Последната трка, 349-та во неговата кариера, беше денешната Голема трка во Саудиска Арабија, а ја заврши забивајќи се во заштитната ограда со автомобилот на Алфа Ромео. Пред тоа во два наврати возеше за Заубер, Мекларен, Ферари и Лотус.
Како пилот на Мекларен, тој ги заврши сезоните како вицешампион во 2003 и 2005 година, додека трет беше во 2008, 2012 и 2018 година. Со 103 трки на кои го освои подиумот, тој е еден од само петте возачи во историјата на Формула 1 со над 100 места на подиумот. Минатата година тој го собори рекордот по број на стартови во Формула 1 на Ајфеловата ГП.
Тој победи на 21 трка и со тоа е најуспешниот фински возач. Раиконен е единствениот Формула 1 возач кој победил во ерата на V10, V8 и V6 турбо хибридни мотори.
Раиконен веќе се прости од Формула 1. Тој го направи тоа по девет сезони, во 2010 година, за да се натпреварува на рели и НАСКАР, но се врати во 2012 година и возеше до денес ,до последното збогување.
Формула останува без тивкиот џин. Раиконен го носи прекарот Iceman или Ice Type затоа што бил резервиран во светот на овој спорт полн со гламур и ѕвезди и одбивал да учествува на ПР настани.