Кристијана го оставила девојка му поради друг маж, а тој по раскинот се заљубил во кукла по име Наталија: „Таа е љубовта на мојот живот.“ - Канал 5

Живот

Кристијана го оставила девојка му поради друг маж, а тој по раскинот се заљубил во кукла по име Наталија: „Таа е љубовта на мојот живот.“

Кристијан Монтенегро од Колумбија е заљубен во кукла од ткаенина. Тој има семејство со неа кое вклучува три деца, а неговата приказна ја подели јавноста.

Кристијана го оставила девојка му поради друг маж, а тој по раскинот се заљубил во кукла по име Наталија: „Таа е љубовта на мојот живот.“

Чудната приказна го заинтригира светот – додека некои сметаат дека тоа што го прави Кристијан е неприродно, други воопшто не му замеруваат. Сè започнува од моментот кога Кристијан се заљубил во Наталија, а сето тоа би било во ред – доколку Наталија не беше кукла!

По болниот раскин кој го доживеал, Кристијан одлучил да се заљуби во крпена кукла и јавно да објави дека е во врска со неа. Почнал да објавува нивни заеднички фотографии, а по некое време направил и цела „куклена фамилија“. Еден маж од Колумбија се оженил со кукла од ткаенина и изјавил дека конечно ја пронашол љубовта на својот живот.

Двојката има и три куклени деца. Како и во другите традиционални бракови, често може да се види мажот со сопругата и децата на јавни настани и прослави.

Говорејќи за неговите претходни врски, тој открил дека минал низ тежок прекин, бидејќи поранешната девојка го напуштила за друг маж. Тој додаде дека по тој болен раскин бил многу осамен, и не влегол во нова врска.

Дури потоа се заљубил во Наталија. Откривајќи детали од сегашната врска, тој изјавил дека е среќен што ја нашол љубовта на својот живот. Често објавува видеа на социјалните мрежи. Во едно неодамнешно видео, Наталија била „болна“, па Монтенегро повикал итна помош да ја згрижи.

На снимката се гледа како куклата од ткаенина ја носат на носилки. Сепак, не е јасно дали видеото било само шега.

Неконвенционалната љубовна приказна и семејниот живот на Монтенегро предизвикаа бројни реакции и дискусии, и во јавноста и на интернет. Дел од луѓето целосно ја прифаќаат неговата животна одлука, но многумина ја критикуваат.

Некои тврдат дека тој страда од психолошко нарушување. Но, лекарите потврдиле дека Монтенегро нема никакви ментални болести. Наместо тоа, велат дека тој има уникатна сексуална склоност наречена објектофилија – термин што се однесува на луѓе кои се заљубуваат во предмети, пишува "TimesNow".

Тагови: бизарно кукла љубовта

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Синди повторно најде причина да го покаже своето тело

Холивудската убавица актерката Синди Свини, уште еднаш најде причина да го покаже своето тело.

Фото: Синди повторно најде причина да го покаже своето тело

Сидни Свини повторно го привлече вниманието на јавноста. Таа го искористи својот добро познат трик – односно брендот – за да најде повод да ги покаже своите облини .

Сексапилната актерка деновиве е вистинска атракција, како во реалниот свет, така и на социјалните мрежи. Таа често е активна на Инстаграм, каде што објавува фотографии од својот приватен и професионален живот, а нејзината најнова објава предизвика вистинска помпа меѓу обожавателите на нејзините облини.

Се чини дека популарната актерка пронашла доволно добра причина повторно – по којзнае кој пат – да ги покаже своите прекрасни облини и бујни гради.

Таа ја претстави новата колекција на својот бренд за долна облека SYRN, а кампањата веднаш привлече големо внимание во јавноста.

Тагови: Синди Свини

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Новата Mazda MX-5 добива електричен погон

Автомобилскиот гигант Mazda потврди дека следната генерација на MX-5 (Miata) ќе може да поддржи целосно електричен погон, иако бензинскиот мотор сè уште не е предодреден за историјата. 

Новата Mazda MX-5 добива електричен погон

Извршниот директор на Mazda, Масахиро Моро, изјави дека новиот MX-5 мора да биде подготвен за иднина во која моторите со внатрешно согорување можеби повеќе нема да бидат дозволени поради сè построгите еколошки прописи.

Сепак, компанијата има за цел да ги зачува квалитетите по кои моделот е познат – мала тежина и врвно возачко искуство.

За разлика од многу производители кои користат скапи материјали како што се јаглеродните влакна, Mazda планира да ја намали тежината на конструкцијата преку употреба на конвенционални материјали и попаметни инженерски решенија.

Целта е новиот MX-5 да тежи меѓу 1.000 и 1.200 килограми, што би било исклучително малку за електричен спортски автомобил.

Во понудата ќе остане и верзија со бензински мотор. Покрај електричната верзија, се очекува и нова варијанта со бензински мотор – 2,5-литарски четирицилиндричен агрегат од серијата Skyactiv-Z, кој веројатно ќе вклучува и технологија на благ хибрид.

Моќноста би можела да достигне околу 220 КС. Новата генерација на MX-5 нема да пристигне пред 2028 година, додека актуелниот модел – претставен уште во 2015 година – ќе остане во производство сè дотогаш.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Земјата каде што не се остава бакшиш, келнерите трчаат по гостите за да ги вратат парите

Иако оставањето бакшиш во ресторани и кафулиња е вообичаен начин за изразување благодарност за добрата услуга во многу земји, во Јапонија таков потег може да има сосема спротивен ефект. 

Земјата каде што не се остава бакшиш, келнерите трчаат по гостите за да ги вратат парите

Во оваа азиска земја, оставањето пари по оброкот се смета за некултурно, па дури и навредливо.

Обичаите поврзани со бакшишот се разликуваат низ светот. Во Обединетото Кралство, Германија, Данска и Шведска, вообичаено е да се остават околу десет проценти од сметката, додека во Франција, Италија и Шпанија луѓето обично оставаат околу пет проценти.

Во САД, оставањето бакшиш е практично задолжително и често се движи меѓу 15 и 20 проценти, без оглед на квалитетот на услугата.

Сепак, во Јапонија важат сосема различни правила. Според Би-Би-Си, повикувајќи се на туристичката агенција InsideJapan Tours, Јапонците сметаат дека обезбедувањето квалитетна услуга е составен дел од нивната работа; следствено, дополнителните пари не се ниту очекувани ниту посакувани.

„И покрај предупредувањата дека бакшишот не е вообичаен во Јапонија, некои туристи сè уште инсистираат да ја покажат својата благодарност со пари, но тоа едноставно не функционира“, изјави Џејмс Манди од InsideJapan Tours за Би-Би-Си.

Тој забележува дека не е невообичаено да се види келнер како истрчува од ресторанот по муштеријата за да врати пари оставени на масата.

Причината за оваа реакција лежи во јапонската култура, каде што квалитетната услуга се зема здраво за готово како прашање на професионална гордост, а не како средство за заработка на дополнителни пари. Искрената благодарност се цени многу повеќе од бакшишот.

Едноставна „оишиката“ - што значи „беше вкусно“ - или „гочисосама дешита“ - израз на благодарност за оброкот - се сметаат за многу посоодветни начини гостинот да покаже задоволство. Придружени со учтив поклон, ваквите зборови имаат многу поголема вредност од парите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер