Костадиновска-Стојчевска од Давос: Ќе иницирам формирање Оддел за „Баукултур“ - Канал 5

Култура

Костадиновска-Стојчевска од Давос: Ќе иницирам формирање Оддел за „Баукултур“

Ќе иницирам формирање Оддел за „Баукултур“ во рамките на Министерството за култура.

Костадиновска-Стојчевска од Давос: Ќе иницирам формирање Оддел за „Баукултур“

Министерката за култура, Бисера Костадиновска-Стојчевска, на втората Конференција на министри за култура „Алијанса Баукултур“, истакна дека за неа „Баукултур“ е неопходност, а споделените искуства и заедничката акција се вистинскиот пат до добрите решенија.

– Во „Баукултур“ гледам силен мотив да иницирам формирање на Оддел за Баукултур во рамките на Министерството за култура и тоа да го реализираме во најкраток рок. Да биде оддел сѐ додека не изградиме култура на живеење која ќе биде задоволство да се живее, а не подвиг да се преживее – нагласи Костадиновска-Стојчевска.

Министерката во дискусијата, која ја предводеше Алаин Берсет, претседател на Швајцарската Конфедерација, посочи дека излезот од економската криза и потрагата по евтина енергија има големо влијае врз културата на нашите животи, на културните навики, во промената и изгледот на нашите домови, но и на животната околина.

Во тој контекст министерката додаде дека Владата, соочена со сите предизвици од почетокот на оваа декада, не само што се бори за да се надминат кризите со што поблаги последици и врз стандардот на граѓаните и за опстанок на компаниите, туку и финансиски ги поттикнува и ги охрабрува иновативните решенија за општо добро.

-Владата ги повикува на партнерство јавниот и приватниот сектор, заедно со граѓанскиот сектор да реализираат продуктивна и транспарентна соработка. За оваа година, Владата издвои значителни средства за развивање на инфраструктурата, со должно внимание и кон инфраструктурата во руралните предели зашто здравите прехранбени продукти и здравата животна средина и за нас стануваат сѐ поголеми приоритети, еднакви на прашање за опстанок – рече Костадиновска-Стојчевска пред европските колеги во Давос.

Во рамките на оваа значајна конференција, министрите за култура на земјите членки и набљудувачи на Советот на Европа, меѓувладини организации, стручни и граѓански организации, како и лидери и експерти од областа на финансиите, недвижностите и градежништвото, дискутираат за влијанието на пазарот и на бизнисот врз обликувањето на висококвалитетна животна средина, со културата како составен дел.

Присутните претставници на министерствата, организациите, здруженијата и компаниите кои се учесници на Конференцијата се поканети, како основачки членки, да се приклучат на новоформираната „Aлијанса Баукултур“, која ќе биде основана на Конференцијата.

Во јануари 2018 година, на Првата министерска конференција во Давос, министрите за култура ја усвоија Декларацијата од Давос „Кон висококвалитетен Баукултур за Европа“, а во рамките на оваа, Втора министерска конференција, дополнително ќе бидат прецизирани општите цели на Декларацијата.

Конференцијата оваа година се однесува на улогата на индустријата за градежништво и недвижнини, сметајќи го „Баукултур“ како општо добро. Конференцијата ги истражува можностите за подобра соработка меѓу властите, граѓанското општество и индустријата за градежништво и недвижнини преку иницирање континуирана размена и вмрежување.

Министерство за култура

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Инфлуенсерка станува хит поради сличност со Халанд, фудбалерот ја контактирал

Видео во кое инфлуенсерка покажува како да ја плете косата неочекувано стана вирален хит поради едно нешто што гледачите не можеа, а да не го забележат. 

Инфлуенсерка станува хит поради сличност со Халанд, фудбалерот ја контактирал

Многумина се согласија дека неверојатно личи на норвешкиот фудбалер Ерлинг Халанд. Видеото собра повеќе од 27 милиони прегледи, а самиот фудбалер се вклучи во целата приказна.

Ерлинг Халанд е едно од најпознатите имиња во светскиот фудбал, но овој пат не привлече внимание поради своите голови и натпревари, туку поради споредбата што се прошири на социјалните мрежи. Имено, интернетот ја пронајде неговата наводна „женска верзија“.

Сè започна кога креаторката на содржини на Инстаграм, Ема Кејт Вилман, објави навидум обично видео на Инстаграм во кое покажува како да се направи француска плетенка. Наместо да се фокусираат на фризурата, следбениците почнаа да забележуваат нешто сосема различно во коментарите.

Многумина напишаа дека тоа ги потсетува на Халанд, наведувајќи ја нејзината руса коса, црти на лицето и изрази. Споредбите станаа толку распространети што стигнаа дури и до самиот фудбалер.

Фудбалерот исто така реагираше

Халанд исто така реагираше на виралното видео, кое оттогаш собра повеќе од 27 милиони прегледи и илјадници коментари. Тој се придружи на шегата и остави краток коментар од само еден збор: „Здраво“, придружен со емотикон со палец нагоре.

Во друго видео, Ема Кејт Вилман се осврна на ненадејното внимание што го доби поради споредбата со фудбалерот.

