Крај за најмалиот и најнеобичен електричен модел на „Renault“ - Канал 5

Автомобилизам

Крај за најмалиот и најнеобичен електричен модел на „Renault“

Крај на електричната микромобилност започната од „Twizy“.

Крај за најмалиот и најнеобичен електричен модел на „Renault“

„Renault“ одлучи да го прекине својот проект за електрична микромобилност и да го повлече подбрендот „Mobilize“ од сцената, предвремено прекинувајќи ги моделите „Duo“ и „Bento“.

Овие мали урбани електрични квадрицикли, замислени како наследници на познатиот модел „Twizy“ (2012), дури немаа време сериозно да се етаблираат на пазарот.

„Mobilize“ беше лансиран во 2021 година со цел развој на решенија „надвор од класичната автомобилска индустрија“.

По концептот „EZ-1“, беа претставени моделите „Duo“ и „Bento“, кои влегоа во сериско производство во 2024 година.

За разлика од класичната продажба, тие беа наменети првенствено за програми за претплата и споделување автомобили.

Сепак, само една година подоцна, „Renault“ одлучи да ги прекине и возилата и целиот подбренд „Mobilize“, кој повеќе нема да постои како посебен ентитет.

Со ова се завршува и услугата за споделување автомобили во Милано, додека Мадрид е следен на листата за затворање во 2026 година. Наведените причини се ограничена профитабилност и неконзистентност со новите стратешки приоритети на групацијата „Renault“.

Сепак, дел од активностите на „Mobilize“ ќе преживеат. „Renault“ го задржува својот фокус на решенија за полнење електрични возила, кои сега се интегрирани во бизнисот на групацијата „Renault“.

Ова вклучува повеќе од еден милион достапни полначи низ цела Европа, планови за ултрабрзи станици во Франција и Италија, како и десетици илјади корисници на „Charge Pass“.

И покрај затворањето на проектот, „Renault“ вели дека „Mobilize“ ја исполнил својата улога како инкубатор на иновации и ѝ помогнал на компанијата да тестира нови бизнис модели во ерата на електричната мобилност.

Тагови: Mobilize Renault

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се запали автобус на „Дурмо Турс“ на автопатот Тетово Гостивар

Автобус на компанијата „Дурмо Турс“ денеска се запали на автопатот Тетово Гостивар, предизвикувајќи вознемиреност кај патниците и останатите учесници во сообраќајот. 

Се запали автобус на „Дурмо Турс“ на автопатот Тетово Гостивар

На социјалните мрежи се појавија видеоснимки на кои се гледа како автобусот е зафатен од пламен, додека густ чад се издига над коловозот.

Според првичните информации, возачот навреме го запрел автобусот, по што сите патници безбедно биле евакуирани. Засега нема информации за повредени лица, а на местото на настанот интервенирале противпожарни екипи кои го локализирале пожарот. Надлежните институции вршат увид за да се утврдат причините за избувнувањето на огнот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео: Сабаленка ги шокираше навивачите со проѕирен фустан за УС Опен

Сабаленка ги шокираше навивачите со проѕирен фустан за УС Опен-Погледнете што ќе носи популарната „тигрица“.

Видео: Сабаленка ги шокираше навивачите со проѕирен фустан за УС Опен

Најдобрата светска тенисерка, Белорусинката Арина Сабаленка ја претстави својата облека за престојниот Грен слем УС Опен.

Светскиот рекет број 1, Арина Сабаленка, ја претстави својата опрема за УС Опен.

Откако неславно го заврши настапот на Вимблдон, таа ретко се појавуваше во јавноста, а сега одлучи да ги израдува навивачите со облеката што ќе ја носи на последниот Грен слем турнир во сезоната.

Брендот „Најк“ и тенисерката од Белорусија овојпат направија чекор понапред. „Тигрицата“ ја брани титулата на УС Опен, откако победи во 2024, а потоа и во 2025 година.

Ако се суди според најавите, ќе гледаме агресивна и енергична Сабаленка, каква што сме навикнати да ја гледаме. Облеката што ја претстави го навести токму тоа.

Сабаленка се одлучи за портокалова боја – маичка и шорцеви, а претходно ќе носи и мрежест фустан.

Иако популарниот бренд досега не ѝ овозможувал на Сабаленка уникатни спортски комплети, овојпат тоа секако ќе се случи. Јасно е дека опремата што ќе ја носи Белорусинката е инспирирана од „Спајдермен“, а се очекува и други тенисерки кои го носат овој бренд да се појават во слични изданија.

Црната мрежа што ја прекрива дводелната спортска опрема е директна асоцијација на филмот, чија премиера е закажана за јули 2026 година. Нема сомнеж дека изданието на Арина Сабаленка ќе предизвика бројни реакции, бидејќи коментарите постојано се менуваат – од позитивни до негативни – само неколку часа по објавувањето на видеото.

Фановите не ја изоставија ниту Наоми Осака, од која очекуваат уште поспектакуларно издание, слично на оние од претходните три Грен слем турнири. Воедно, ова веројатно е последниот Грен слем на кој Сабаленка ќе носи стандардна облека од „Најк“ (Nike) како и останатите тенисерки, бидејќи уште во 2027 година би можеле да ја видиме во персонализирани комбинации.

Тагови: Арина Сабаленка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Фото: Змија виси над волан на автомобил во БиХ

Корисниците на социјалните мрежи биле изненадени од видео од Сјеница кое неодамна кружи на интернет.

Фото: Змија виси над волан на автомобил во БиХ

Сопственикот на автомобилот снимил змија како виси од вратата на автомобилот.

Таа висеше веднаш над воланот, обидувајќи се да се ослободи; како успеа да се заглави во вратата на автомобилот останува непознато.

Оваа необична глетка ги забавуваше многу корисници. „Ја закачи како освежувач на воздух“, гласеше еден од коментарите.

https://www.instagram.com/reel/DbjENoYxfSq/?utm_source=ig_embed&utm_campaign=loading

Тагови: змија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер