Ковид-19 и по девет месеци останува мистерија за матичните лекари

Пациентка цел месец со температура предизвикана од Ковид 19, други пациентки се позитивни и по три недели од направените контролни тестови, а немаат симптоми, маж два пати заболел од корона вирус. 

Матичната докторка и педијатрка Мира Атансова со набројувањето на овие специфични случаи со КОВИД 19 објаснува колку вирусот е се уште непредвидлив и опасен. Во случајот со повторената инфекција од корона вирусот кај мажот вториот пат симпотмите биле многу потешки од првиот пат.

Според досегашното искуство заразените кои го изгубиле осетот за мири и вкус поминуваат со полесни симпотми. Најтешка клиничка слика се развива кај пациентите над 35 години, заразата почнува со силни болки во мускулите и губење на силата.

За педијатрите се уште е проблем закажувањето на тестовите, термините брзо се резервираат, најголем проблем е кога матичните се втора смена, тој ден не може да најдат термин.

Стоилковски: Владата од Буџетот ќе ги покрива долговите на градоначалниците од СДСМ и ДУИ

Неверојатно но вистинито, наместо кон децентрализација, власта на СДСМ и на ДУИ испраќаат порака за тешка централизација во Македонија, рече Наум Стоилковски, портпарол на ВМРО-ДПМНЕ.

Заев сака да е и премиер и градоначалник во сите општини. Локалните власти служат за полнење со партиска војска и ширење терор.

По речиси три години повторно од Буџетот ќе се покриваат долговите на градоначалниците од СДСМ и од ДУИ. Зошто? Затоа што се неспособни, затоа што не изработиле ништо и затоа што општинските ЈП служат за партиски испостави за вработувања и полнење на администрацијата, наместо за проекти кои што ќе донесат бенефит за граѓаните.

Пред три години беа поделени 50 милиони евра од буџетот. Логиката која што се сокри тогаш сепак беше многу видлива - парите кои што не беа потрошени за капиталниte инвестиции беа прераспределени за општините, наводно за да почнат да работат домаќински. Фактички, срамно високиот суфицит на пари непотрошени за капитални инвестиции, се префрлија во бунарот без дно повторно на градоначалниците на СДСМ и на ДУИ.

Пa чии долгови тогаш беа најголеми и требаше да се покриваат, ако не на Охрид заради наталожениот долг од Александар Петрески од СДСМ со преку 15 милиони евра долг, потоа на Тетово на Теута Арифи со преку 10 милиони евра долг, па долгот на Струмица направен од Заев со преку пет милиони евра долг и така натаму.

Сега во изборна година, повторно се турка срамен проект за враќање на долговите. Според Предлог законот, на јавните претпријатија кои што се основани од општините, како што се комуналните претпријатија, водоводите, па за улици, паркинзи и слично, ќе им бидат опростени каматите и репрограмирани долговите кои што ги имаат кон државата и нејзините компании. Според овој предлог закон на СДСМ и на ДУИ, владата ќе ги казнува правните лица кои што нема да направат отпис на долговите на општинските фирми односно на градоначалниците од СДСМ и од ДУИ. И внимавајте, во законот не се предвидува до која сума на парични средства, ќе отпишуваат долговите. Зошто сега повторно да се покрива долгот на Теута Арифи во Тетово, или на оној неспособниот од Охрид што го пушти статусот на УНЕСКО низ вода? Затоа што за само две години градоначалниците потрошиле околу два милиони евра за набавка на службени возила.

Ако на ова се додаде и оној срамен потег, парите од карго аеродромот кој што не е изграден да се пренаменат за финансирање и реализација на општински наводни проекти, приказната е сосема јасна - локалните власти на СДСМ и на ДУИ служат за вработувања и вдомувања, како милуваат да кажат за корка лепче, а сега власта ќе им ги отпишува долгови и ќе им финансира и гради проекти - наводно изработени од општините - за да се прикаже нивна нереална работа! Во изборна година!

Почитувани,

Ова е срамно и не е ништо подруго од креирање на потемкинови села, лажна слика за работењето на локалните властодршци од СДСМ и од ДУИ.

А, реалноста е дека градоначалниците се закануваат, тепаат, пукаат по полиција, организираат нелегални игри на среќа и добиваат шпорети, вршат терор врз населението - владеат со страв!

Но и на тоа му се гледа крајот!

Во американскиот Сенат почна сослушувањето на кандидатите за министри во кабинетот на Бајден

Американскиот Сенат започнал со сослушување на кандидатите за министерски места во владата на новиот претседател Џо Бајден.

Џенет Јелен, поранешната шефица на Федералните резерви, потврдена за иден министер за финансии е меѓу првите што се појавила пред Комитетот на Сенатот, оној за финансии.

Ентони Блинкен, изборот на Бајден за државен секретар, ќе одговора на прашањата на комитетот за надворешни работи и Лојд Остин како потенцијален министер за одбрана пред воениот комитет.

Комитетот за разузнавање ќе го испита Аврил Хаинс, кој треба да ја преземе националната агенција за разузнавање, а Алехандро Мајоркас треба да стане нов министер за домашна безбедност.

Комитетите ги испитуваат кандидатите, но тие се потврдени од Сенатот со гласовите на сите пратеници, во согласност со американскиот Устав.

Анализа: Имунолошкиот систем го памети коронавирусот најмалку шест месеци

Луѓето можат да се одбранат од втора инфекција со коронавирус најмалку шест месеци по закрепнувањето од првата благодарение на клетките кои се сеќаваат на вирусот, објавија американски и швајцарски научници.

Експертите од Соединетите Држави и Швајцарија ги проучувале клетките на десетици луѓе заразени со коронавирус и откриле дека иако нивните антитела се намалуваат со текот на времето, нивото на Б-клетките (Б-лимфоцитите) останува исто.

Б-лимфоцитите се важен дел од имунолошкиот систем, бидејќи тие се клетки кои се сеќаваат на патогените микроорганизми и во случај на реинфекција го стимулираат имунитетот за да го започне производството на антитела за борба против вирусот.

„Таквиот одговор на Б-клетките е одговорен за заштита од повторна инфекција и е од витално значење за ефективна вакцина“, се вели во студијата објавена во списанието „Nature“.

"Нашето истражување покажа дека меморијата на Б-клетките не опаѓа по шест месеци, туку сосема спротивното - таа продолжува да се развива. Ова укажува на можност поединците кои биле заразени со коронавирус да реагираат брзо и ефикасно на повторното изложување на вирусот", напишале тие.

Нивната студија опфатила 87 лица со потврдена дијагноза на ковид-19, проучени помеѓу еден и шест месеци по инфекцијата.

Активноста на нивните антитела се намалила со текот на времето, но бројот на Б-клетки не се променил. Овој процес треба да предизвика производство на повеќе потентни антитела во случај на втора инфекција.

Колку трае имунитетот по инфекцијата со коронавирус е прашање на кое научниците работат веќе некое време, бидејќи тоа е клучно за предвидување на динамиката на пандемијата.

И додека претходните истражувања веќе откриле дека антителата можат релативно брзо да се распаѓаат, поновите покажале дека и другите делови на имунолошкиот систем, како што се Б-клетките, исто така може да играат улога за подолг имунитет.

Студија објавена во списанието „Science“ овој месец сугерира дека скоро сите поголеми делови на имунолошкиот систем кои можат да препознаат и запомнат нов патоген, продолжуваат да реагираат на вирусот најмалку осум месеци.

притисни ентер