Таа додаде дека нејзиниот број на следбеници драстично се зголемил поради тоа. „Веројатно денес добив помеѓу три и четири илјади нови следбеници на Инстаграм“, објасни таа.

Сепак, таа не беше баш воодушевена од споредбата. „Прво на сите, најдобрата споредба што можете да ми ја дадете е машки фудбалер. Навистина? Можеме ли да се вратиме кога рековте дека личам на Зара Ларсон? Без навреда за Халанд, но јас сум само обична девојка од Чарлстон“, се пошегува таа.

„Одамна изгубената сестра на Халанд“

Видеото предизвика бројни реакции, а многумина продолжија да се шегуваат за нивната сличност.

„Одамна изгубената сестра на Халанд“, напиша еден корисник. Друг се пошегува: „Каде и да одам, го гледам неговото лице“.

„Самиот си направи бебе“, коментираше трет корисник, додека четвртиот додаде: „Ти си како поубава верзија на неговата помала сестра“.

Надвор од социјалните медиуми, Халанд продолжува да привлекува внимание од јавноста со своите фудбалски настапи. Норвешкиот напаѓач е еден од најдобрите стрелци во светот со години, а неговите настапи редовно се појавуваат во насловните страници.

Извор: Индекс.хр

Тагови: Халанд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Meta“ ги напаѓа „Amazon“ и „Google“: Ќе го продава својот вишок капацитет за вештачка интелигенција

„Meta“ планира да го продава вишокот капацитет за вештачка интелигенција преку развој на нови  „cloud“ услуги.

„Meta“ ги напаѓа „Amazon“ и „Google“: Ќе го продава својот вишок капацитет за вештачка интелигенција

Американската технолошка компанија „Meta“ развива бизнис во областа на услугите за облак-компјутери со цел да им продаде на компаниите вишок компјутерски капацитет наменет за развој на вештачка интелигенција, објави Блумберг.

Веста имаше позитивно влијание врз акциите на „Meta“, кои скокнаа за повеќе од 10 проценти во текот на денот, додека акциите на компаниите „CoreWeave“ и „Nebius“, специјализирани за изнајмување инфраструктура за вештачка интелигенција, забележаа двоцифрени загуби поради очекувањата дека „Meta“ би можела да стане нивен конкурент, но и да ја намали употребата на нивните услуги.

Како дел од новиот бизнис, „Meta“ би им понудила на корисниците пристап до својот компјутерски капацитет и инфраструктура за развој на вештачка интелигенција, со што би влегла во директна конкуренција со водечките светски даватели на „cloud“ услуги, вклучувајќи ги „Amazon Web Services“, „Microsoft Azure“ и „Google Cloud“.

Извор: Б92

Тагови: Meta

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

НАТО го избира шведскиот Сааб пред американскиот Боинг за набавка на авиони

НАТО денес објави план вреден околу 4,5 милијарди долари за купување до 10 авиони за надзор „Saab GlobalEye“ .

НАТО го избира шведскиот Сааб пред американскиот Боинг за набавка на авиони

НАТО денес објави план вреден околу 4,5 милијарди долари за купување до 10 авиони за надзор „Saab GlobalEye“ за да ги замени своите застарени авиони за рано предупредување „AWACS“, давајќи му на шведскиот систем шанса пред конкурентското решение од американскиот производител на авиони „Boeing“.

Генералниот секретар на НАТО, Марк Руте, рече дека замената на авионите од Системот за воздушно предупредување и контрола (AWACS) од времето на Студената војна ќе „обезбеди дека... можностите за надзор и рано предупредување на НАТО ќе останат силни веродостојни и во наредните децении“, рече тој за време на настан на самитот на НАТО.

Притисок врз сојузниците

Руте се трудеше да го нагласи меѓународниот карактер на системот, кој е монтиран на авионите „Bombardier Global 6500“, додека американскиот претседател Доналд Трамп ги притиска сојузниците да трошат повеќе за одбрана и да купат повеќе американска опрема.

„Како и неговиот претходник, „GlobalEye“ е трансатлантска програма водена од европската и канадската индустрија со значителен придонес од американската индустрија. Тоа е вистинска приказна за успех, повторно, постигната во рамките на НАТО“, им рече тој на претставниците на алијансата.

Испорака 2030 година

„GlobalEye“ е конкурент на „E-7 Wedgetail“ на „Boeing“, авион за рано предупредување и команда и контрола базиран на авионот „737“. Извршниот директор на „Saab“, Микаел Јохансон, ја процени набавката на до 4,5 милијарди долари и им рече на новинарите дека шведската компанија би можела да започне со испораките во 2030 година доколку наскоро се потпише договор.

Тој додаде дека конечната цена не е договорена, но дека може да биде помеѓу 400 и 450 милиони долари по авион. Конечниот број на авиони сè уште не е познат бидејќи се водат дискусии околу тоа дали да се нарача поскапа верзија способна за полнење гориво од воздух. Сегашната флота на „AWACS“ може да се полнат со гориво во лет, што се покажа како вредно за мисиите во близина на Украина.

Извор: Индекс.хр

Тагови: НАТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер