Автомобилизам

Крива Паланка по третпат град-домаќин на француските авантуристи „Еуроп Раид“

700 – тина Французи од караванот на „Еurop Raid 2023“ ќе ја посетат Крива Паланка.

Општина Крива Паланка повторно ќе биде град – домаќин на авантуристите на тркала од Франција кои со „Пежо 205“ автомобили и годинава, во рамки на 8-то издание на „Еуроп Раид“, тргнаа во обиколка со автомобили низ 20 земји во Европа на 29 јули и сè до 19 август 2023 година ќе патуваат.

На 10 август, четврток, 700 – тина Французи од караванот на „Еurop Raid 2023“ ќе ја посетат Крива Паланка на патот во духот на меѓународната солидарност на кој носат училишна и спортска опрема што ја донираат на училишта од Балканот од: Босна и Херцеговина, Бугарија, Албанија и Северна Македонија.

- Крива Паланка ќе ја угости организацијата млади авантуристи и ќе бидат организирани повеќе активности, перформанс во училишниот двор на ООУ „Св. Јоаким Крчовски“ со франкофонски музички хепенинг и културно-уметничка програма на градскиот стадион, на мултифункционалното игралиште истата вечер. Организацијата „Еуроп Раид“ во соработка со Амбасадата на Франција ја одбраа Крива Паланка за македонски град-домаќин поради добро познатите активности во областа на франкофонијата. На настанот ќе присуствува делегација од Амбасадата на Франција, од Францускиот институт, Скопје и повеќе франкофонски здруженија и организации, информира професорката по француски јазик од ООУ „Св. Јоаким Крчовски“, благодарение на чиишто заложби низ годините оваа организација доаѓа во Крива Паланка

Поминувајќи 8.000 километри за 22 дена, секоја екипа има мисија „Еуроп раид“ да обезбеди 70 килограми училишна или спортска опрема: училишни ранци, прибор, тетратки, топки, друштвени игри, сликовници и книги на француски јазик, спортска облека, обувки, наменети за младите франкофони со цел да ги поттикнат и мотивираат да го изучуваат францускиот јазик./МИА

Македонија

„5CAST“: Во „На кавга со Иван / На кавга со Мирчевски “ гостува Ивона Талевска

Вечерва на 5CAST, на YouTube каналот на Канал 5 ТВ Македонија, во емисијата: “На кавга со Иван / На кавга со Мирчевски “ гостува Ивона Талевска.

“Кавгата” ќе ја почнеме од оваа премиса: Зошто според нејзе денес нема слобода на говор а имало во времето на режимот на Груевски?

Па ќе удриме една тура малку и за политичко-општествени моменти особено после минатонеделниот прв круг на избори…особено за профеноменот на Максим и контрафеноменот на Левица.

Свет

Заседание на Советот за земјоделство и рибарство на ЕУ во Луксембург

Со Советот за земјоделство и рибарство ќе претседаваат белгискиот вицепремиер и министер за земјоделство Давид Кларинвал, чија земја е актуелен претседавач со ЕУ, и еврокомесарот за земјоделство Јануш Војчеховски. 

Состојбата во европскиот земјоделскиот сектор, влијанието на надворешната трговија врз земјоделството во ЕУ и имплементацијата на Заедничката земјоделска политика ќе бидат главни теми на средбата на министрите задолжени за земјоделство и рибарство на земјите членки на блокот што денеска ќе се одржи во Луксембург.

Со Советот за земјоделство и рибарство ќе претседаваат белгискиот вицепремиер и министер за земјоделство Давид Кларинвал, чија земја е актуелен претседавач со ЕУ, и еврокомесарот за земјоделство Јануш Војчеховски.

За време на работниот ручек предвидено е европските министри да имаат неформална дискусија посветена на стратешкиот дијалог во земјоделскиот сектор на ЕУ.

Дополнително, на Советот за земјоделство и рибарство ќе стане збор за значењето на биоекономијата, како и за Регулативата посветена на контролата на рибарството.

Македонија

Состојба на патиштата

Сообраќајот на државните патишта се одвива непречено, по суви коловози. 

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

притисни ентер