Ковачевски: Кога ќе кажат од Собранието веднаш ќе биде презентиран Договорот со „Бехтел и Енка“ - Канал 5

Македонија

Ковачевски: Кога ќе кажат од Собранието веднаш ќе биде презентиран Договорот со „Бехтел и Енка“

Веднаш штом ќе има известување од Собранието владини претставници ќе го презентираат Договорот со „Бехтел и Енка“ пред пратениците кои поседуваат безбедносен сертификат, изјави денеска премиерот Димитар Ковачевски.

Ковачевски: Кога ќе кажат од Собранието веднаш ќе биде презентиран Договорот со „Бехтел и Енка“

Одговарајќи на новинарски прашања Ковачевски рече дека по барањето што го доставија пратениците го известил претседателот на Собранието дека владиниот тим е подготвен веднаш да го презентира Договорот пред собраниското тело што ќе биде определено.

-Дел од пратениците испратија испратија писмо до Владата да се запознаат со Договорот, јас веќе одговорив до претседателот на Собранието, не знам дали го има примено во неговата архива бидејќи беше на службен пат, во коешто го информирав веднаш исто како што стоеше и во соопштението дека тимот на Владата е подготвен на Комисија или на тело што ќе го определи Собранието веднаш да отиде и да го презентира Договорот пред сите пратениците кои поседуваат безбедносен сертификат. Кога ќе кажат од Собранието, подготвени се веднаш да отидат бидејќи сепак на владините претставници треба да им се каже во која Комисија треба да отидат, изјави Ковачевски, по отворањето на Самитот Македонија 2025.

Прашан дали Јавното претпријатие за државни патишта го доставило Договорот до Јавното обвинителство упати да се побара одговор од овие две институции, а Владата, како што потсети, веќе го задолжи ЈПДП да го достви Договорот до ЈО.

Во коментар за намалените проекции за растот на македонската економија од страна на Светска банка (СБ) премиерот посочи дека секогаш во услови на криза сите меѓународни финансиски институции и аналитички институти ги менуваат претпоставките за економскиот раст, а посочи дека во вакви услуви е особено важен подбрениот кредитен рејтинг на државата.

Коментирајќи ги укажувањата и реакциите за зголемените плати на функционерите Ковачевски повтори дека Владата работи на подготовка на закон за плати во јавниот сектор, со којшто ќе се стави конзистентност и ред во исплатата на платите во државата. Истакна дека и пред одлуката на Уставниот суд со којашто се зголемија платите на функционерите, укажал дека треба да има закон за плати.

- Врз основа на сите инпути од институциите законот ќе биде ставен на јавна расправа, и на ЕНЕР а мислам дека веќе е подготвена и првична верзија и потоа ќе влезе во собраниска процедура каде ќе треба да се изјаснат сите политички партии. Во однос на другите плати веќе се разговара на Економско-социјалниот совет за општиот колективен договор со којшто исто така ќе се стави ред и конзистентност во исплатата на платите на работниците бидејќи сега имаме различни колективни договори со кои на работници со исто ниво на одговорности во различни области им овозможуваат различно ниво на плати. Или кај функционерите имате пратеник со плата од 60.000 денари, а има и секретар или секретарка во одредено регулаторно тело со 90.000 денари плата. Сметам дека е тоа неконзистентно, рече Ковачевски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВЛЕН: ДУИ ја обезвреднува албанската политика

Ова раководство на ДУИ го мрази мнозинството Албанци кое ги испрати во опозиција. 

ВЛЕН: ДУИ ја обезвреднува албанската политика

Нивната деструктивност и нагон за самоуништување зазема загрижувачки размери. Блокираат Закон за правична застапеност и директно работат против еден од темелните принципи на Охридскиот договор. Ова раководство на ДУИ боледува од политичко слепило. Не ја сфаќаат сопствената одговорност. Со нивното криминално владеење цели 22 години во Владите на СДСМ и ВМРО станаа најлошиот можен претставник на Албанскиот глас. Албанците повеќе не сакаат да бидат претставувани од луѓе кое злоупотребувале и проневериле ЕУ фондови и не им обезбедиле на граѓаните чиста вода за пиење.

