За време на снимањето на една епизода од серијата Limitless, Хемсворт открил дека поради комбинацијата на гени има речиси 10 пати поголеми шанси да заболи од Алцхајмерова болест, а сега најави пауза од актерството. Во последната епизода од серијата, Хемсворт се занимавал со грижата за крајот на животот и справувањето со смртта, која вклучувала интервјуа со луѓе кои работат во палијативна нега. Тој објаснил дека снимањето на серијата го натерало да сака да поминува повеќе време со семејството.

„Навистина поттикна нешто во мене да сакам да одвојам малку време. И откако завршивме со снимањето, ги завршувам работите што веќе ми беа договорени. Ќе имам многу слободно време. Ќе бидам со децата и со сопругата“, рече тој.

За потсетување, ѕвездата на Тор во една епизода од серијата „Limitless“, која го прикажува како истражува начини за продолжување на животот и борбата против стареењето, дознал дека има две копии на генот APOE4, по една од секој од неговите родители, што значи дека тој има зголемена предиспозиција за развој на Алцхајмерова болест.

„Ми зедоа цела крвна слика и направија еден куп тестови, а планот беше да ми ги кажат сите резултати пред камера и потоа да разговараат за тоа како можам да ги подобрам работите“, изјавил Хемсворт за Vanity Fair.

„Питер Атија, докторот за долговечност во таа епизода му се јавил на продуцентот Дарен и му рекол: „Не сакам да му го кажам тоа пред камера. Треба да разговараме и да видиме дали тој воопшто го сака ова во шоуто“. Беше доста шокантно бидејќи ми се јави и ми кажа“, изјавил актерот.

Откако ја дознал веста, Хемсворт рекол дека „има многу прашања“, а подоцна додал дека навистина не знае што да мисли и се прашува дали треба да биде загрижен. Тој исто така рече дека серијата потоа „му станала уште порелевантна и поважна, дури и потрогателна отколку што некогаш мислел дека ќе биде“, додавајќи дека APOE4 не е преддетерминистички ген, но е силна индикација.

„Пред десет години мислам дека тоа повеќе се сметаше за одредница“, изјавил познатиот актер. Новите информации, за кои Хемсворт рече дека го направиле „осум до 10 пати поголеми шансите“ на крајот да развие Алцхајмерова болест, природно го навеле да размислува за смртта и сопствената смртност.

Во серијата, Хемсворт ги истражувал границите на своето тело и ум преку серија предизвици, кои вклучувале нуркање во ладна арктичка вода, преживување во дивината без помош на мапа или GPS и качување на јаже на висина од 30 метри. . Limitless има шест епизоди во кои актерот ги помести своите граници преку шест смртоносни тестови во обид да открие како да живее долго и здраво.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.