Македонија

Кривична пријава за радовишани за присвојување и отуѓување огревно дрво

Полицијата поднесе кривична пријава до Основното јавно обвинителство-Радовиш против Ј.А (64), Љ.П (37), А.Л (57) и С.Ј (63), сите од Радовиш.

Полицијата поднесе кривична пријава до Основното јавно обвинителство-Радовиш против Ј.А (64), Љ.П (37), А.Л (57) и С.Ј (63), сите од Радовиш поради постоење основани сомневања дека првопријавениот како службено лице сторил кривично дело „Проневера во службата“. Второпријавениот како одговорно лице со пропуштање на должен надзор извршил кривично дело „Несовесно работење во службата“.

Како што информира СВР Струмица, третиот и четвртопријавениот со намера да ги прикријат кривичните дела извршени од прво и второпријавениот изготвиле лажни исправи од спроведен попис на материјални средства во ЈП „Македонски шуми“-ПШС „Плачковица“ Радовиш и со тоа сториле кривично дело „фалсификување исправа“.

Првопријавениот извршувајќи ги работните обврски и задачи на работно место магационер на склад во ЈП „Македонски шуми“-ПШС „Плачковица“-Радовиш од 4 јануари 2016 година до 31декември 2017 година противправно присвоил за себе или за друг 197,71 кубни метри огревно и техничко дрво кои му биле доверени во службата. Второпријавениот во својство на раководител во јавното претпријатие ПШС „Плачковица“ – Радовиш, иако бил должен да врши контрола на целокупното работење во Подружницата, вклучително и во магацинот за конфискувана стока, бил одговорен за правилното и законско работење, не презел никакви дејствија со што дозволил да настане штета во вредност од 429.949,00 денари.

Трето и четвртопријавениот, како членови на главна пописна комисија, со намера да го прикријат недостигот на дрва во магацинот за конфискувана роба, на 31 декември 2016 година изготвиле фалсификат пописна листа, односно фалсификуван извештај. Во извештајот не го прикажале недостигот, а таквата докуметација ја употребиле пред Централната пописна комисија формирана од ЈП „Македонски шуми“-Скопје. /МИА

Живот

Владимир Кара-Мурза доби Пулицерова награда за неговите колумни од затвор

Затворениот руски дисидент и новинар, Владимир Кара-Мурза, ја доби Пулицеровата награда за 2024 година за коментарите и за своите написи објавени во Вашингтон пост.

Кара-Мурза „победи за страсните колумни напишани со голем личен ризик од неговата затворска ќелија, предупредувајќи за последиците од несогласувањето во Русија кон Владимир Путин и инсистирајќи на демократската иднина на неговата земја“, се наведува во соопштението на Пулицеровата комисија.

Кара-Мурза моментално отслужува 25-годишна затворска казна, најдолга затворска казна изречена на противник на Кремљ во постсоветска Русија, за дискредитација на руската војска и предавство, по забелешките што ги даде во говорите надвор од Русија, критикувајќи ја политиката на Москва, јавува Радио Слободна Европа.

Фудбал

Касемиро беше дриблан осум пати на мечот со Кристал Палас - ова е сезонски антирекорд

Исусниот ас на Манчестер Јунајтед, Бразилецот, Касемиро имаше проблем да ги запре играчите на Кристал Палас синоќа во натпреварот од 36. коло на Премиер лигата. 

Играчот од средниот ред на Манчестер јунајтед кој играше во центарот на одбраната беше дриблан осум. Ова е најлошата цифра во актуелниот шампионат на Англија.

Натпреварот Манчестер јунајтед го загуби со 4:0, а тренерот Ерик тен Хаг настапот на Бразилецот го оцени како тој да бил „отсутен“.

Англискиот фудбалски аналитичар и поранешен играч на Ливерпул, Џејми Карагер му порача на Касемиро да си бара нова клупска средина.

- Касемиро, како искусен фудбалер, мора да разбере дека му преостануваат уште три натпревари на највисоко ниво - два првенствени натпревари и финалето на ФА Купот. Потоа да си бара клуб во американската МЛС или во Саудиска Арабија. Тој вчера сепак играше против Кристал Палас, а не Сити или Реал Мадрид. Сериозен сум. Неговиот агент и придружбата мора да му кажат, доста е.

По вчерашниот пораз Манчестер јунајтед се наоѓа на 8.место во Премиер лигата со 54 бодови.

Формула

Таткото на Норис: После 900 трки стигнавме до победа во Ф1

 После 900 трки стигнавме до победа во Ф1, следен предизвик за Ландо е да стане светски шампион.

Таткото на Ландо Норис, британскиот бизнисмен Адам Норис зборуваше за целите на неговиот син, откако возачот на Мекларен, викендот во Мајами ја оствари првата победа во Формула 1 шампионатот.

- Ова го чекавме долго време. По 110 Гран при, и околу 900 трки во последните 16 години, стигнавме до победа на трка во Формула 1. Поминавме низ многу и интересно е да се разбере колку време другите родители вложиле во поддршка. Избројав 350 викенди на пат, плус други трки за тие викенди, но тоа е неверојатно, ми се допаѓа. Многу сум среќен за него. Ова бара многу откажувања од приватниот живот. Во одреден момент се прашувате „Дали некогаш ќе стигнам во Формула 1? Кога ќе стигнете до Формула 1, мислите: „Дали некогаш ќе победам на трка? Ова е одлично, неверојатно. Но, сега има уште една цел. Да се стане светски шампион, изјави Адам Норис во интервју за „Sky Sports“.

Ландо Норис во моментов е на 4.место во поредокот во Формула 1 шампионатот со 83 освоени бодови. Лидер е актуелниот светски шрвак Макс Верстапен со 136 бода.

притисни ентер