Албанците нема никогаш повеќе да се идентификуваат со ова нереформирано ДУИ кое е директно одговорно за обезвреднување на Албанската политика. За да се спасат од кривична одговорност за нивното коруптивно поведение во последните Влади на СДСМ, малата група околу Ахмети се нуди политички да одработи ВМРО да освои повеќе од 60 пратеници на следните парламентарни избори.

Обидот да се создава лажна слика дека правата на Албанците се загрозени само затоа што ДУИ не е коалиционен партнер и во оваа Влада е свесно и со умисла одработување за политичките интереси на Македонската десница и предавство на Албанската кауза, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Скопје памети, 63 годишнина од земјотресот, во чест на жртвите со благодарност за солидарноста

Денес Скопје се сеќава на катастрофалниот земјотрес од 26 јули 1963 година, ден што засекогаш го промени ликот на градот, но не и духот на неговите жители.

ВМРО-ДПМНЕ: Скопје памети, 63 годишнина од земјотресот, во чест на жртвите со благодарност за солидарноста

Во чест на оние што ги загубија животите, со почит кон преживеаните и со благодарност до сите што помогнаа Скопје повторно да се издигне, денес на 63 годишнината, се поклонуваме пред историјата што нe научи на солидарност, храброст и човечност.

Во овие моменти со пиетет им оддаваме почит на сите загинати, се поклонуваме пред храброста на преживеаните и со благодарност се потсетуваме на несебичната помош што пристигна од целиот свет.

Благодарение на единството, човечноста и меѓународната солидарност, Скопје не само што беше обновено, туку стана препознатливо како град на солидарноста, симбол на надежта, отпорноста и вербата во подобрата иднина.

Нашата обврска денес е да го чуваме тоа наследство. Да градиме институции што се грижат за граѓаните, да вложуваме во безбедност, отпорност и развој и да негуваме општество во кое солидарноста, единството и меѓусебната почит ќе бидат темел на секој напредок.

Нека споменот никогаш не избледи, а пораката за единство и надеж продолжи да живее во секоја генерација.

Скопје памети. Скопје не заборава, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Најсилен тајфун досега ја погоди Кина- над 710.000 луѓе се спасуваат од разорното невреме (ВИДЕО)

Повеќе од 710.000 луѓе се евакуирани од јужната кинеска покраина Гуангдонг поради разорниот тајфун Хонгси, познат и како Ноул, објавија кинеските медиуми. 

Најсилен тајфун досега ја погоди Кина- над 710.000 луѓе се спасуваат од разорното невреме (ВИДЕО)

Природната катастрофа го погоди регионот рано утрово, со ветрови од 45 метри во секунда.

Најголемиот број евакуирани лица дојде од урбаните области Хуиџоу и Шанвеј, каде што 205.000 и 192.000 луѓе беа привремено раселени, соодветно. Покраинскиот штаб за контрола на поплави и суша претходно објави евакуација на дополнителни 340.000 жители, според „Нанфанг дејли“.

Фронтот на бура продолжува да се движи кон север на Кина, постепено губејќи ја силата. Сепак, кинеските метеоролози предупредуваат на можноста за обилни дождови во покраините Гуангдонг, Џијангси и Хунан.

Тајфунот се упати кон копното во близина на градот Пингхај, во округот Хуидонг, околу 3:50 часот наутро, носејќи максимални одржливи ветрови. Во очекување на пристигнувањето на тајфунот, покраинските власти прогласија вонредна состојба и го подигнаа нивото на тревога на највисоко ниво.

За да се одговори на кризата што е можно поефикасно, покраинската администрација за комуникации распореди 2.178 екипи за итни поправки, опремени со 7.060 лица, 47 возила за итни комуникации, 461 сателитски телефон и речиси 1.702 километри резервен оптички кабел.

Покраинскиот оддел за транспорт распореди 14 сообраќајни екипи и 134 екипи за итни интервенции, со вкупно 3.223 лица.

Тагови: Кина тајфун

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер