Култура

Костадиновска-Стојчевска од Париз: Уметноста преку „Отворен Балкан“ нè зближува со Европа

На изложбата, која е под покровителство на министерствата за култура на трите балкански држави, се обрати министерката за култура Бисера Костадиновска-Стојчевска.

Синоќа во Културниот центар на Србија во Париз, во присуство на многубројна публика од јавниот живот и од дипломатскиот кор, највисоките претставници од амбасадите на Македонија, Албанија и на Србија, на уметници, беше отворена изложбата „Супстрати“ – заеднички проект на иницијативата „Отворен Балкан“.

На изложбата, која е под покровителство на министерствата за култура на трите балкански држави, се обрати министерката за култура Бисера Костадиновска-Стојчевска, која со своите колешки, министерките Елва Маргарити и Маја Гојковиќ, ја потврди идејата за афирмација на целите на Иницијативата за креирање европски држави на Балканот, а во тоа културата има силно влијание.

– „Супстрати“, збор што јас го толкувам како сојуз во креативноста, е насловот под кој вечерва се собравме во Градот на Светлината за да го испочитуваме дијалогот меѓу уметниците, да се восхитуваме на заедничкото творештво и да додадеме агол на светлината, не за да го засилиме одразот на сенките на Балканот туку за да ја извадиме од сенка сета убавина на културите на Балканот. Зашто Балканот е плодна почва за нашето културно стебло, за чија здравост сведочи раскошната крошна на која еднакво ѝ е неопходна светлината –рече министерката Костадиновска-Стојчевска.

Таа ѝ се заблагодари на кураторката Клаудија Паецолд за извонредната замисла, како и на авторите: Кристина Пулејкова, Нина Жељковиќ и Дриант Зенели, кои, како што рече, го бараа и проникнаа во најдоброто во културата на соседот.

Министерката за култура Костадиновска-Стојчевска им се заблагодари на уметниците зашто, како што вели, тие отидоа длабоко во историјата, за да ни овозможат повторно да се сретнеме во овој миг и да продолжиме кон иднината – европската, демократската, хуманата .... – зашто тоа е патот што го посакуваме, и додаде:

– Цврсто верувам дека силата на културата, соработката, креативноста ќе ја израснат и политичката соработка. Културата секогаш нè издигнува на ново, поквалитетно ниво. Затоа и овојпат не изостана поддршката на трите министерства за култура – српското, албанското и македонското. И тука сме, во прекрасните простории на Културниот центар на Србија во Париз, во духот и на иницијативата „Отворен Балкан“. „Отворен Балкан“ не значи дека сите прашања на Балканот се затворени. Но, да се отвори Балканот, тоа веќе е прашање на далековидост и широчина. Процесот е започнат, а „Супстрати“ е доказ за цврстината на стеблото што го негуваме. Глупаво е да го искушуваме врежувајќи иницијали, како лоши пораки, на неговата кора – заврши Костадиновска-Стојчевски на отворањето на големиот настан за балканската култура во европски рамки.

Министерката за култура на Албанија, Елва Маргарити, зборуваше за Балканот како раздвижен и помалку разбрануван регион, каде што силно се дискутира за потеклото на некоја песна, но истовремено сите продолжуваме да ја пееме истата песна, да ги раскажуваме заедничките легенди, да свириме на истите инструменти. Таа кажа дека оваа изложба како регионален проект, и уметноста воопшто, е причината зошто сме сите овде заедно.

– Културата, како што покажа историјата, отсекогаш била мост на комуникација и поврзување меѓу народите. Оваа изложба е, исто така, добар пример за слободното движење на уметниците на Балканот и покажува дека тие се дел од еден културен мозаик многу поголем од локалниот. Нашите влади се посветени на активна поддршка и олеснување на овој регионален културен мозаик преку билатерални договори – порача Маргарити.

Министерката за култура на Србија, Маја Гојковиќ, зборуваше за важноста на оваа изложба, која е резултат на само една година работа по потпишувањето на Меморандумот за соработка на „Отворен Балкан“ во Охрид.

– Покажавме дека културата не познава граници, ниту е роб на предрасудите и дека таа лесно ги надминува сите бариери. Проектот „Отворен Балкан“ и сето она што досега е постигнато благодарение на него се заеднички напор кон создавање нова, секако подобра слика за нашиот регион во светот – рече Гојковиќ.

Изложбата „Супстрати“ се фокусира на современата уметност и ги нагласува фундаменталните врски меѓу трите земји во рамките на „Отворен Балкан“. Поставката, која е доказ за трансформациската моќ на уметноста и културата во обединувањето на нациите, ќе биде отворена до 12 август.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Шокантни податоци за намалувањето на бројот на првачиња: Годинава ќе има околу 3.000 помалку од лани, соопшти Јаневска

Пред почетокот на новата учебна година, загрижува драстичниот падот на бројот на запишани првачиња.

Според првичните податоци, во училишните клупи оваа година ќе седнат околу 4.900 првачиња помалку во споредба со лани кога имало 17.250 првачиња.

Иако оваа бројка не е конечна, бидејќи можноста за упис се уште трае, прогнозите на министерката Весна Јаневска се дека нема да се запишат уште повеќе од две илјади, за што смета дека е сериозен показател за негативните демографски трендови во земјава.

Министерката за образование и наука проф. д-р Весна Јаневска и директорката на Државниот испитен центар, Даниела Јовчевска Михајловска изразија задоволство од реализацијата и постигнатите резултати од полагањето на државната матура во јунскиот испитен рок, со средна оценка 3.66. Просекот е речиси идентичен со ланскиот кога изнесуваше 3,69. Најголемо знаење матурантите покажале на полагањето на странските јазици.

На 226 ученици им бил поништен тестот и тие ќе полагаат повторно во август. Дел се фатени како препишуваат на лице место, а дел е утврдено дека препишувале откако им се прегледани тестовите и биле најдени идентични раскази.

Августовската испитна сесија ќе се реализира во четири градови, на 12 август кога се полага странски јазик, а на 14 август е полагањето по мајчин јазик. Полагањето на интерните испити и одбраната на проектните задачи ќе се одвива во периодот од 17 до 24 август.

Македонија

Онколошките пациенти на протест: Не бараме привилегии, туку навремена и континуирана терапија

Не бараме привилегии, туку навремена терапија!

Со ваква порака упатена од пред Министерството за здравство Зружението на онколошки пациенти „ХЕМА – ОНКО“ ја најави новата борба за системско решение на старите проблемите со терапиите и повторно побараа лековите да не доцнат ниту еден ден за да не бидат оставани во неизвесност и страв. Од Здружението порачаа дека иако дел од терапиите наменети за канцер на дојка, простата и дебело црево, што десетина дена не беа достапни на Онкологија веќе пристигнале на Клиниката бараат да се стави крај на праксата пациенти да бидат враќани од Онкологија со изговор „денес, за вас, нема терапија!“.

-Не постојат клинички студии на кои што стои дека ние сега можеме да одложиме терапијата за 10 дена, за две недели или месец дена. Оваа држава во изминатите пет години, постојано, ги држи онколошките пациенти во некаква неизвесност со терапијата без оглед на тоа кој е Министер и кој е власт. Не бараме привилигии, туку она што го сакаме терапијата да е навремена и континуирана,- - Ана Марјановиќ – здружение “ХЕМА-ОНКО“.

Од Министерството за здравство информираат дека пациентите оствариле средба со заменик-министерот Јовица Андовски, и оти се работи на подобрување на достапноста на лековите.

-На средбата беше посочено дека е обезбедено рекордно зголемување на буџетот за Онкологија и дека се работи на подобрување на достапноста и континуитетот на терапијата. За лековите кај кои беа регистрирани доцнења веќе се преземени конкретни мерки. Дел од испораките се реализирани, за дел се склучени нови договори, а за останатите се обезбедуваат привремени решенија до целосно нормализирање на состојбата,- - Министерство за здравство.

Од Здужението „ХЕМА-ОНКО“ јавно побараа онколошките пациенти да не бидат злоупотребувани во дневно – политички цели и да не бидат дел од партиските препекувања. А, посочија и дека проблемите со терапијата, превенцијата, големиот број пациенти и скапите лекови нема да се решат со краткорочни туку со долгорочни мерки- подобри закони и процедури за набавка, подобра дистрибуција и соработка со добавувачите.

Македонија

Репоратажа од Гостивар: Нервоза меѓу граѓаните, кризата со водата продолжува

Пружени раце и надеж за чиста питка вода. Она што вообичаено го имаме со едно вртење на чешмата, за гостиварчани деновиве значи чекање во редици и неизвесност.

Во услови на високи летни температури, пунктовите за вода, кои низ градот ги има околу десетина и најчесто се поставени во близина на поважни локални институции, станаа нова секојдневна станица за жителите – место каде доаѓаат по најосновната потреба, вода за пиење и готвење.

Но, граѓаните реагираат дека дистрибуцијата не секогаш се одвива според очекувањата. Велат дека времето на пристигнување на водата се менува од ден на ден, а на дел од пунктовите, според нив, понекогаш воопшто ја нема. Животот со ограничени количини вода за пиење и готвење, среде лето, станува се потежок, а количините што ги добиваат, велат тешко ги задоволуваат потребите на едно домаќинство.

Кризата со водата не го промени само секојдневието на домаќинствата. Последиците ги чувствуваат и угостителите, кои велат дека работат под отежнати услови, со дополнителни трошоци за обезбедување вода, но и со намален број гости и промет.

Додека граѓаните и бизнисите се обидуваат да се снајдат во новите услови, од Советот за превенција при Општина Гостивар велат дека состојбата редовно се следи, а локалниот кризен штаб постојано заседава и ги разгледува проблемите со кои се соочуваат жителите. Оттаму посочуваат дека вода се обезбедува преку институциите, но и преку општествено одговорни компании. Велат дека потребите се дополнително зголемени во летниот период, поради враќањето на иселениците во Гостивар за време на одморите.

Четири населени места во гостиварско и натаму се соочуваат со проблеми во водоснабдувањето. Дел немаат вода ниту за техничка употреба, а дел имаат недоволен притисок. Од Општината велат дека овие населени места дополнително се снабдуваат и со цистерни, а со цистерни, како што посочуваат, се обезбедуваат и дел од потребите на болницата.

Тагови: Гостивар