Свет

Крај на личните карти! Ова европска земја ги укинува сите физички документи: Еве како ќе изгледа новиот начин на потврда на идентитетот

Во Естонија наскоро ќе стапи во сила револуционерна новина во начинот на потврдување на личниот идентитет.

Mобилната апликација „Eesti.ee“ ќе стане официјален дигитален документ, кој ќе им овозможи на граѓаните да заборават на носењето физички лични карти и пасоши.

Оваа функција, која ќе биде достапна од јули 2025 година, претставува голем чекор кон дигиталната трансформација на државата и олеснување на секојдневните административни и правни процедури.

Според најавите на Министерството за правда и дигитални технологии, апликацијата ќе им овозможи на корисниците преку мобилен телефон да го потврдат својот идентитет во аптеки, продавници, ноќни клубови, па дури и при контакт со државни институции.

Министерката за правда и дигитални технологии, Лииза Пакоста, изјави дека ова е најважното и најпрактично унапредување на државната апликација од нејзиното лансирање во декември минатата година.

„Луѓето, особено младите, не носат секогаш документи со себе, но телефонот – речиси секогаш. Државата сега овозможува идентитетот и возраста да се потврдат во аптеки, продавници, ноќни клубови, како и при контакт со државни институции“, изјави министерката, додавајќи дека ова иновативно решение сигурно ќе привлече меѓународно внимание, бидејќи само неколку земји во светот нудат ваква дигитална услуга.

Како ќе функционира?

Според измените во Законот за документи за идентификација, давателите на различни услуги ќе можат да го верификуваат идентитетот на своите корисници преку естонската апликација – што ќе има иста правна сила како проверка со пасош или лична карта.

На пример, корисник кој сака да ја користи апликацијата во медицинска установа, продавница или на влез во ноќен клуб, прво треба да се најави со „Mobile-ID“ или „Smart-ID“. Во делот на апликацијата за лична карта или пасош, корисникот може да генерира QR-код што важи три минути, а кој може да се скенира со уред на лицето што го проверува идентитетот.

За да биде скенирањето возможно, и лицето што го проверува мора да ја користи естонската апликација и да биде најавено во системот – што гарантира дека целиот процес се одвива безбедно, во рамки на апликацијата. По скенирањето, на екранот 30 секунди се прикажуваат основни податоци од документот.

Покрај QR-кодот, во апликацијата има и бар-код, кој може да се користи како физички документ – така што ќе се покаже за читање со уред, кој потоа го препознава личниот број на корисникот. Давателот на услугата може да ги спореди податоците и фотографијата за потврда на идентитетот.

Доброволно за сите страни

Пакоста нагласи дека користењето на апликацијата од страна на давателите на услуги е целосно доброволно, но ги повика сите компании и државни институции кои работат со клиенти да ја овозможат оваа опција.

Тоа значи дека проверката на идентитет преку естонската мобилна апликација не е задолжителна – ниту за граѓаните, ниту за фирмите. Луѓето ќе можат да ја користат само ако таа можност им е понудена. Оваа функционалност претставува дополнителна опција, а не замена за стандардните методи на идентификација.

Таави Плумпу, заменик генерален директор на RIA, истакна дека корисниците од самиот почеток покажале голем интерес за оваа функција.

„Поголемиот дел од секојдневниот живот веќе се пресели во мобилен телефон, а од јули ќе биде можно практично да се користат документи токму на тој начин. Ќе биде потребно време давателите на услуги да се прилагодат, но сум сигурен дека, благодарение на практичноста, оваа функција брзо ќе заживее во секојдневни ситуации“, рече тој.

Повеќе од дигитален потпис

Апликацијата, претставена во декември минатата година, моментално нуди околу 50 различни услуги. Преку неа е можно да се прегледаат информации за себе и своите деца, да се проверат рецепти, да се испраќаат барања до различни бази на податоци, да се добиваат известувања и да се пристапува до државна пошта.

Во основните информации во апликацијата се гледа личниот број на корисникот, адресата на живеење и личните податоци за децата. Исто така, може да се пристапи до регистарот на население и да се поднесе барање за брак.

Државната апликација е достапна на естонски и англиски јазик, поминала две фази на безбедносно тестирање, а сите податоци на корисниците се внесуваат преку безбеден податочен канал „X-tee“, пренесува Блиц.

(Блиц)

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Ревија на костими за капење на „Sports Illustrated Swimsuit“

Списанието „Sports Illustrated Swimsuit“ секоја година организира ревија на костими за капење во Мајами.

Учеснички во програмата се главно ѕвезди од реални шоуа, инфлуенсерки и дами од модната индустрија, така било и годинава.

Меѓу многуте убавици кои прошетаа во минијатурно бикини по пистата беше и провокативната реалити ѕвезда Стаси Шредер.

Станува збор за поранешната ѕвезда на реалното шоу „Vanderpump Rules“, која ги воодушеви многумина на модната ревија со својот атрактивен изглед и секси одење.

Сепак, јавноста на социјалните мрежи не беше задоволна од нејзините вештини, па за кратко време Стаси стана предмет на потсмев и бројни критики.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Секси русокосата не препушта ништо на случајноста

Актерката и манекенка Брукс Надер не престанува да изненадува со своите провокативни изданија, а моментално ужива во Франција, од каде што доаѓаат и нејзините најнови фотографии.

