Македонија

Кривична за поранешниот градоначалник на Струмица и уште пет лица за злоупотреба на постапка за јавна набавка за електрични автобуси

Полицијата поднесе кривична против поранешниот градоначалник на Општина Струмица Костадин Костадинов и уште пет лица за злоупотреба на постапка за јавна набавка за електрични автобуси.

- СВР Струмица до Основното јавно обвинителство Струмица поднесе кривична пријава против К.К.(35) од Струмица поради постоење основи на сомнение дека сторил кривичното дело „злоупотреба на постапката за јавен повик, доделување на договор за јавна набавка или јавно-приватно партнерство“, против Д.П.С.(61) од Струмица, К.Б.(37) од Богданци, Л.Ј.(63) од село Ново Село, струмичко и Л.Ѓ.(62) од Струмица поради постоење основи на сомнение дека сториле кривично дело „несовесно работење во службата“ и против Г.П.(58) од Скопје поради постоење основи на сомнение дека помогнал во извршувањето на кривичните дела „злоупотреба на постапката за јавен повик, доделување на договор за јавна набавка или јавно-приватно партнерство“ и „несовесно работење во службата“, соопшти МВР.

Со наведените дејствија, како што се посочува, биле набавени 10 електрични автобуси за износ од 429.933.595 денари со што е причинета материјална штета од поголеми размери. Потенцираат дека со отсуството на лице со неопходните стручни квалификации и со потребната лиценца А за надзор од областа на електротехниката доведени се во прашање реалната вредност, квалитетот, безбедноста и веродостојноста на техничките спецификации на набавените електрични автобуси.

- Пријавениот К.К., во својство на поранешен градоначалник на општина Струмица ги повредил правилата на постапката за јавна набавка на електрични автобуси за потребите на ЈСП „Струмица-Транспорт“ од Струмица со ангажирање на пријавениот Г.П. како одговорно лице задолжено за одговори на технички прашања, учество во техничката евалуација на понудите, надзор над имплементацијата и целосна реализација на договорот, иако тој не ги поседувал потребните стручни квалификации и потребната лиценца А за надзор од областа на електротехниката издадена од Комората за овластени архитекти и овластени инженери. Пријавениот К.К. свесно ги повредил и прописите на постапката за јавна набавка преку договарање со Г.П. на тој начин што во тендерската документација биле наведени спецификации кои недвосмислено и речиси идентично одговарале токму на спецификациите на набавените електрични автобуси, се вели во соопштението.

Пријавениот Д.П.С., во својство на директор на ЈСП „Струмица-Транспорт“, како што се наведува, постапил несовесно и пропуштил должен надзор над целокупната постапка и имплементација на јавната набавка. Притоа на 12 март 2024 година го потпишал Договорот за јавна набавка на 10 нови електрични автобуси преку финансиски лизинг, во која постапка учествувало лице кое ги немало потребните стручни квалификации и потребната лиценца за надзор од областа на електротехниката.

- Пријавената К.Б., во својство на претседател на комисијата за јавни набавки при ЈСП „Струмица-Транспорт“, заедно со пријавените Л.Ј. и Л.Ѓ., во својство на членови на комисијата за јавни набавки, во тендерската документација за отворената постапка за јавна набавка на електрични автобуси за јавен превоз преку финансиски лизинг за потребите на ЈСП „Струмица-Транспорт“, како одговорно лице задолжено за следење на реализацијата на договорот го определиле пријавениот Г.П., кој бил носител само на лиценца Б за надзор од областа на електротехниката, не бил квалификуван за тие работни задачи во предметната јавна набавка, немал ниту право да одговара на технички прашања, да учествува во техничката евалуацијата на понудите, да врши надзор над имплементацијата и целосната реализација на договорот, стои во соопштението.

Тагови: Струмица

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

16 пати го плукнал Шон Конери во лице, а му бил идол (ВИДЕО)

Актерот Рон Перлман откри дека морал да плукне во лицето на својот „херој“ Шон Конери 16 пати за време на снимањето на класикот од 1986 година „Името на розата“.

Врз основа на истоимениот историски мистериозен роман, „Името на розата“ го игра Шон Конери како фратар Вилијам од Баскервил, кој се обидува да реши низа бизарни смртни случаи во средновековна опатија, објави Гардијан.

За време на неговата истрага, тој се среќава со Салваторе, игран од Рон Перлман - грбав човек кој зборува мешавина од различни јазици. Откако некој се обидува да го убие Вилијам, тој се соочува со Салваторе, кој му плукнува во лице.

Во ново интервју за „Гардијан“, Перлман рече дека секој момент што можел го поминал со Конери, гледајќи го како глуми и слушајќи ги неговите приказни.

„Тој беше мојот херој, вистинскиот. Кога стануваше збор за сцената каде што морав да му плукнам во око, едноставно не можев да го направам тоа.“

Потоа Конери го повлече Перлман настрана и му рече дека ако не му плукне во лице, ќе остане таму цел ден.

„Па на крајот само еден го пуштив да лета“, објасни Перлман.

„Проблемот беше што не се снима само од еден агол; мора да се снима од профил, среден кадар, крупен план, преку рамо. Морам да му плукнав во лицето на Шон Конери околу 16 пати тој ден.“

Зборувајќи за Би-Би-Си во 2014 година за сцената, Перлман рече дека бил „кроток“ пред конфронтацијата со Конери.

„Еве ме, не само што работам со Шон Конери, туку и ме замолија да му плукнам во око. Тој рече: „Рон, ако не ми плукнеш во око, немам што да глумам.“ Па само се повлеков и ете го; голема плукна. Тој беше еден од најдобрите луѓе што некогаш сум ги видел.“

На друго место во статијата на „Гардијан“, режисерот Жан-Жак Ано откри дека првично сакал непознат актер да го игра Вилијам од Баскервилите, сè додека Конери не се појавил во неговата куќа и не почнал да чита реплики од филмот.

„Ме наежи. Начинот на кој го кажа дијалогот беше токму она што го слушнав во главата кога ја читав книгата.“

Порано оваа година, беше потврдено дека Перлман повторно ќе се соедини со своите колеги од „Синови на анархијата“ - Кејти Сагал, Чарли Ханам, Меги Сиф, Марк Бун Џуниор, Томи Фланаган, Ким Коутс и Тео Роси - за серија со мета-тема, во која тие ќе играат фикционализирани верзии од себе.

Тагови: Шон Конери

Фудбал

Џани Инфантино ѝ ветува повеќе пари на Африка!

Првиот човек на светскиот фудбал, Џани Инфантино пред претстојните претседателски избори на ФИФА вети дополнителни финансиски средства за развој на африканскиот фудбал.

Првиот човек на светскиот фудбал, Џани Инфантино пред претстојните претседателски избори на ФИФА вети дополнителни финансиски средства за развој на африканскиот фудбал, наведувајќи дека светското управно тело за фудбал ќе продолжи да ги зголемува инвестициите на континентот.

Обраќајќи се пред претставниците од 54-те национални асоцијации на Конфедерацијата на африкански фудбал (CAF) на собир во Капо Верде, Инфантино истакна дека ФИФА инвестирала една милијарда долари во африканскиот фудбал во текот на изминатата деценија преку 124 проекти во рамките на програмата FIFA Forward.

„Ќе продолжиме да бараме потребни ресурси и да го зголемуваме финансирањето за да го насочиме африканскиот фудбал кон самиот врв на глобалната игра“, истакна Инфантино.

Неговото обраќање доаѓа пред претстојните претседателски избори на ФИФА; следствено, собирот на претставници од африканските асоцијации - кои сочинуваат значителен дел од електоратот - доби и политичка димензија.

Македонија

Лазов: ФФМ под окупација, претворена во партиски штаб на ВМРО-ОКГ и полигон за интереси

Денеска започнуваме да ја демаскираме вистината за тоа што навистина се случува во Фудбалската федерација на Македонија.

Наместо ветениот напредок, ФФМ денеска е претворена во приватна фирма, партиски штаб на ВМРО-ОКГ и полигон за остварување лични интереси.

Материјалите и информациите кои започнуваме да ги објавуваме доаѓаат директно од загрижени граѓани и свиркачи внатре во институциите — луѓе кои одбиваат повеќе да молчат за криминалот во македонскиот фудбал.

Прво и најважно: ФФМ е целосно партизирана.

* Зад одлуките во Федерацијата стојат директни политички притисоци и влијанија од високи функционери од власта.

* Правни советници и шефови на комисии се назначуваат исклучиво по партиска и адвокатска линија.

* Се менуваат селектори само затоа што немаат партиска поддршка, а се измислуваат нови репрезентативни категории за да се вработат соодветни партиски кадри.

Фудбалот стана семеен бизнис:

* Позициите за тренери во репрезентациите се делат на кумови и најблиски роднини.

* За советници се ангажираат лица кои во јавноста се познати по упади во државни институции и контрола на летање.

* Тренери од приватни школи и клубови истовремено земаат дупли плати и хонорари од ФФМ.

* А на одредени играчи експресно им се дава деби во А-репрезентацијата — само за нивните новопечени менаџери да можат подобро да ги продадат надвор.

Додека навивачите се револтирани од цените на билетите, а играчите гинат на терен, зад кулисите се случува нешто многу поопасно.

Затоа, денеска јавно поставуваме неколку директни прашања до раководството на ФФМ:

* Прво: Зошто најдиректно од ВМРО се делегира Комесар за делегирање судии кој потоа делегира судии по нарачка за натпревари кои ги игра државниот проект ФК Вардар?

* Второ: Дали под изговорот за „подмладување на репрезентацијата“ се отвора простор за обложувачки профити на сметка на поразите на Македонија?

* Трето: Дали е точно дека лица поврзани со скандали за местење натпревари се редовни гости во Белата палата на ВМРО?

* Четврто: Дали има местење на натпревари под директна палка на комесарот Јосип Бартон и негови блиски судии, по нарачка?

* Петто: Дали таканареченото „подмладување“ на репрезентација е искрена спортска стратегија, или е бизнис-план во кој младите фудбалери се само жртви?

* Шесто: Има ли тарифа за играње во македонските репрезентативни селекции и колку пари чини да се облече националниот дрес?

* Седмо: Кој е одговорен во репрезентацијата за скандалот во Швајцарија со пропустот играчот со бр 22 Малевски да седи на клупа 60 минути а да не е ниту впишан во записник на тој натпревар? Има ли сличен несреќен случај случен во Лигата на нации, во било кое УЕФА или ФИФА натпреварување, во македонската Прва или Втора лига?

Македонскиот фудбал им припаѓа на сите нас, а не на кланови и партии.

Ова е само првиот дел. Документите, фактите и доказите ќе продолжат да излегуваат во јавноста— сè додека ФФМ не се исчисти од криминалните структури и судии во рацете на спортистите, сега контролирани од ВМРО чии членови сочинуваат повеќе од 2/3 од делегатите на Собранието на ФФМ, рече Герасим Лазов-претседавач со ЦО на СДСМ.