Крапски риболовен маратон на Осломејско Езеро

 На Осломејско Езеро од денеска до недела, во траење од 75 часа, ќе се одржи Вториот крапски риболвен маратон, со учество на 15 екипи од земјава и странство.

Крај Осломејското Езеро се е подготвено за одржување на овој натпревар – од тампонирани боксови и уреден пристапен пат, до сите детали неопходни за организација на ваков вид натпревар.

Раководството на спортско риболовното друштво „Хантер Фиш" од Кичево, како главен организатор на маратонот, се погрижисе се да протече во најдобар ред, а за најдобрите ќе следуваат и стимулативни парични награди.

– Со почеток во 11 часот од денеска до недела во 14 часот на Осломејско Езеро ќе се одржи Вториот крапски риболовен натпревар во траење од 75 часа. За учество на овој натпревар секоја од екипите ќе мора да плати котизација од 5000 денари за да се стекне со право да биде дел од истиот, истакна портпаролот на спортско риболовното друштво „Хантер Фиш", Мире Ночески.

Тој додаде дека временските услови се поволни и очекуваат богат лов и фер натпреварување.

– За трите екипи што ќе остварат најдобри резултати, покрај пехари и медали следуваат и парични награди од 15.000 денари за најдобрата екипа, 10.000 денари за второпласираната и 5.000 денари за екипата што ќе го заземе третото место. Истовремено, на овој крапски натпревар награда ќе следува и за риболовецот кој ќе улови најголем примерок на крап, вели Ночески.

Ночески појасни дека учесниците на натпреварот ќе ловат на мамка боила.

Хјундаи во наредните три години ќе инвестира 47 милијарди евра, пред сѐ за електрични возила

Компанијата Хјундаи денеска објави дека ќе инвестира 68 трилиони вони (околу 47 милијарди евра) во текот на три години во Јужна Кореја, главно за да го зголеми производството на електрични возила (ЕВ) и да вработи 80.000 нови работници во секторот.

Јужнокорејската компанија наведува дека повеќе од половина од таа инвестиција ќе биде наменета за електрични возила, односно за нова истражувачка и развојна инфраструктура, како и производствени линии, пренесе Ројтерс.

Агенцијата забележува дека зголемувањето на инвестициите се случува во време кога другите етаблирани производители на автомобили го намалуваат производството.

Главниот оперативен директор на Hyundai, Хозе Муњоз, на саемот за автомобили во Њујорк најави дека бројот на електрични возила ќе се удвои.

„Многу сме посветени на пазарот на Соединетите Американски Држави“, истакна тој.

Hyundai во ноември објави дека инвестира 11,6 милијарди евра во нови посебни капацитети за производство на електрични возила и батерии во Грузија, што е најголема инвестиција надвор од Јужна Кореја.

Додека јужнокорејската компанија ги зголемува инвестициите во електрични возила, конкурентските производители на автомобили планираат да го намалат производството на ЕВ и да го префрлат капиталот главно на хибридни модели.

Руски воен авион се урна во близина на Крим

Руски воен авион денеска се урна во морето во близина на кримското пристаниште Севастопол, изјави гувернерот на регионот назначен од Русија.

„Пилотот безбедно се катапултирал и бил спасен. Цивилни објекти не се оштетени“, изјави гувернерот на Севастопол, Михаил Развозаев, пренесува Ројтерс.

Претходно руските канали Телеграм објавија дека руски борбен авион Су-35 се урнал во близина на Севастопол.

Не е јасно како дошло до инцидентот.

Таравари на панел дискусијата за интеграција на лицата со попреченост

Претседателот на Алијансата за Албанците и кандидат за претседател од коалицијата ВРЕДИ, Арбен Таравари, заедно со претседателот на Движењето Беса, Билал Касами, учествуваа на важна панел дискусија .

Претседателот на Алијансата за Албанците и кандидат за претседател од коалицијата ВРЕДИ, Арбен Таравари, заедно со претседателот на Движењето Беса, Билал Касами, учествуваа на важна панел дискусија за интеграцијата на лицата со попреченост во општеството.

На панел дискусијата се разговараше за потребите и барањата на оваа значајна категорија.

Темата за интеграција на лицата со попреченост во општеството е многу важно прашање за кое е важно да се има широка свест и соработка на општествено и политичко ниво, а учеството на Таравари на овој панел ја покажува неговата посветеност да се справи со проблемите со кои се соочуваат оваа категорија лица и да се промовира поинклузивно и еднакво општество за сите.

Покрај дискусијата за потребите и барањата на лицата со попреченост, важно е оваа дискусија да води кон конкретни акции и политики ориентирани кон нивна поддршка, се наведува во соопштението.

притисни ентер