Костадиновска Стојчевска: Културата да не се гледа низ призма на политиката - Канал 5

Култура

Костадиновска Стојчевска: Културата да не се гледа низ призма на политиката

Членовите во комисиите се професионалци, културата да не се гледа низ призма на политиката.

Костадиновска Стојчевска: Културата да не се гледа низ призма на политиката

Министерката за култура Бисера Костадиновска Стојчевска на денешниот брифинг со новинарите во однос на обвинувањата за резултатите од годишниот конкурс за поддршка на проекти од национален интерес во културата, рече дека ниту еден од критериумите за избор на проекти нема партиски основ. Таа е децидна дека сите членови во комисиите се професионалци во својата работа, а за секој што е незадоволен, жалбената постапка е во тек и таа треба да се искористи како механизам.

- Најодговорно тврдам дека сите во комисиите се професионалци во она што го работат, сите дадоа свој допринос годинава да ја имаме оваа програма, рече Костадиновска Стојчевска.

Таа информираше дека комисиите од 2017 година наваму се објавуваат јавно и транспарентно, а постои и ситуација кога самите корисници се обиделе да стапат во контакт со комисиите за одредено објаснување. Членовите на комисиите се објавуваат на крај за да се избегне можноста за влијаење врз нивните одлуки, посочува министерката.

Во Министерство за култура, како што рече, се формираат стручни комисии кои најчесто се составени од пет члена кои се дел од хуманистичкото или општественото подрајче.

-Тие комисии кога се прават интерно во Министерството за култура или во соработка со надворешни соработници се трудиме во последните четири години да не се повторуваат. Тоа значи дека во последните четири години нема ниту еден член кој што се повторува во тековната година да е член на таа Комисија, рече министерката.

Таа додаде дека членовите на комисии потпишуваат три вида на изјави, првата е изјава за немање судир на интереси, втората е изјава за тајност и треатата е изјава за тоа дека се она што ќе го потпишат стојат зад тој избор.

Министерката уверува дека секоја Комисија точно направи распределба на средствата што е она што му треба на еден фестивал, театар, физичко лице, да учествува онаму каде што треба да учествува.

Како што напомена, секој корисник кој секоја година ревносно ги користи средствата од Министерството за култура за финасирање на проекти од национален и јавен интерес знае дека постои жалбена постапка. Таа е во тек и треба да се искористи како механизам. Жалбената постапка е активна 15 дена од добивање на решението. За таа жалбена постапка се предвидени средства во буџетот на Министерството за култура во секоја дејност посебно.

Како што рече, при изборот на проекти, членовите се водат по начелата на континуитет, традиција, јубилеј, нови сценски простори, подобрување на животот на заедницата..

Костадиновска Стојчевска посочи дека добиле и меилови за откажување на проекти од лица кои наведуваат дека не сакаат нивното име да биде наведено во партиско политичка пропаганда.

-Одбивам политиката да биде дел од културата, потенцираше министерката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре пеколно жешко со температура над 40 степени, невреме во недела попладне

Утре времето ќе биде сончево и многу топло со мала до умерена локална облачност, соопштуваат од УХМР.

Утре пеколно жешко со температура над 40 степени, невреме во недела попладне

МАКСИМАЛНА ТЕМПЕРАТУРА (во оС)

24 Попова Шапка, 30 Крушево, Лазарополе, 33 Претор, 34 Берово, Маврови Анови, 35 Охрид, 36 Крива Паланка, Битола, Прилеп, 37 Виница, 38 Тетово, Струмица, Гевгелија, 39 Штип, Кавадарци, Демир Капија, 40 Скопје-Петровец, Скопје-Зајчев Рид, Велес.

ВРЕМЕТО ДЕНЕСКА И ДО КРАЈОТ НА ДЕНОТ

Времето денеска беше сончево и многу топло со мала до умерена локална облачност. Дуваше слаб до умерен ветер претежно од југоисточен правец.

Попладнево ќе се задржи сончево и топло со мала до умерена локална облачност која до крајот на денот ќе се намали. Во текот на ноќта ќе преовладува ведро и тивко време.

ВРЕМЕТО УТРЕ

Сончево и многу топло со мала до умерена локална облачност. Попладне претежно во планинските региони ќе има услови за пороен дожд и појава на грмежи. Ќе дува слаб до умерен ветер од западен и северозападен правец. Минималната температура ќе биде во интервал од 13 до 21, а максималната ќе достигне од 35 до 41 степен.

Во Скопје, сончево и многу топло со мала до умерена облачност. Ќе дува слаб до умерен ветер од северозападен правец. Минималната температура ќе се спушти до 20, а максималната ќе достигне до 40 степени.

ВРЕМЕТО ВО НАРЕДНИТЕ ДЕНОВИ

Од недела и во следните денови температурата ќе биде во постепено опаѓање. Во попладневните часови ќе има локална нестабилност со пороен дожд, грмежи и засилен ветер. Наместа ќе има услови за невреме со силен ветер и појава на град.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Директорот на ЦУК, Мухамед Али, директно на терен во Никуштак

Директорот на Центарот за управување со кризи, Мухамед Али, моментално се наоѓа директно на терен во селото Никуштак.

Директорот на ЦУК, Мухамед Али, директно на терен во Никуштак

Директорот на Центарот за управување со кризи моментално се наоѓа директно на терен во селото Никуштак, каде заедно со екипите на Територијалната противпожарна единица од Куманово и екипите на Национални шуми, активно ги координира мерките и активностите за справување со пожарот.

На терен се ангажирани 3 противпожарни возила, а во текот на денот се очекува и воздушна интервенција, во зависност од метеоролошките услови.

Директорот Али од терен ја следи состојбата и директно ја координира работата на екипите, со цел навремено локализирање на пожарот, спречување на неговото ширење и заштита на населените места и имотот на граѓаните.

Се повикуваат граѓаните на максимална внимателност и претпазливост, да избегнуваат непотребно движење во погодените подрачја и да ги почитуваат упатствата на надлежните институции, соопштуваат од ЦУК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Спасени 300 лица во Мавританија

Мавританската крајбрежна стража денес соопшти дека повеќе од 300 мигранти, меѓу кои и 40 деца, се пронајдени покрај брегот на земјата, најверојатно обидувајќи се да стигнат до Канарските Острови.

Спасени 300 лица во Мавританија

Тие беа пронајдени ноќта помеