Здравје

Ковид картата повторно е црвена, расте и бројот на хоспитализирани

Кривата на заразени во подем, ковид картата повторно обоена во црвено, расте бројот на хоспитализирани, а вирусот зеде уште девет животи, покажува најновиот неделен извештај на Институтот за јавно здравје.

За седум дена има регистрирано над 4.700 заразени, што е 8,5% повеќе за разлика од минатата недела. Додека се чека пикот на петтиот бран, секојдневно, речиси половина од тестираните се позитивни, а во моментов има регистрирано околу 5.000 заразени со вирусот, кои се водат како активни случаи. Најголем број од регистрираните само во изминатите седум дена се возрасни над 60 години, а иако најмалку 226 дечиња до 9 години се потврдени како позитивни, сепак токму во оваа возрасна група има најголем раст од 32% споредено со минатата недела. Сега во болница лежат 160 граѓани, што е 18 % повеќе од минатата седмица.

Според Д-р Илчо Ефкоски поради ширум отворените граници најновиот летен бран не е нешто неочекувано. Тој за Канал 5 појаснува оти со најновите варијанти еден човек може да зарази 18 луѓе, а и во Македонија, и во светот „се кренало раце“ од изнаоѓање стратегија за превенција, која би вклучувала и вентилација на воздухот со филтри за прочистување во затворено, каде вирусот најмногу се шири.

-Оние информации кои ги имаме за омикрон варијантите Б.А.1 и Б.А.5 и „Кентаур“, засега што е проверено, а тоа е дека еден заразен со Б.А.5 може да зарази 18 луѓе. Тоа е голема бројка и посилна од морбилите. Тоа би требало да е едниот фактор, но вториот фактор е дека ова е комуникативна болест, односно се шири кога луѓето комуницираат. Штом е зголемена комуникацијата помеѓу државите се шират и различните варијанти.

-Треба да ни биде јасно дека овој циклус на заразувања кој го имаме и оној кој властите го протежираат дека е ова сезонска болест, е нејасен. Јас не гледам како го гледаат како сезонска болест. Која сезона ќе фатиме, три пати годишно ќе се заразуваме или четири? Тоа е изолација, разболување, тоа е немање на работници.

Според Д-р Ефкоски, овој бран нема да е олеснување за она што следи на есен, бидејќи реинфекциите веќе се вообичаени. Тој смета дека наместо „стратегијата на стадо“ мора да се размислува за превенција за да може да се постигне фукционалност на општеството особено за време на брановите. Тој смета дека освен носење на Н95 маски над носот, прво нешто кое треба да се направи е да се обезбеди прочистување на воздухот во моловите и насекаде во затворено, особено во училиштата од септември.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Сопругата на Роналдо, Георгина ги покажа раскошните облини

-Мини-фустанот малку криеше.

Георгина Родригез се појави во новата кампања на брендот „Калцедонија“ (Calzedonia) и привлече големо внимание со својот стајлинг.

Позната по своите бујни облини и беспрекорен стил, Георгина Родригез уште еднаш ја воодушеви јавноста со свое модно издание.

Таа се појави во новата кампања на италијанскиот бренд „Калцедонија“, при што носеше впечатливи модни парчиња.

Кампањата е снимена пред монументална градба, а главното парче облека во оваа есенска колекција се хулахопките.

Фотографии од снимањето самата Георгина ги објави на својот профил на Инстаграм, а на нив се прикажани неколку различни комбинации.

Корисниците на социјалните мрежи не останаа рамнодушни на оваа глетка, па ѝ упатија позитивни коментари за нејзиниот изглед.

Повеќето ѝ рекоа дека е „убава“ и дека нејзината убавина е „нереална“.

Тагови: Георгина Кристијано Роналдо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Касно е Мицкоски да се пере од Вучиќ и сестринската СНС – следат истраги во Србија

Организираната криминална група ВМРО денес се обидува да побегне од Александар Вучиќ и од нивната сестринска партија СНС.

Касно е за перење.

Не може Мицкоски да се испере од Вучиќ.

Токму Вучиќ управува со Мицкоски и со ВМРО.

Граѓаните паметат и знаат.

Знаат за бизнис-мрежите на Мицкоски во енергетиката што водат кон Србија преку Адамавиќ и Руднап.

Знаат за петте тони дрога што од Македонија завршија во Србија кај сестринската СНС а никој не одговараше се уште.

Знаат за Алта банка која Европа ја забрани а Мицкоски и Славевски ја внесоа во Македонија.

Знаат за медиумите на Вучиќ и Орбан, за ботовите и платформите на СНС кои ги поддржуваат ВМРО и Мицкоски .

Знаат за влезот на српскиот Евроњуз и Ало група, во сопственост на Вучиќ.

Знаат за 4iG, за истите лобисти на Мицкоски и Вучиќ, за антимонот.

Граѓаните знаат дека позади сето ова стои криминална организација, целосно поврзана меѓу СНС и ВМРО, спрегата Мицкоски - Вучиќ.

Не се брише вистината со едно панично соопштение на ВМРО.

Но ние знаеме зошто е паниката.

Следуваат разврски, следуваат истраги во Србија, следува одговорност.

Скопје, 27.10.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Скандал ! Поранешната Мис на Швајцарија го обвини Трамп за силување, Белата куќа со итна реакција

Поранешната Мис Швајцарија и манекенка Беатрис Кеул го обвини американскиот претседател Доналд Трамп за силување за време на инцидент во хотелот „Плаза“ во Њујорк во ноември 1993 година.

Поранешната Мис Швајцарија и манекенка Беатрис Кеул го обвини американскиот претседател Доналд Трамп за силување за време на инцидент во хотелот „Плаза“ во Њујорк во ноември 1993 година, се наведува во извештајот објавен во понеделникот од страна на демократите во Претставничкиот дом.

Кеул претходно, во октомври 2024 година, тврдеше дека Трамп ја допрел без нејзина согласност за време на истиот инцидент, но тогаш изјави дека нападот не отишол подалеку, пренесува „Телеграф“.

Во разговорите со вработените во демократските комисии, таа сега излезе со тврдења дека Трамп ја силувал, наведувајќи дека ѝ го скинал фустанот и ја повредил, а потоа ѝ се заканил за да ја принуди на молк.

Според нејзиното сведочење, Кеул го запознала Трамп кога имала 24 години, на прес-конференција за натпревар за доделување награди во хотелот „Плаза“, кој во тоа време бил во негова сопственост.

Таа изјави дека Трамп ѝ ветил помош околу добивањето виза и запишувањето на Универзитетот во Њујорк, а дека по нивниот разговор, осудениот сексуален престапник Џефри Епстин ѝ пристапил и ја поканил на забава во резиденцијата на Трамп, „Мар-а-Лаго“.

Белата куќа ги отфрли обвинувањата, нарекувајќи ги обид на демократите да го одвлечат вниманието од достигнувањата на администрацијата на Трамп.

Трамп претходно негираше дека сторил нешто лошо поврзано со Епштајн и тврдеше дека го прекинал пријателството со него долго пред да се појават сомневања за неговите криминални активности. Што содржи извештајот? Извештајот на демократите, исто така, вклучува изјави од уште четири жени кои го обвинија Трамп за силување или сексуален напад. И

сто така, се тврди дека Трамп, Епштајн и други наводно го користеле натпреварот во хотелот Плаза за да пронајдат ранливи млади жени и девојки. Членот на Комитетот, Џејми Раскин, рече дека пет жени директно го обвиниле Трамп за силување или сексуален напад во друштво или присуство на Епштајн, додека други тврдат дека Епштајн или неговата соработничка Џилијан Максвел се обиделе да ги предадат на Трамп.

Раскин, исто така, го обвини Министерството за правда на САД за прикривање злосторства за да го заштити претседателот. Белата куќа ги отфрли обвинувањата во извештајот.

Тагови: Доналд Трамп Епстин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.