Крај на надежите за квалификувано мнозинство - Бугарија и Грција категорично за зачувување на правото на блокада - Канал 5

Свет

Крај на надежите за квалификувано мнозинство - Бугарија и Грција категорично за зачувување на правото на блокада

-Промената на гласањето, независно од тоа какво е квалификуваното мнозинство, за чувствителните теми, како проширувањето или повеќегодишната финансиска рамка, создаваат преседан кој не е корисен за довербата во Унијата.

Крај на надежите за квалификувано мнозинство - Бугарија и Грција категорично за зачувување на правото на блокада

Ветото и во иднина останува силно оружје за земјите членки на ЕУ. Оптимистичкиот план на првиот човек на Европскиот Совет, Антонио Кошта одлуките во процесот на проширување да се носат со квалификувано мнозинство, наместо како досега со едногласност, и формално пропадна, откако унгарскиот премиер Орбан синоќа по двата самита во Копенхаген јасно порача дека планот е мртов. Но, дека унгарскиот премиер не бил осамен во одлуката стана јасно и по изјавите на бугарскиот и грчкиот премиер, кои категорично застанаа во одбрана на на принципот една земја членка да може да блокира, и во случај, кога сите други се против. Ваквиот став го поддржале и Франција, Холандија, Хрватска и Кипар.

-Промената на гласањето, независно од тоа какво е квалификуваното мнозинство, за чувствителните теми, како проширувањето или повеќегодишната финансиска рамка, создаваат преседан кој не е корисен за довербата во Унијата. , изјави Росен Жељазков, премиер на Бугарија.

-Грција под никакви околности нема да прифати, не само ние, мислам дека ова е и став на многу мои колеги, да ја загуби можноста во кое било време да може да го блокира процесот ако смета дека тоа може да биде штетно за европските или националните интереси. , изјави Кирјакос Мицотакис, премиер на Грција.

Идејата на Кошта, иако конкретно насочена кон ставање на Украина на брза лента во евроинтеграциите и елиминирање на ветото на Будимпешта, несомнено беше добра вест и за Македонија во однос на евентуалните идни блокади, првенствено од Софија. Орбан порача дека нема да даде зелено светло за Киев, се додека земјата е во војна.

-Многу е едноставно. Во Унгарија имавме референдум. Народот одлучи. Тие рекоа: не би сакале да бидеме со Украинците во ист интеграциски формат, ниту во Нато, ниту во ЕУ. Има идеја да се заобиколи ветото и да се промени на начинот на гласање? Процедурите се правно регулирани многу јасно, а тоа е едногласност. Не поддржуваме друго. , изјави Виктор Орбан, премиер на Унгарија.

Претседателката Сиљановска Давкова која учествуваше на состанокОТ на Европската политичка заедница во Копенхаген порача дека ако ЕУ сака да биде геополитичка унија, не смее да го остави Западен Балкан во геополитички вакуум.

Тагови: ЕУ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Шокантен инцидент во Италија: Ученик избоде наставничка

Се обидел да го пренесува нападот во живо на социјалните мрежи.

Шокантен инцидент во Италија: Ученик избоде наставничка

Според неименувани извори, ученик во средно училиште во римската населба Ченточеле денес испрскал наставничка во лицето со спреј-бибер, а потоа ја избодел.

Наставничката добила итна медицинска помош. Иако нејзиниот живот не е во опасност, таа претрпела шок, наведуваат изворите, а пренесува агенцијата „ANSA“.

Напаѓачот, 13-годишно момче, се обидел да го пренесува нападот во живо преку својот мобилен телефон, користејќи ја апликацијата „Телеграм“.

Според изворите, друг ученик го спречил нападот.

Извор: Б92

Тагови: Италија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

О. Карпош: „Шарен детски свет“ ќе го краси дворниот ѕид на градинката „Орце Николов“ во Карпош 4

Во детската градинка „Орце Николов“ во Карпош 4 започна изработката на муралот „Шарен детски свет“, со кој просторот наменет за најмладите ќе добие нов, креативен и весел изглед.

О. Карпош: „Шарен детски свет“ ќе го краси дворниот ѕид на градинката „Орце Николов“ во Карпош 4

Автор на муралот е уметникот Драган Китановски – Драш, кој преку својата уметност ќе го збогати просторот каде што секојдневно растат, играат и учат најмладите жители на Карпош.

Во реализацијата на иницијативата денеска се приклучи и градоначалникот на

Општина Карпош, Сотир Лукровски, кој на ѕидот ќе остави свој личен белег преку сопствена креација посветена на децата. Муралот има за цел да внесе повеќе боја, креативност и позитивна енергија во просторот на градинката, создавајќи пријатна и инспиративна средина за најмладите.

Општина Карпош продолжува со иницијативи за разубавување на јавните и детските простори, создавајќи средина во која децата растат со повеќе боја, креативност и радост.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

„Звуците на културата во Ѓорче 2026“ вечерва со богата програма за сите генерации

По досегашната програма исполнета со мјузикл, хип-хоп фестивал, театарска претстава, кино-проекции и содржини за најмладите, „Денови на Општина Ѓорче Петров 2026“ продолжуваат вечерва со нови настани во рамките на „Звуците на културата во Ѓорче 2026.

„Звуците на културата во Ѓорче 2026“ вечерва со богата програма за сите генерации

Програмата ќе се одвива на Корзото, кај амфитеатарот и во Реонскиот парк, со музика, улични изведби, балет, хорско пеење, базар и детски работилници за посетители од различни генерации.

Вечерва, на 18 септември, програмата на Корзото и кај амфитеатарот започнува во 18:00 часот со „Баскерфест“. Во 18:30 часот ќе настапи „Ребис“ – балетско студио, а во 19:00 часот хорот „Фрида“.

Во рамките на „На Базар“, посетителите ќе можат да разгледаат што нудат поставените штандови, додека за најмладите ќе бидат организирани детски работилници.

Музичката програма на „Октоберфест“ ќе се одржи во Реонскиот парк. Во 20:00 часот ќе настапат „Суперхикс“, во 21:30 часот „Пауза за ракија“, а вечерта ќе ја заокружи DJ Галоски, со настап од 23:00 часот.

Програмата продолжува и во сабота, на 19 септември, во Реонскиот парк. The Crew ќе настапат во 19:00 часот, по што во 21:00 часот следува концертот на „Ареа“. Во 22:30 часот ќе настапат „Куку Леле“, а програмата ќе ја затворат трубачите „Левис“, со почеток во 23:30 часот.

Преку различните културни и музички содржини, „Звуците на културата во Ѓорче 2026“ ја збогатуваат програмата на „Денови на Општина Ѓорче Петров 2026“ и создаваат простор за дружење и забава за сите генерации.

Настаните се во организација на Општина Ѓорче Петров.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер