух, околината на Крушево мамат да се помине убаво време. Во релаксација, прошетки, подалеку од психолошкото и физичкото бреме што ги донесе пандемијата. Градот и околината се лек за сите, ама никој не може да им дојде на гости. Тука се само иселените кои имаат куќи, доаѓаат, ама си седат дома. Крушво ги преживува пандемиските месеци и тагува по убавите времиња.

Локалните власти, ентузијастите со иницијативи како да заживее највисокиот град на Балканот. Историјата ја чува зад затворени врати, не работат седумте музеи, туризмот уште повеќе зашто нема посетители, ниту се издаваат сместувачки капацитети. Мора да се пробие патот, прво преку интернетот, со промоцијата, па потоа да се свртиме, велат, кон домашните гости и туристи. Девизата е: „Дома си е дома".

Младите ентузијасти преку проект ја оформуваат платформата „Викенд во Крушево- вашиот омилен туристички водич. Прво, пред две години како фејсфук страница и Инстаграм профил, од средината на мај и како туристичка платформа. Работиме и не се откажуваме вели Сотир Габелоски од неформалната група за туристичка промоција на Крушево.

-Сега успеавме да обезбедиме средства преку одредени проекти за да може да финансираме изработка на веб-страница. Имаме цел да ги обезбедиме сите информации за посетителите и за потенцијалните туристи зашто многумина кои доаѓаат се жалат дека немаат доволно информации кога работат музеите, рестораните, што да пробаат, каде да се прошетаат, која тура да ја преземат. Нашата цел е да ги обезбедиме тие информации и преку засилена промоција сите тие туристи ќе ги посетуваат. Од друга страна, да отвориме простор за угостителскиот сектор, од ресторани, пицерии, хотели, па сѐ до приватното сместување, туристички водичи, такси-служба. Сите информации да ги имаме на едно место за туристите.

Аплициравме за проект на Мировниот корпус и сето тоа да го создадеме, но поради коронавирусот е суспендиран. Но тоа што го сработивме, вклучувајќи ја веб-страницата, успеавме да го имплементираме. Во проектот е и работилница со угостителскиот сектор за да креираме заедничка понуда, но тоа засега е неизвесно поради ситуацијата.

Во моментов работиме на дополнително популаризирање на веб-страницата за оваа платформа да биде вистински туристички водич со кој ќе се пронајде угостителскиот сектор и потенцијалните туристи.

Има заинтересираност. Дневно има околу 2000 посети, но сакаме уште повеќе. Сега е направена македонската верзија, зашто сега сме концентрирани на домашните туристи, а во изработка е и англиската верзија за странските туристи, објаснува Габелоски.

Крушевскиот градоначалник Томе Христоски вели дека се фокусирани на домашните туристи и почнаа преку апликации кампања под мотото „Дома си е дома".

-Ќе одиме со промоција „Дома си е дома" и одиме и со неколку апликации: веб-апликација на општината која ја работиме во соработка со Светска банка и со Агенцијата за промоција и поддршка на туризмот, потоа со ејпл-а мобилна апликација со која ќе се насочуваат туристите според нивните желби што сакаат да посетат. Работиме на туристички места во и околу Крушево каде туристите може слободно да се движат. Говориме за велосипедските патеки долги 42 километри. Имаме шеталишта, околу езерото каде, без групирање посетителите може да уживата во природата. Ќе се промовираме во медиумите за да ни помогнат да ги привлечеме посетителите, вели Христоски.

Мери Чавкароска, претседател на крушевското здружение на угостители и туризам вели дека 70 отсто од туристите се во летниот период. Сега ги нема меѓународните првенства, ланските резервации не се потврдени, нема параглајдеристи. Малку надеж има за крајот на август и почетокот на септември, ама сѐ зависи од пандемијата.

– Сега ќе се надеваме на домашните туристи. Би требало државата да преземе некои мерки да ги привлечеме посетителите од земјава. Имаме добри туриститчки капацитети и ресурси. Се надевам дека годинава ќе се извлечеме со домашниот туризам. Загубите се многу големи, зашто 70 отсто од заработувачката е во летниот период. Инаку, кај нас доаѓаат, веќе 10-ина години оние параглајдеристи – аматери кои, по првенствата, во август и септември се тука. Се надевам дека ќе дојдат, но сѐ зависи од пандемијата, вели Чавкароска.

Крушево е во исчекување. Го има сето време на светот, но најмалку надежта дека ова лето ќе се покрене туризмот. Ама едно не замира во Крушево. Кога и да го посетите, ќе ги најдете најпрепознатливите специјалитети. Крушевскиот локум и целувките. Барем ќе ги заблажат овие горчливи денови на исчекувања./МИА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Единаесет реченици што ги изговараат луѓето кои не се среќни, често прикривајќи го она што ни себеси не си го признаваат

Проверете дали и вие ги имате овие знаци на потиснато незадоволство! 

Единаесет реченици што ги изговараат луѓето кои не се среќни, често прикривајќи го она што ни себеси не си го признаваат

Прв чекор е освестувањето на тоа како се чувствувате, а дури потоа може да направите промена кон поголем внатрешен мир и поисполнет живот.

Чувството на несреќа не се манифестира секогаш како тага. Понекогаш, тоа се крие во секојдневни фрази што ги повторуваме толку често што престануваме да забележуваме што навистина чувствуваме. Еве некои од нив.

1. „Добро сум, навистина“

Кога некој ќе нè праша дали сме сигурни дека сè е во ред, веднаш повторуваме дека сме добро, обидувајќи се да се увериме себеси и другите. Понекогаш ни е полесно да ја отфрлиме туѓата грижа отколку да признаеме што навистина се случува.

Тоа не значи дека секој што повторува дека е добро нешто крие, но ако постојано чувствувате непријатност зад таквите зборови, можеби вреди искрено да се запрашаме како ни оди.

2. „Не можам да се пожалам“

Оваа реченица звучи безопасно и често служи за завршување на разговорот. Сепак, понекогаш зад тоа стои верувањето дека нашите проблеми не се доволно големи за да зборуваме.

Можеби некогаш сме се обиделе да се довериме, но не сме наишле на разбирање. Со тек на времето, учиме да молчиме дури и кога ни треба поддршка.

3. „Што да се прави“

Понекогаш ова е израз на прифаќање на она што не можеме да го промениме. Но, ако го користиме за секоја ситуација што не повредува или разочарува, можеби сме престанале да веруваме дека работите би можеле да станат поинакви.

Прифаќањето не е исто што и откажувањето. Не можеме да контролираме сè, но тоа не значи дека треба да се откажеме од сопствените желби и потреби.

4. „Едноставно, уморен/а сум“

Заморот често е наједноставното објаснување за тоа што ни се случува. Но, зад постојаната исцрпеност понекогаш се крие емотивен товар. Кога долго ги потиснуваме нашите чувства и се обидуваме да држиме сè под контрола, може да се почувствуваме исцрпени дури и кога спиеме доволно.

5. „Сеедно ми е“

Без разлика дали станува збор за тоа каде ќе вечераме, што ќе правиме или дали некој коментар нè повредил, на сè реагираме исто: „Сеедно ми е“.

Понекогаш ова е знак на опуштеност, но може да укажува и на тоа дека сме престанале да ги изразуваме сопствените желби, бидејќи очекуваме да бидеме разочарани или да наидеме на недоразбирање.

Кога предолго ги потиснуваме сопствените потреби, лесно заборавиме дека и нашето мислење заслужува простор.

6. „На другите им е многу полошо“

Споредувањето со луѓе кои минуваат низ потешки животни ситуации може да ни помогне да почувствуваме благодарност за она што го имаме, меѓутоа проблемот настанува кога тоа го користиме за да си забраниме да чувствуваме тага.

Туѓото страдање не го поништува нашето. Не мора да минуваме низ голема животна криза за да имаме право на поддршка и разбирање.

7. „Барем имам...“

„Барем имам покрив над глава.“

„Барем децата ми се здрави.“

„Барем не сум сам.“

Благодарноста може да биде важен извор на сила, но таа не смее да стане причина за игнорирање на сопствената болка. Можеме да бидеме благодарни за она што го имаме, а истовремено да чувствуваме тага, осаменост или незадоволство од одредени аспекти на нашиот живот.

Едно чувство не го поништува другото.

8. „Навистина сум зафатен во последно време“

Обврските, работата и секојдневното брзање понекогаш стануваат згоден начин да се избегнат разговори или средби за кои немаме доволно емотивна енергија.

Зад постојаната зафатеност може да се крие повлекување, тага или потреба да се дистанцираме од другите. Кога ни е тешко да објасниме што се случува, често е полесно да кажеме дека немаме време, отколку да признаеме дека не се чувствуваме добро.

9. „Извини, не знам од каде ми е сега ова“

Понекогаш, среде сосема обичен разговор, може одеднаш да почнеме да плачеме или гласот да почне да ни трепери. Нашата прва реакција често е да се извиниме и да се обидеме брзо да го вратиме разговорот на претходната тема.

Како нашите емоции да се некаква непријатност која мора да ја оправдаме. Сепак, солзите и тагата не се нешто поради што треба да се срамиме. Тие можеби се само знак дека треба да застанеме и да обрнеме внимание на нешто што долго време го носиме во себе.

10. „Било и полошо“

Кога некој ќе нè праша како сме, наместо да споделиме како навистина се чувствуваме, ние ја споредуваме моменталната ситуација со некој потежок период од минатото.

Ако во одреден момент ни било многу полошо, лесно можеме да заклучиме дека сега немаме причина за жалење. Сепак, тоа што сме преживеале тешки времиња не значи дека немаме право да чувствуваме болка или исцрпеност, ниту пак да побараме поддршка.

11. „Искрено, работите моментално одат навистина добро“

Понекогаш инсистираме на тоа колку сме среќни, дури и кога никој не нè прашал. Ова е особено често по долга тишина или во моменти кога сме биле блиску до тоа да ја покажеме својата ранливост.

Се разбира, луѓето имаат целосно право да бидат среќни и тоа да го споделат со другите. Но, кога чувствуваме постојана потреба да докажуваме дека ни оди добро, можеби вреди да се запрашаме кому всушност се обидуваме да му го докажеме тоа?

Не мораме секогаш да бидеме „добро“. Исто така, не мора да имаме јасно објаснување за секоја емоција што ќе нè обземе. Понекогаш, првиот чекор кон внатрешен мир е едноставно да бидеме искрени кон самите себе – да признаеме дека работите се тешки, дека сме уморни или дека ни е потребна поддршка. А кога ќе забележиме дека некој близок се крие зад слични чувства, можеби е поважно да го ислушаме без осудување, отколку да се обидуваме да го убедиме дека нема причина да се чувствува така.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Четири омилени вежби на Еве Лонгорија

– Еве како ја одржува својата витка линија после 50-тата година! (видео)

Четири омилени вежби на Еве Лонгорија

Во февруари 2025 година, Ева Лонгорија сподели видео од тренинг на нејзиниот профил на TikTok со наслов „Враќање на суштината“ (@evalongoria Back to basics). Погледнете ги вежбите што ги изведува и размислете како можете да ги прилагодите на своите можности.

Ѕвездата од серијата „Очајни домаќинки“ не се потпира само на вежби за стомачни мускули и задник. Нејзината рутина вклучува чучнувања, динамични движења со медицинска топка и разни вежби со тегови кои активираат повеќе мускулни групи.

1. Чучнувања со руско „ѕвоно“

Ева го започнува својот тренинг со чучнувања, а во рацете држи кетлбели (руски ѕвона). Додека го спушта телото, таа ги свиткува колената и колковите, а потоа контролирано се враќа во почетната положба.

Оваа вежба ги активира мускулите на бутовите и задникот, како и мускулите на трупот кои помагаат во одржување на стабилноста. Дополнителниот товар го зголемува интензитетот на вежбата и придонесува за зајакнување на долниот дел од телото.

2. Енергично удирање на медицинска топка од подот

Следната динамична вежба е позната како „удирање со топка“ (slam ball). Таа вклучува кревање на медицинска топка над главата, а потоа нејзино силно удирање од подот. Ова движење ги активира мускулите на рацете, рамената, трупот и нозете.

Оваа вежба внесува кардио компонента во тренингот за сила, бидејќи го зголемува пулсот и бара ангажирање на повеќе мускулни групи.

3. Странично подигање на тегови (Lateral Raises)

За да ги зајакне рамената, Ева користи тегови за изведување странични подигнувања. Рацете се креваат настрана, приближно до висината на рамената, при што лактите се држат благо свиткани.

Оваа вежба е насочена конкретно кон страничните мускули во рамената и помага во зацврстување и јакнење на горниот дел од телото.

4. Кревање на тегови пред телото (Front Raises)

Во продолжение на тренингот, актерката изведува варијации на подигање тегови пред телото, со контролирани движења на рацете. Овие вежби ги активираат рамената и мускулите на рацете и можат да се прилагодат на различни нивоа на физичка подготвеност.

Погледнете како изгледа тренингот на Ева: (видео)

Зошто овие вежби се корисни по 50-тата година од животот?

По 50-тата година, особено е важно да се стави акцент на зачувување на мускулната маса, силата и подвижноста. Вежбите со отпор можат да помогнат да се забави губењето на мускулната маса, да се подобри рамнотежата и да се олесни извршувањето на секојдневните активности.

Токму затоа, чучнувањата со тегови, вежбите за рамениците и динамичните движења со медицинска топка се одличен примери за сеопфатен тренинг што го активира целото тело.

Се разбира, нема потреба да користите големи тежини или веднаш да се обидувате да ги изведете сите вежби. Започнете со помали тежини, внимавајте на правилната техника и постепено зголемувајте го интензитетот. Доколку имате здравствени проблеми или сте направиле долга пауза од вежбањето, консултирајте се со стручно лице пред да започнете со редовен тренинг.

Примерот на Ева Лонгорија покажува дека фокусот на силата и физичката подготвеност не престанува со возраста. Напротив, редовното вежбање може да биде еден од најдобрите начини да останете силни, подвижни и полни со енергија, дури и по 50-тата година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фото: Хаос поради нозете на Џеј Ло

Светската музичка ѕвезда Џенифер Лопез покажа дека дури и на 57-годишна возраст може да се пофали со завидна фигура, а нејзиното последно телевизиско појавување повторно привлече внимание поради нејзиниот изглед.

Фото: Хаос поради нозете на Џеј Ло

Извајаните нозе на „жешката“ латиноамериканка Џеј Ло предизвикаа хаос, напорните тренинзи вродија со плод.

Латино дивата Џенифер Лопез гостуваше во емисијата „The Tonight Show Starring Jimmy Fallon“, каде што се појави во краток фустан што ги истакна нејзините затегнати и мускулести нозе.

За оваа пригода, таа одбра впечатлив мини-фустан во маслинеста боја, чиј крој дополнително ја нагласи фигурата по која таа е препознатлива со години.

Токму мини-должината ги стави нејзините извајани нозе во центарот на вниманието, особено додека таа седеше на каучот во студиото.

Стајлингот го заокружи со чевли со шпиц во кафеава нијанса, златни алки, часовник, прстени и обетки.

Косата ја зачешла наназад и ја врза во високо опавче, додека очите ги истакна со шминка, а усните ги остави во неутрални тонови.

Сепак, фотографиите од студиото брзо привлекоа внимание, а нејзиниот избор на облека уште еднаш покажа дека пејачката радо избира парчиња што ја истакнуваат нејзината фигура и дека не се плаши од кратки и провокативни кроеви.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер