1Поднесено обвинение за злоупотреби против полициски службеници од Велес за случајот на Росица Коцева
2Грчката полиција потврди: Македонските служби го имаа главниот товар во истрагата за иранската мрежа
Историски момент за „Војаџер 1“. Сонда е оддалечена еден светлосен ден од Земјата или 25,9 милијарди километри
2Историски момент за „Војаџер 1“. Сонда е оддалечена еден светлосен ден од Земјата или 25,9 милијарди километри
КултураКрушево го има првиот „Фестивал на храна и култура"Со прогласувањето на најдобрите млади готвачи на крушевскиот специјалитет „Чомлек" денеска во Крушево ќе заврши првиот „Фестивал на храна и култура" што се одржува овој викенд. Околу 30 млади готвачи, ученици во 8 угостителски средни училишта во земјава и од едно од Лесковац, Србија, викендов во Крушево ги покажуваат својата умешност и кулинарските вештини во приготвувањето на храна, посебно на крушевски специјалитет. Првиот „Фестивал на храна и култура" е во организација на крушевското угостителско средно училиште „Наум Наумоски Борче" со поддршка на локалната самоуправа, Локалниот младински совет и на невладината „Викенд во Крушево". Се одржува под мотото „Вкуси го Крушево". Учесниците, прво, во центарот на Крушево ги претставија специјалитетите од своето поднебје, а потоа имаа задача, во кујната на крушевското училиште да го приготват крушевскиот специјалитет – чомлек со што се претавија пред крушевчани и пред туристите. Младите готвачи ги покажуваа својата умешност и кулинарските вештини. Лазар Илиќ од Лесковац, Србија, вели дека ова е неповторливо искуство. -Првпат сум во Крушево. Дојдовме да се натпреваруваме и првпат го приготвуваме ова јадење – чомлек. Убаво искуство е ова. ние ги приготвуваме вашите јадења, ги наулчуваме рецептите и кога ќе дојдат кај нас, ги научуваат нашите јадења, изјави Илиќ додека го приготвуваше крушевскиот специјалитет. Павел Јанев и Лазар Вујановиќ од скопското средно училиште „Лазар Танев" ги пренесоа своите впечатоци. – Првпат приготвувам „крушевски чомлек", ама се надевам дека ќе биде многу убаво, рече Јанев. -За приготвувањето на чомлекот се подготвувавме во училиштето, ама не се знае кој ќе го освои првото место. Се надеваме. Инаку, ние се претставивме со наши специјалитети: скопска тава, слично на селското месо, само одозгора со кашкавал и со зелник од коприва, објаснува Вујановиќ. Сара Ценева од Кратово, пак, има искуство со приготвување на специјалитетот. -Го имам приготвувано крушевскиот чомлек. Ние се претставивме со кратовска пастрмајлија, со пинџур, со мантии, салата од домашен компир. Многу ми е мило што се одржува фестивалот. Добивме нови сознанија, се дружиме со врсниците од многу градови, изјави Цанева. Милош Ѓорѓевиќ, професор од Лесковац, Србија смета дека фестивалот е одличен настан за размена на сознанија и на дружење. – Доаѓаме, како тим, првпат, за да ја видиме атмосферата, да видиме како се приготвува рецептот за вашето национално јадење – крушевски чомлек. Во Крушево, на Фестивалот, се претставивме со наши специјалитети од Лесковац: со „лесковечки воз"(лесковечка скара), со салати: „трљаница", „моравска", баница со сукани кори, кисело млеко и наше предјадење со повеќе видови сирења и чадено месо. Мислам дека публиката беше задоволна. Фестивалот за нашето училиште е големо искуство, се запознавме со поднебјето, со културата, осознавме нови рецепти и начини на готвење и големо е дружењето. Се надевам дека традицијата ќе продолжи, а со тоа и дружењето, рече Ѓорѓевиќ. Христијан Јорданоски е шеф на кујна во Хрватска, но и судија на натпреварувањето. Нагласува дека има критериуми за најдобро приготвен специјалитет и смета дека младите кулинари треба да остварат кариера во земјава. -Учениците и младите готвачи покажаа како се приготвува „крушевскиот чомлек". Битни беа неколку критериуми. Се оценуваа вкусот, начинот на приготвувањето и како се снаоѓаат во кујната како тим. Има голем интерес за угостителската струка кај младите. Според моето искуство, доста се успешни. Професијата готвач е барана и, за жал, повеќе успеваат во странство отколку дома, рече Јорданоски. Љупчо Крстевски, професор во крушевското угостителско училиште „Наум Наумоски Борче" ја нагласи важноста на фестивалот и неговата цел за промоција на Крушево, на традиционалната крушевска храна и на културните знаменитости. -Првпат во Крушево се организира Фестивал на храна и култура, насловен „Тејст Крушево". Имаме 30-ина учесници од осум угостителски училишта од земјава и од едно од Лесковац, Србија. Својата основа за да стане традиционален, Фестивалот ја постави минатата година. Целта на фестивалот, прво, е промоција на Крушево, на традиционалната крушевска храна, на културните знаменитости. Токму туристите најмногу ги сакаат традиционалните јадења, особено се бараат: питите, крушевското грне и чомлекот кој, официјално за натпреварот го приготвуваа екипите, рече Крстевски. Професорот Оливера Карева Скола се надева на голема фестивалска традиција. – Овој Фестивал за младите, идни готвачи, значи многу: големо дружење, стекнување нови сознанија в о кулинарството и се надеваме дека ќе стане традиција, рече Карева Скола. Првиот фестивал на храна и култура во Крушево денеска ќе заврши со прогласувањето на најуспешните готвачи на крушевскиот специјалитет „чомлек". /МИАКрадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
МакедонијаПоднесено обвинение за злоупотреби против полициски службеници од Велес за случајот на Росица КоцеваТие не постапувале соодветно по пријавите на оштетената за семејно насилство.Основното јавно обвинителство за гонење на организиран криминал и корупција денеска поднесе обвинение против девет полициски службеници од Велес за сторени кривични дела – Злоупотреба на службената положба и овластување од член 353 став 1 и Неизвршување на судска одлука од член 377 став 5 од Кривичниот законик. Јавен обвинител од Специјализираното одделение за гонење кривични дела сторени од лица со полициски овластувања и припадници на затворската полиција презеде опсежни истражни дејствија со кои утврди дека обвинетите, во временскиот период од 21.02.2025 до 15.09.2025 година, со неизвршување на својата службена должност, потешко го повредиле правата на оштетената сега почината Росица Коцева, повредувајќи го нејзиното уставно загарантираното право на живот, како и правата предвидени со чл.2 и чл.3 од Европската конвенција за човекови права. Тие не постапувале соодветно по пријавите на оштетената за семејно насилство, непочитувајќи ги одредбите од Законот за спречување и заштита од насилство врз жените и семејно насилство, Правилникот за начинот за процена на ризик од сериозна опасност по животот и физичкиот и психичкиот интегритет на жртвата и членовите од нејзиното семејство и на ризикот од повторување на насилството, Правилникот за вршење на полициските работи и Законот за полиција. Во услови кога биле изречени судски мерки за заштита на жртвата од семејно насилство, тие не постапувале по итните мерки за заштита. Исто така, дел од обвинетите прземајќи дејствија по пријава на оштетената, постапувајќи спротивно на изричните одредби од Законот за полиција, не го известиле надлежниот јавен обвинител за да добијат понатамошни насоки за постапување, а доказите ги чувале во просториите на ООК-ОКП Велес без да поведат никаква постапка.Тагови: Росица Коцева Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиНа бебе му бил повреден прст на Гинекологија при вадење инфузија – ГАК отвора дисциплинска постапка15:088 месеци затворска казна и 3300 евра парична казна доби Игор Дашковски Стојановски за палењето на дипломатски возила на бугарската амбасада10:45АНБ откри терористичка мрежа во Македонија: Подготвувале атентат во Грција15:00Кристијан Корабоски доби 30 дена притвор за нападот врз Сара во Охрид11:20Повторно е приведен Кристијан Корабоски, кој крвнички ја претепа неговата девојка, Сара 17:05
На бебе му бил повреден прст на Гинекологија при вадење инфузија – ГАК отвора дисциплинска постапка15:08
8 месеци затворска казна и 3300 евра парична казна доби Игор Дашковски Стојановски за палењето на дипломатски возила на бугарската амбасада10:45
МакедонијаГрчката полиција потврди: Македонските служби го имаа главниот товар во истрагата за иранската мрежаПреку добра соработка со безбедносните служби на Македонија, спречена е незаконска активност на територијата на Грција, посочи портпаролката на грчката полиција – Костандија Димоглиду .Преку добра соработка со безбедносните служби на Македонија, спречена е незаконска активност на територијата на Грција, посочи портпаролката на грчката полиција – Костандија Димоглиду за случајот во кој иранска прокси-мрежа се сомничи за подготовка на атентат врз одредено лице или терористички напад во Грција, а беше разоткриена од Агенцијата за национална безбедност и МВР. Како што потенцираше Димоглиду, истрагата, вклучително и со откриените докази во Македонија, ќе разјасни дали станува збор за атентат или пак планиран терористички чин. Идентитетот на целта на атентатот засега не го откриваат ни грчката Национална разузнавачка служба а ниту АНБ. Во меѓувреме, грчките медиуми повикувајќи се на свои извори објавуваат претпоставки за кој би можело да станува збор. Сценаријата кои преовладуваат се - грчки бизнисмен со еврејско потекло, Израелец кој работи во компанија од големи размери во Грција, или пак лице кое работело за израелски интереси во Грција. Како што вчера обелоденија од МВР четворица македонски државјани кои дејствувале на подрачјето на Скопје и Куманово, се уапсени под сомнение за соработка со иранските разузнавачки структури преку врски со иранскиот државјанин Едрис Јахангири Маванех. Уште еден осомничен е уапсен во Грција, а по шестиот се трага. Како што пишуваат грчките медиуми, едно од уапсените лица е 30 годишен маж, прогласен за непожелен во Грција по основ на националната безбедност, а кој што со македонски регистарски таблички на крајот на октомври се обидел да ја напушти Грција и да влезе во Турција на копнената граница во Еврос.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
МакедонијаАферата за притисоците на бугарските тајни служби врз Михаилова доби ново продолжение„ Дигни ми, затоа што сите ќе умреме уште оваа вечер“ – оваа е пораката која Ива Михаилова, по десетина повици едно-подруго му ја испратила на јутјуберот Станислав Цанов„ Дигни ми, затоа што сите ќе умреме уште оваа вечер“ – оваа е пораката која Ива Михаилова, по десетина повици едно-подруго му ја испратила на јутјуберот Станислав Цанов, како што вели тој, откако го објави аудиото на својот канал каде што, според него, таа кажува дека е под притисоци и уцени од бугарската тајна служба. Во новото видео, како што тврди јутјуберот, таа и нејзината мајка бараат од него да тргне делот од видеото каде што се споменуваат уцените од Државната агенција за национална безбедност и наводите за инструираното интервју со новинарот Мартин Карбоски, оти се загрижени за својот живот. Односно, според аудиото во видеото, тие му посочуваат дека тајната служба „ќе ги исчисти“. -Ќе не „исчистат“, верувај ми. Говорам секој ден со нив(ДАНС) и ми го кажаа тоа, тоа се условите, да не се споменуваат службите. Единствениот услов е тоа,- Кристина Михаилова – Мајка на Ива Михаилова. Цанов: Ова не е вештачка интелигенција(AI) „Ги гледав само првите неколку минути, тоа за Карбовски само ти го знаеш, не треба никаде да се споменува. Ива престани да ми ѕвониш пред да го одгледаш видеото, не се грижи. - „Не, многу сум загрижена“. Причина за загриженост треба да ти биде ако нема таков клип. Имаш причина да си загрижена ако тие третираат како што во моментот те третираат,- Ива Михаилова. Најгласните во Бугарија против ДАНС не се откажуваат од одговорност на тајната служба. Пратеникот Божидар Божанов од партијата „Да, Бугарија“ кажа дека случајот со Ива Михаилова само ја потврдува потребата од институционална реакција, против долгогодишното незаконско прислушкување, следењето на лица, притисоците и злоупотребите кои ги прави службата. Од партијата веќе го подготвиле текстот со кој од парламентот ќе бараат оформување на комисија. -Се, се разбира од страна на ДАНС дека ќе постои негирање, затоа што тие се виновниците во овој случај .Конкретниот случај е пример за нешто што е многу систематско во ДАНС и ова е злоупотреба на моќ. Значи Бугарија треба да го реши овој проблем, не само заради случајот со Ива Михаилова, туку бидејќи ова е системски проблем и ние затоа ќе побараме, не само сослушување во парламентот, не само парламентарен прашања, туку привремена комисија која проблемот ќе го разгледа длабински,- Божидар Божанов – Пратеник во парламентот на Бугарија. Во претходната објава на Цанов, наводно, Михаилова тврди дека била изложена на притисоци и уцени, воедно да возврати на она што Бугарија го сторила за нејзе и да гостува кај Карбовски, оти службите имале целосна контрола врз него и можеле да му кажат што да ја прашува. По ова се огласија и од ДАНСкои кажаа дека не вршеле влијание врз Михаилова по било која основа и дека агенцијата не треба да биде вовлекувана во политички и медиумски конфронтации. Снимките на јутјуберот ги нарекоа непотврдени, со недокажана веродостојност. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиНа бебе му бил повреден прст на Гинекологија при вадење инфузија – ГАК отвора дисциплинска постапка15:088 месеци затворска казна и 3300 евра парична казна доби Игор Дашковски Стојановски за палењето на дипломатски возила на бугарската амбасада10:45АНБ откри терористичка мрежа во Македонија: Подготвувале атентат во Грција15:00Кристијан Корабоски доби 30 дена притвор за нападот врз Сара во Охрид11:20Повторно е приведен Кристијан Корабоски, кој крвнички ја претепа неговата девојка, Сара 17:05
На бебе му бил повреден прст на Гинекологија при вадење инфузија – ГАК отвора дисциплинска постапка15:08
8 месеци затворска казна и 3300 евра парична казна доби Игор Дашковски Стојановски за палењето на дипломатски возила на бугарската амбасада10:45