Моделот и актерка Брукс Надер ужива во топлотниот бран, со неа уживаат и нејзините следбеници кои желно ја очекуваат секоја нова објава на оваа контроверзна убавица.

Неодамна таа престојуваше и на Јадранот – ги посети Хрватска и Црна Гора – а нејзините изданија од таму исто така оставија силен впечаток на социјалните мрежи.

Сепак, таа подготви нешто ново за Франција, па најпрво позираше во кратки бели шорцеви и ѝ сврте грб на камерата, а иако не е првпат да покаже нешто повеќе, повторно ги воодушеви и изненади сите.

Меѓу низата фотографии се најдоа и оние на кои Брукс носи кратки и длабоко деколтирани фустани, па нејзините бујни гради беа главна тема и на овој одмор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Веќе 21 фудбалер се платени повеќе од 100 милиони евра за трансфер

Дали фудбалерите навистина вредат толку многу?

Веќе 21 фудбалер се платени повеќе од 100 милиони евра за трансфер, а Јан Диоманде би можел да биде следниот.

Најголемиот трансфер што моментално се подготвува на пазарот е доаѓањето на Јан Диоманде од РБ Лајпциг во Реал Мадрид.

Доколку трансферот се реализира, репрезентативецот на Брегот на Слоновата Коска ќе се приклучи кон ексклузивната група играчи за кои се платени повеќе од 100 милиони евра.

Досега, 21 фудбалер ја достигнале таа вредност, почнувајќи од летото 2013 година, кога Реал Мадрид му плати на Тотенхем 101 милион евра за Герет Бејл.

Оттогаш, трансферите со обештетувања од деветцифрени износи станаа многу почести и веќе не предизвикуваат толку многу полемики како порано.

Доаѓањето на клубови во сопственост на држави и милијардери дополнително го зголеми бројот на вакви трансфери.

Меѓу нив, се издвојува Пари Сен Жермен, кој во 2017 година ги сруши сите рекорди со плаќање 222 милиони евра за Нејмар, активирајќи ја неговата откупна клаузула од договорот со Барселона.

Само неколку недели подоцна, ПСЖ го доведе и Килијан Мбапе од Монако за 180 милиони евра.

Ако има еден клуб што доминира на оваа листа, тоа е Челзи.

Во ерата на Роман Абрамович, а потоа под сопственост на Тод Боели, лондонскиот клуб донесе дури пет играчи за повеќе од 100 милиони евра: Морган Роџерс, Енцо Фернандез, Мојсес Кајсед, Ромелу Лукаку и Каи Хаверц.

Клубови од Премиер лигата учествуваа во дури 11 од вкупно 22 трансфери вредни над 100 милиони евра.

Шпанската Ла Лига, вклучувајќи го и евентуалното доаѓање на Диоманде, учествув во осум такви трансфери. Четири би му припаднале на Реал Мадрид, три на Барселона и еден на Атлетико Мадрид.

Франција е претставена од ПСЖ, додека единствениот претставник на Серија А е Јувентус, поради Кристијано Роналдо.

Покрај тоа што сè уште е најскапиот трансфер во историјата на фудбалот, Нејмар е и играчот за кого се издвоени најмногу пари во текот на неговата кариера.

Барселона и ПСЖ заедно платија речиси 400 милиони евра за неговите трансфери.

На второто место е Ромелу Лукаку, за кого клубовите издвоија вкупно околу 370 милиони евра, додека Кристијано Роналдо е трет со 247 милиони.

Трансфери над 100 милиони евра:

1.Нејмар – 222 милиони евра (Барселона → ПСЖ)

2.Килијан Мбапе – 180 милиони евра (Монако → ПСЖ)

3.Александар Исак – 145 милиони евра (Њукасл → Ливерпул)

4.Морган Роџерс – 138 милиони евра (Астон Вила → Челзи)

5.Елиот Андерсон – 135 милиони евра (Нотингем Форест → Манчестер Сити)

6.Жоао Феликс – 127,2 милиони евра (Бенфика → Атлетико Мадрид)

7.Флоријан Вирц – 125 милиони евра (Баер Леверкузен → Ливерпул)

8.Енцо Фернандес – 121 милиони евра (Бенфика → Челзи)

9.Филипе Кутињо – 120 милиони евра (Ливерпул → Барселона)

10.Антоан Гризман – 120 милиони евра (Атлетико Мадрид → Барселона)

11.Џек Грилиш – 117,5 милиони евра (Астон Вила → Манчестер Сити)

12.Мојсес Каиседо – 116 милиони евра (Брајтон → Челзи)

13.Еден Азар – 115 милиони евра (Челзи → Реал Мадрид)

14.Ромелу Лукаку – 113 милиони евра (Интер → Челзи)

15.Кристијано Роналдо – 112 милиони евра (Реал Мадрид → Јувентус)

16.Сандро Тонали – 108 милиони евра (Њукасл → Тотенхем)

17.Пол Погба – 105 милиони евра (Јувентус → Манчестер Јунајтед)

18.Усман Дембеле – 105 милиони евра (Борусија Дортмунд → Барселона)

19.Џуд Белингем – 103 милиони евра (Борусија Дортмунд → Реал Мадрид)

20.Герет Бејл – 101 милион евра (Тотенхем → Реал Мадрид)

21.Каи Хаверц – 100 милиони евра (Баер Леверкузен → Челзи)

Тагови: милиони Фудбал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.