Костадиновска-Стојчевска на увид на реконструираната сала во Спомен-домот АСНОМ во Делчево - Канал 5

Култура

Костадиновска-Стојчевска на увид на реконструираната сала во Спомен-домот АСНОМ во Делчево

Министерката за култура Бисера Костадиновска-Стојчевска  во рамки на денешната работна посета на Делчево направи увид на реконструираната сала во Спомен-дом АСНОМ .

Костадиновска-Стојчевска на увид на реконструираната сала во Спомен-домот АСНОМ во Делчево

Министерката за култура Бисера Костадиновска-Стојчевска во рамки на денешната работна посета на Делчево направи увид на реконструираната сала во Спомен-дом АСНОМ како резултат на проектот поддржан преку Програмата за користење капитални дотации до единиците на локалната самоуправа на Министерството за култура.

Проектот е со вкупна вредност од 10,6 милиони денари од кои Министерството за култура инвестира 9.6 милиони денари, а останатите средства ги обезбеди Општина Делчево.

Министерката истакна дека со инвестициите во културните објекти се обезбедуваат услови за негување на традицијата, но и за привлекување на младите да ја продолжат традицијата и негувањето на културните обележја на Пијанечкиот крај.

-Делчево добива место со сите современи услови кои ги бараат современите културни текови. Реализацијата на проектот е само уште една потврда за приоритетите на Владата и на Министерството за култура за грижата за културата и за поттикнување на локалниот културен развој. Така ќе продолжиме и следната година и ги повикувам и останатите локални самоуправи да аплицираат со проекти, по примерот на општина Делчево, нагласи Костадиновска Стојчевска најавувајќи дека ќе бидат разгледани опциите за доуредување на големата сала од Спомен дом АСНОМ.

Градоначалникот Горан Трајковски изразувајќи благодарност до министерката Костадиновска-Стојчевска и Министерството за култура за поддршката на Делчево, истакна дека за Делчево реализацијата на проектот е по многу нешта значаен, бидејќи салата не била реконструирана од нејзиното отворање во 80-тите години на минатиот век, соочувајќи се со сериозни проблеми при организирањето на секој настан, а поради лошата состојба во која се наоѓала салата, многу настани веќе биле одржувани во истата.

-Денес веќе имаме друга слика - преку проектот: инсталирана е акустична и топлинска изолација, реконструирана е сцената, ново осветлување, озвучување и затопливање, изградени се помошни простории до сцената, наменети за гардероби и опрема и реквизити, изградена е рампа за лица со попреченост и, за прв пат, обезбедуваме пристап на овие лица на културните настани во оваа сала; изградени се санитарни чворови, извршена е рехабилитација на постоечкиот под на фоајето, реконструкција на постоечкиот плафон, замена на внатрешните врати и прозорци. Во втората фаза, што е обврска на општината, ќе набавиме топлотни пумпи за греење и нови столици, истакна Трајковски.

Министерката и градоначалникот остварија средба и со претставниците од институциите и здруженијата од областа на културата во Делчево кои добиваат финансиска поддршка од Минситерството и од Општина Делчево, а го проследија и дефилето на ЗГФ„Копачка“, организирано по повод јубилејот 75 години од формирањето на фолклорното друштво.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма на израелскиот аеродром: Исчезна двегодишно дете, пронајдено на лента за багаж

Двегодишно дете накратко исчезна на меѓународниот аеродром Бен Гурион во Израел откако се качило на лента за багаж и пешачело неколку метри до местото каде што се сортираат куферите пред да се товарат во авиони.

Драма на израелскиот аеродром: Исчезна двегодишно дете, пронајдено на лента за багаж

Инцидентот се случил во четврток, кога семејство кое се подготвувало за лет за Ларнака, Кипар, се соочило со исчезнувањето на своето дете, објави денес Канал 12. Откако родителите не успеале да го пронајдат детето, ја известиле полицијата, која започнала потрага по исчезнатото дете на аеродромот.

Двегодишното дете било пронајдено неколку минути подоцна на лента за багаж, каде што се сортираат куферите пред да се товарат во авиони.

Аеродромските власти соопштија дека детето е пронајдено неповредено и во добра состојба, откако пешачело само неколку метри на лентата.

Во соопштението се наведува и дека детето не било под надзор на своите родители во времето на инцидентот. Израелските аеродромски власти започнале истрага за да ги утврдат околностите на инцидентот, а според извештаите на медиумите, полицијата ја разгледува и можноста за покренување истрага.

Извор: Б92

Тагови: аеродром

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хаос на аеродромот во Мајами: Судир на два авиона, има повредени ВИДЕО

Товарен авион на „UPS“ и авион на „Copa Airlines“ се судрија на пистата на меѓународниот аеродром во Мајами во текот на ноќта, при што беа повредени две лица.

Хаос на аеродромот во Мајами: Судир на два авиона, има повредени ВИДЕО

Во судирот учествуваа „Boeing 767“ на „UPS“ и „Boeing 737“ на „Copa Airlines“, објави „CBS“.

„Околу 21:15 часот, авион што пристигнуваше и се повлекуваше се судрија на раскрсницата на две писти“, вели Грег Чин, директор за комуникации на меѓународниот аеродром во Мајами.

Чин вели дека противпожарната служба на Мајами им пружила помош на двајца пациенти на местото на настанот за полесни повреди и дека не им бил потребен медицински превоз, како и дека летовите биле пренасочени кон други писти, па судирот не влијаел врз работењето на аеродромот.

Карго авионот на „UPS“ требало да полета од Мајами до Богота, Колумбија, а авионот на „Copa Airlines“ слетал од Панама Сити, Панама.

Тагови: авион Мајами

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Експлозија во Ормускиот теснец: Танкери дигнати во воздух (ВИДЕО)

На двата танкери избувнале експлозии и голем пожар.

Експлозија во Ормускиот теснец: Танкери дигнати во воздух (ВИДЕО)

Два танкери за нафта се запалија откако наидоа на подводни мини во јужниот дел од Ормускиот теснец во текот на ноќта, соопштија поморските сили на Иранскиот корпус на Исламската револуционерна гарда (ИРГЦ), велејќи дека бродовите се обиделе тајно да поминат низ неовластена рута.

ИРГЦ во соопштението наведува дека танкерите претходно ги исклучиле своите системи за навигација и автоматска идентификација на бродови во обид да го сокријат своето движење низ Ормускиот теснец.

Според Иранскиот корпус на револуционерна гарда, откако наидоа на морските мини, на двата танкери избувнаа експлозии и голем пожар.

Во соопштението се додава дека уште два танкери за нафта, кои исто така се обиделе да поминат низ неовластена рута, дејствувале по предупредувањата од центарот за контрола на поморскиот сообраќај на ИРГЦ и се вратиле кон Персискиот Залив.

Тагови: Ормускиот теснец

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер