Култура

Краткометражниот игран филм „Шеќерни луѓе“ на Сузана Диневски продолжува да доминира

Краткометражниот игран филм „Шеќерни луѓе“ во режија на Сузана Диневски – „Сузи Кју Продукција“ ќе биде прикажан на неколку престижни меѓународни фестивали што ќе се одржат во текот на септември, годинава.

Филмот е избран во официјалната селекција на филмскиот фестивал „Љубов и надеж’’ што ќе се одржи од 15 до 22 септември, 2023 во Барселона, Шпанија, каде е номиниран за најдобар инспиративен краткометражен филм.

Проекцијата на филмот е закажана за 20 септември во киното Малда (Cinema Maldà) кое е најстарото кино во Барселона, лоцирано во стариот дел на градот. Киното Малда кое ги отвори вратите во декември 1945 година до денес продолжува да функционира во својата оргинална верзија како авторско кино. Во рамки на фестивалот, на 22 септември ќе се одржи и гала вечера на која ќе бидат доделени признанија за наградените филмови.

„Шеќерни луѓе“, исто така е селектиран меѓу 30-те филмови во официјалната селекција на 17. издание на филмскиот фестивал во Лече, Италија, што ќе се одржи од 5 до 9 септември. Филмот на Диневски во Лече ќе биде прикажан на 7 септември.

Проекции на „Шеќерни луѓе” продолжуваат во месец септември и во официјалната селекција на меѓународниот филмски фестивал за човекови права во Албанија (IHRFFA) што ќе се одржи од 18 до 23 септември во Тирана и од 1 до 3 септември во официјалната селекција на краткометражниот филмски фестивал „Замок Лагопесоле“, во истоиментото место, во јужна Италија.

Краткометражниот игран филм „Шеќерни луѓе” е реализиран со поддршка на Агенцијата за филм и „Сузи Кју Продукција“. Главните улоги ги играат Сара Климоска и Филип Трајковиќ, сценариото е на Владимир Јанковски и Сузана Диневски, директори на фотографија се Димитар Попов и Дејан Димески, монтажата е на Гоце Кралевски, дизајнер на постерот е Коста Лазаревски, трејлерот е изработен од Горан Вуќиќ, тонски дизајнер е Дарко Спасовски, а музиката компонирана за филмот е на Дуке Бојаџиев.

Досега „Шеќерни луѓе'' на Сузана Диневски е добитник на 23 награди и селектиран на 65 филмски фестивали./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: Модриќ обвинува: „Ова не е пенал! ВАР секогаш е на наша штета.“

Хрватска го заврши Светското првенство, а капитенот Лука Модриќ не го криеше своето разочарување по поразот од Португалија (2:1).

Иако не сакаше да зборува за евентуално збогување со репрезентацијата, беше многу суров кога ги коментираше одлуките на судијата и употребата на ВАР технологијата.

„Не е време сега да зборуваме за тоа. Ќе дознаете многу наскоро“, кратко одговори тој на прашањето за продолжувањето на неговата репрезентативна кариера.

Лука покажа многу повеќе емоции кога зборуваше за спорните одлуки на судијата, за кои смета дека директно влијаеле на исходот од играта.

„Натпреварот можеме да го поделиме на два дела. Во првото полувреме не бевме на потребното ниво, игравме премногу повлечено. Во продолжението одигравме феноменално, тоа беше еден од нашите најдобри натпревари. Можевме сè да решиме и порано, но не ги искористивме шансите. Потоа се случија работи што за мене се неверојатни“, изјави Модриќ. Тој особено се осврна на поништениот гол на Хрватска во 13-тата минута од судиското надополнување.

„Судијата тврди дека Матановиќ играл со топката, но ние ја прегледавме снимката и никаде не можеме да видиме дека тој ја допрел. Ако не играл со топката, тогаш нема офсајд.“

Сепак најголема реакција предизвика ситуацијата во која, по интервенцијата на VAR собата, беше досуден пенал за противникот, а токму овој детаљ најмногу го критикуваше Модриќ.

„Доколку ситуацијата беше обратна, VAR никогаш немаше да биде вклучен. Реков кога беше воведен дека не ми се допаѓа. Со текот на времето се покажа дека може да биде корисен, но се користи неправилно или селективно, во зависност од тоа против кого играте“.

Капитенот на Хрватска смета дека во спорната ситуација немало елементи за најстрога казна.

„VAR треба да реагира само кога грешката на судијата е 100%, односно 200% јасна. Ако има некаква сива зона, нема причина да се вклучувате. Ова не е пенал. Двајцата играчи се туркаат еден со друг, Влашиќ не го повлече, но се држат и двајцата паѓаат. Поради оваа ситуација, пенал не може да се досуди во ваков натпревар“.

Тагови: Лука Модриќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Презентација на воена опрема вредна над 40 милиони евра во касарната „Илинден“

Денеска во касарната „Илинден“ во Скопје ќе биде презентирана дел од новата опрема што армијата ја доби преку Европскиот мировен фонд, со финансиска поддршка од Европската унија.

На настанот се очекува да присуствуваат премиерот Мицкоски, министерот за одбрана Мисајловски, амбасадорот на Европската унија Рокас и началникот на генералштабот, генерал-мајор Лафчиски.

Од министерството за одбрана информираат дека преку Европскиот мировен фонд се обезбедува воена опрема во вредност од над 40 милиони евра.

Испораката е поделена во три фази, при што во земјава веќе се пристигнати првиот пакет и дел од вториот. Меѓу набавената опрема се радари, термални камери, транспортни возила, симулатори, 3д-радар и преносни сензори, додека во последната фаза се очекува испорака на логистичка, комуникациска и пешадиска опрема.

Тагови: АРМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

A1 повторно создаде кампања за која зборува јавноста

A1 повторно успеа да направи нешто што останува подолго во јавноста.

Овојпат, преку современа интерпретација на нашата „Билјана платно белеше“, компанијата отвори една поинаква културна приказна која деновиве е меѓу најкоментираните теми во јавноста.

Наместо класична sponsorship кампања, A1 Македонија, како генерален спонзор на Охридско лето избраа поинаков пристап , да создадат чувство. Со минималистичка визуелна естетика, jazz аранжман и внимателно раскажана приказна, „Билјана“ доби нова емоција, а публиката доби нешто што ретко се случува на домашната сцена: бренд што комуницира преку култура.

Особено внимание привлече фактот што целата комуникација е суптилна, достоинствена и далеку од агресивен branding. Токму затоа, реакциите на социјалните мрежи се главно во една насока, дека ова не изгледа како реклама, туку како вистински културен проект.

Со овој потег, A1 уште еднаш покажа дека најсилните кампањи не се оние што најгласно продаваат, туку оние што оставаат впечаток и создаваат емоција што луѓето ја паметат.

Тагови: A1 кампања Македонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.