Живот

Краткорочното спиење може да биде фатално за една група луѓе, еве кои!

Во постојаната трка со обврските, прво страда сонот, а сите мечтаат за магичните 8 часа сон.

Меѓутоа, овде важи правилото дека мора да внимавате што посакувате, бидејќи данските научници утврдиле дека ако спиете повеќе од девет часа и сте дијабетичар, тоа може да има сериозни последици по вашето здравје.

Во ова данско истражување учествувале 400 испитаници на кои им бил дијагностициран дијабетес тип 2 во последните три години. Целта на студијата била да се утврди врската помеѓу должината на спиењето и ризиците по здравјето.

Учесниците биле поделени во три групи: првата група спиела помалку од седум часа, втората имала оптимални седум до девет часа сон, а третата спиела повеќе од девет часа.

Во текот на 10-те дена истражување, научниците барале знаци на микроваскуларно оштетување, односно оштетување на малите крвни садови, што може да доведе до сериозни проблеми како што се губење на видот и слабеење на функцијата на бубрезите.

Ова оштетување било откриено кај 38 отсто од луѓето кои спиеле помалку од седум часа, во 31% отсто било застапено кај луѓето кои спиеле предолго, додека кај оптималната група процентот бил само 18.

Статистиката покажува дека кај луѓето кои спиеле помалку од седум часа, ризикот од микроваскуларни заболувања бил 2,6 пати поголем во споредба со оптималната група, додека кај оние кои спиеле повеќе од девет часа, ризикот бил 2,3 пати поголем.

Со возраста, бројките стануваат уште полоши - имено, кај луѓето над 62 години, краткото спиење го зголемува ризикот од опасни болести за дури 5,7 пати во споредба со луѓето кои спијат меѓу седум и девет часа.

Истражувачите, кои ќе ги претстават своите наоди на состанокот на Европската асоцијација за дијабетес во Мадрид, ја нагласуваат важноста од фокусирање на времетраењето на спиењето.

Микроваскуларното оштетување е тесно поврзано со дијабетес тип 2, вклучувајќи нефропатија и ретинопатија.

Околу 20 проценти од луѓето со дијабетес ќе развијат дијабетична нефропатија, што може да доведе до бубрежна болест – ова често бара трансплантација или дијализа.

Нефропатијата може да доведе до скок на крвниот притисок, како и зголемен ризик од срцев и мозочен удар.

Ретинопатија води до постепено влошување на видот, заматен вид и болка во очите, пишува The Sun.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Сенатот му зададе удар на Трамп: Усвоена резолуција за прекин на воената акција против Иран

Американскиот сенат усвои резолуција со која од Трамп се бара да ја прекине американската воена акција против Иран, што претставува сериозен политички притисок врз администрацијата во екот на конфликтот на Блискиот Исток.

Со тоа, за првпат по донесувањето на законот за воени овластувања во 1973 година, двата дома на американскиот конгрес усвојуваат мерка со која се бара повлекување на американските вооружени сили од тековна воена операција. Гласањето ја одразува растечката загриженост кај дел од конгресмените, вклучително и некои републиканци, поради конфликтот што започна на 28 февруари, кога САД и Израел започнаа воени напади врз Иран. Иако резолуцијата најверојатно нема директно да ја запре воената кампања, таа се смета за значаен политички удар за Трамп, кој долго време уживаше речиси целосна поддршка од сопствената партија во конгресот. Трамп остро реагираше на одлуката на сенатот, оценувајќи ја како „бесмислена и лошо темпирана“, а пратениците кои гласаа за резолуцијата ги обвини дека со своите постапки му одат во прилог на Иран.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Интерпелација за работата на министерот за внатрешни работи Панче Тошковски

Денеска на собраниска седница е интерпелацијата за работата на министерот за внатрешни работи Панче Тошковски поднесена од пратениците од опозицијата.

Го обвинуваат министерот Тошковски за креирање на „приватна партиска полиција заради владино прикривање и таргетиран политички реваншизам кон опозицијата“; командна одговорност за полициските пропусти кои доведоа до трагедијата во Кочани; непостапување на македонската полиција во случаи на семејно, врсничко и родово базирано насилство и говор на омраза. Меѓу другото, забележуваат и за, како што наведуваат, непрофесионални „двојни стандарди“ при постапувањето на полицијата со различно однесување за исти или слични случаи проследено со злоупотреба на овластувањата при употреба на сила. Ова е трета интерпелација за министерот Тошковски.

Тагови: Панче Тошковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска официјално ќе биде промовирана „Везилка“ – првиот центар за вештачка интелигенција во земјава

Денеска официјално ќе биде промовирана „Везилка“ – првиот центар за вештачка интелигенција во земјава.

Проектот е воспоставен во рамки на европската заедница за пресметување со високи перформанси, кофинансиран од Европската унија и координиран од факултетот за компјутерски науки и инженерство при УКИМ во соработка со министерството за дигитална трансформација.

Проектот е од важност за зајакнување на дигиталниот суверенитет, забрзување на дигиталната трансформација, поттикнување на иновациите во јавната администрација, подобрување на одлучувањето засновано на податоци и создавање можности за истражување, претприемништво и технолошки развој. Има за цел и да ја зајакне соработката меѓу институциите, универзитетите, истражувачките центри, организациите на граѓанското општество и деловната заедница.

Тагови: Везилка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.