Кривична за екс градоначалникот на Струмица Костадинов за злоупотреба при јавна набавка на електрични автобуси - Канал 5

Македонија

Кривична за екс градоначалникот на Струмица Костадинов за злоупотреба при јавна набавка на електрични автобуси

Полицијата поднесе кривична пријава против екс градоначалникот на Општина Струмица, Костадин Костадинов и уште пет лица за злоупотреба на постапка за јавна набавка на 10 електрични автобуси за ЈСП „Струмица-Транспорт“ .

Кривична за екс градоначалникот на Струмица Костадинов за злоупотреба при јавна набавка на електрични автобуси

Полицијата поднесе кривична пријава против екс градоначалникот на Општина Струмица, Костадин Костадинов и уште пет лица за злоупотреба на постапка за јавна набавка на 10 електрични автобуси за ЈСП „Струмица-Транспорт“ во вредност од без малку 7 милиони евра. Од СВР Струмица велат пријавата против поранешниот градоначалник на Струмица е за „злоупотреба на постапката за јавен повик, доделување на договор за јавна набавка или јавно-приватно партнерство“, а за останатите, помеѓу кои лица што биле надлежни за јавното претпријатие, директорот, и членови на комисијата за јавни набавки при претпријатието, а и лице задолжено за одговори на технички прашања кое, според полицијата, не ги поседувало потребните стручни квалификации.

Според СВР Струмица причинета е материјална штета од поголеми размери од платената сума бидејќи отсуството на лице со соодветни квалификации освен реалната вредност ги довело во прашање квалитетот и безбедноста на автобусите.

Додека Обвинителството се уште формално ја процесуира пријавата, Костадинов негира дека сторил кривични дела. Преку јавен статус на социјалните мрежи ги отфрли како неосновани наводите и порача дека станува збор за проект од стратешко значење за Струмица од кој во пракса жителите денес имаат економски, еколошки и сообраќајни бенефити.

Процедурално проектот е инициран од Општината, изгласан на Советот со јасни насоки за формирање Јавно Сообраќајно Претпријатие, спроведување на јавна набавка за автобуси и имплементација на проектот. Верувам дека сите овие чекори се спроведени според важечките закони. Стојам на располагање на сите надлежни органи и институции со цел да им биде елаборирано и појаснето на каков начин е спроведен овој проект кој денес беспрекорно функционира во пракса.

Понатамошната постапка по поднесената пријава вклучува Обвинителството да ја разгледа документација и да собере податоци за тоа како била спроведена постапката, по што треба да донесе јавно обвинителска одлука.

YouTube video

Тагови: Општина Струмица

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: „Ми се допаѓа Мелони, но...“ (ВИДЕО)

Американскиот претседател Доналд Трамп денес изјави дека му се допаѓа италијанската премиерка Џорџија Мелони, но дека за време на војната со Иран „таа не беше со Соединетите Американски Држави“.

Трамп: „Ми се допаѓа Мелони, но...“ (ВИДЕО)

„Ми се допаѓа, таа е добра личност, но не беше со нас кога стануваше збор за Иран“, рече Трамп за време на билатералната средба со турскиот претседател Реџеп Таип Ердоган, одржана на маргините на самитот на НАТО во Анкара, пренесува Анса.

Трамп и Мелони претходно имаа пријателски односи, но тие се оладија по војната со Иран.

Мелони не одговори на коментарот на Трамп, пренесува агенцијата.

Извор: https://www.b92.net/info/svet/248325/tramp-o-meloni-dopada-mi-se-dobra-je-osoba-ali-nije-bila-uz-nas-kada-je-rec-o-iranu/vestБ92

Тагови: Доналд Трамп Џорџија Мелони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Принцот Хари го изгуби големиот судски спор против Дејли Меил

Британски Принцот Хари, војводата од Сасекс и други истакнати јавни личности ја загубија тужбата против „Асошиејтед њузпејперс“, издавачот на „Дејли Меил“, во Високиот суд во Лондон во вторник, спорот беше за наводно нелегално собирање информации.

Принцот Хари го изгуби големиот судски спор против Дејли Меил

Хари, кој беше во Велика Британија во времето на пресудата, покрена неколку правни постапки против одредени британски медиуми, обвинувајќи ги за злоупотреба на моќ и нарушување на приватноста.

Елтон Џон, исто така, поднесе тужба

Нему му се придружија и други познати личности, вклучувајќи го и музичарот Елтон Џон, кои поднесоа тужба против издавачот на „Асошиејтед њузпејперс“, тврдејќи дека десетици статии објавени во „Дејли Меил“ и „Мејл он Сандеј“ од 1990-тите до 2011 година се засновани на информации добиени нелегално.

„Асошиејтед њузпејперс“ ги отфрлија обвинувањата, нарекувајќи ги клеветнички, а Високиот суд во Лондон ги отфрли тврдењата во целост. Компанијата ја опиша пресудата како „убедлива победа“ за „Дејли Меил“ и неговите новинари.

Извор: Индекс.хр

Тагови: принцот Хари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

По нападот во Ормускиот теснец, пристигна порака од Израел

Израелскиот премиер Бенјамин Нетанјаху денес изјави дека Израел ќе ја заштити слободата на пловидба и безбедноста на поморските трговски патишта.

По нападот во Ормускиот теснец, пристигна порака од Израел

„Поставив едноставна цел. Целта на морнарицата, но и на Израел, е да ги обезбеди морските линии и слободата на поморската трговија, кои се од витално значење за Државата Израел“, рече Нетанјаху за време на посетата на поморската база во Хаифа, објавува „Тајмс оф Израел“.

Неговата изјава дојде, според израелскиот портал, во време кога Иран продолжува да напаѓа танкери во Ормускиот теснец, а јеменската бунтовничка група Хути, која е поддржана од Иран, упатува нови закани до израелските бродови во Црвеното Море.

Британската агенција за поморски трговски операции (UKMTO) претходно денес објави дека танкер бил погоден од неидентификувана ракета додека пловел низ Ормускиот теснец.

Индиректните разговори меѓу САД и Иран, одржани минатата недела во катарскиот главен град Доха, завршија без никаков значаен напредок по прашањето за Ормускиот теснец.

Иран ги предупреди бродовите да не минуваат низ Ормускиот теснец преку јужната рута во оманските води, нагласувајќи дека секое поминување низ водниот пат мора да биде координирано со иранската војска.

Тагови: Израел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер