Кралот Чарлс предупредува дека цената на војната досегнува многу подалеку од бојното поле - Канал 5

Живот

Кралот Чарлс предупредува дека цената на војната досегнува многу подалеку од бојното поле

 Британскиот крал Чарлс денеска во пораката по повод 80-годишнината од победата на сојузниците над Јапонија во Втората Светска војна се осврна на актуелните конфликти, предупредувајќи дека цената на војната достигнува далеку над бојното поле.

Кралот Чарлс предупредува дека цената на војната досегнува многу подалеку од бојното поле

Чарлс рече дека последниот чин од Втората светска војна во Хирошима и Нагасаки платил „огромна цена“ и рече дека се моли ниедна земја никогаш повеќе да не ја плати. На британскиот крал подоцна ќе му се придружат кралицата Камила, премиерот Кир Стармер, јапонскиот амбасадор и воени ветерани на комеморативната служба за загинатите во последните три месеци од војната.

Планиран е и прелет на историски воени авиони, а напладне ќе се одржи едноминутно молчење, додека иконските згради низ Велика Британија, вклучувајќи ја Бакингемската палата и Парламентот, ќе бидат осветлени вечерва за да се одбележи годишнината од победата.

Во својот говор, кралот Чарлс нагласи дека вистинската цена на војната достигнува далеку над бојното поле и влијае на секој аспект од животот, и дека актуелните конфликти низ целиот свет го покажуваат обемот на трагедијата на војната.

Тој додаде дека во Втората светска војна, нациите кои никогаш не се бореле заедно научиле да работат заедно, докажувајќи дека „во време на војна и мир, најмоќното оружје не е она што го носите, туку она што го здружувате“.

Британскиот премиер Стармер рече дека неговата земја „им должи многу на оние кои се бореле за подобра иднина, за да можеме сега да ја имаме слободата и животот што го уживаме денес“.

Тагови: крал Чарлс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Не помина интерпелацијата за министерот Панче Тошковски

Со 77 гласа против, 58 за и 17 воздржани во Собранието не беше изгласана интерпелацијата за министерот за внатрешни работи, Панче Тошковски, поднесена од Левица.

Не помина интерпелацијата за министерот Панче Тошковски

На гласањето му претходеше жестока расправа во Собранието. Опозицијата обвинува за селективно постапување на полицијата, политички мотивирани акции, безбедносни пропусти...

Тошковски пак, во иницијативата гледа евтин политички обид да се закочи расчистувањето со криминалот и корупцијата..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

На Пелистер спасена мала срна која била нападната од куче (ВИДЕО)

Вработените во јавната установа Национален парк Пелистер спасија мала срна која била нападната од куче бездомник.

На Пелистер спасена мала срна која била нападната од куче (ВИДЕО)

Од установата на Фејсбук објавија дека малата срна ја спасил раководителот на помошно-техничкото одделение и ренџер во установата.

По спасувањето, вработените презеле дополнителни активности за срната повторно да биде вратена во својата природна средина. Со помош на емитирање на звуци малата срна повторно беше споена со својата мајка“ посочуваат од Националнот парк Пелистер.

Тагови: НП Пелистер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мелони повикува на нормализација на односите со САД по конфликтот со Трамп

Италијанската премиерка Џорџа Мелони вели дека односите со САД мора да се вратат во нормала по јавната расправија што минатата недела ја имаше со американскиот претседател Доналд Трамп.

Мелони повикува на нормализација на односите со САД по конфликтот со Трамп

„Немам намера да продолжам да го поттикнувам овој спор“, рече италијанската премиерка, која оцени дека не постои ризик од негативни последици врз односите меѓу Италија и САД и дека врските меѓу двете држави остануваат добри. Во петокот Мелони го обвини својот некогашен близок сојузник Трамп дека измислил приказна за неа откако тој за италијанска телевизија изјави дека таа го молела да се фотографира со неа за време на неодамнешниот самит на Г-7 во Франција.

Тагови: Мелони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер