Кралицата на Божиќ заработува неверојатни суми на една песна - Канал 5

Шоу биз

Кралицата на Божиќ заработува неверојатни суми на една песна

Светската музичка ѕвезда Мараја Кери повеќе од 30 години доминира низ светските радија и телевизии со својот безвременски хит, кој и носи големи пари. 

Кралицата на Божиќ заработува неверојатни суми на една песна

Повеќе од 30 години, со доаѓањето на декември, еден добро познат глас почнува да се слуша преку бројни звучници низ целиот свет. Секако станува звор за „Кралицата на Божиќ“, Мараја Кери и нејзиниот голем хит „All I Want For Christmas Is You“.

И секоја година оваа песна ѝ носи на Кери голема сума пари „под новогодишната елка“.

Иако точните износи се деловна тајна, Форбс и Економист проценија дека Кери заработува помеѓу 2,3 и 2,8 милиони евра секоја година од авторски права за оваа песна.

Билборд процени дека таа заработила околу три милиони евра само во 2022 година од преземање и стриминг на песни.

YouTube video

Според Њујорк пост, од 2021 година, пејачката заработила вкупно над 60 милиони долари откако песната излезе, а според Унилад, Кери заработува дури 316 долари на час само од песната, што е неверојатно со оглед на тоа што станува збор за песна што се пушта нешто повеќе од еден месец годишно.

Самата пејачка неодамна ги откри за „The Sun“ своите планови за одмор.

- Ќе одиме во Аспен, моето омилено место за прослава на Божиќ. Секогаш има снег, тоа е најдоброто место досега - рече таа и објасни дека секогаш организира секакви активности со своето семејство, вклучително и возење со санки.

Претходно, таа изјави за „Billboard“ дека никогаш не сонувала дека нејзината песна ќе стане таков хит. - Како можев да знам? Беше толку рано во мојата кариера и повеќето млади музичари не пееја божиќни песни на почетокот на својата кариера - рече таа.

Тагови: Мараја Кери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нова ескалација во близина на Ормускиот Теснец – има загинати!-Погоден ирански трговски брод!

Ирански трговски брод бил погоден рано утринава во близина на островот Кешм, во близина на Ормускиот Теснец, во нападот загина едно лице, а тројца се повредени, објавија иранските државни медиуми.

Нова ескалација во близина на Ормускиот Теснец – има загинати!-Погоден ирански трговски брод!

Британската агенција за поморски трговски операции (UKMTO) соопшти дека бродот бил погоден од проектил додека минувал низ Ормускиот Теснец, без да наведе дополнителни детали. Засега нема соопштение од американската војска, која претходно ги блокираше иранските пристаништа и ги напаѓаше бродовите што пловеа под иранско знаме.

Нападот врз иранскиот брод се случува во време кога продолжуваат тензиите околу овој воден пат, кој се сметаше за меѓународен пред САД и Израел да започнат војна против Иран на 28 февруари оваа година.

Иран објави дека министрите за надворешни работи на земјите од регионот денес ќе се состанат за да разговараат за напорите на Иран и Оман – земја што се наоѓа на спротивната страна од Ормускиот Теснец – во управувањето со поморскиот сообраќај што се одвива низ него.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Зверев на тронот во Њујорк за втора Грен слем круна

Германскиот тенисер Саша Зверев го освои Ју-Ес Опен, триумфирајќи во финалето над Бен Шелтон – 6:3, 7:6 (2), 5:7, 6:2.

Зверев на тронот во Њујорк за втора Грен слем круна

Со победата во Њујорк, Зверев ја освои втората Грен слем титула во кариерата, по онаа освоена во Париз оваа година. Ова беше негово второ финале во Њујорк во кариерата.

Пред шест години загуби од Доминик Тим, иако водеше со 2-0 во сетови.

На патот до трофејот, Зверев ги победи и Лоренцо Сонего и Квентин Алис – и двајцата по пет сета – како и Алехандро Табило, Лучано Дардери, Ботик ван де Зандшулп и Карен Хачанов со максимален резултат.

Најдобриот резултат во кариерата на Шелтон на Грен слем турнирите ќе му донесе највисок пласман во кариерата – четвртото место – почнувајќи од понеделник.

„Сè до оваа година не освоив ниту една титула, а сега освоив две во истата година. Мислам дека Бог виде колку напорно работевме и низ каква болка поминавме. 2026 година е резултат на сите претходни години. Ви благодарам на сите; немаше да бидам овде без вас. Сакам да ѝ се заблагодарам и на уште една личност која никогаш не ги гледа моите натпревари – тоа е најважната личност во мојот живот. Кога на четиригодишен син ќе му дијагностицираат дијабетес, потребна е силна мајка за да излезе од таа ординација и да каже: ’Мојот син ќе биде она што сака да биде; ако сака да биде тенисер, ќе биде тенисер‘. Среќен сум поради она што го правиме. Мајка ми е најважната и најсилната личност што ја познавам; потребна е навистина силна личност за да се направи она што го направи таа“, рече емотивниот Зверев во шампионскиот говор.

Тагови: Зверев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Продолжува судењето за пожарот во дискотеката „Пулс“ во Кочани

Денеска во судницата во Идризово при Основниот кривичен суд Скопје треба да продолжи судењето за пожарот во дискотеката „Пулс“ во Кочани, во кој загинаа 63 лица, а над 200 беа повредени.

Продолжува судењето за пожарот во дискотеката „Пулс“ во Кочани

Случајот се наоѓа во доказна постапка и треба да продолжи со вкрстено испрашување од одбраната на тимот градежни вештаци, кои го изработиле градежното вештачење на обвинителството.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер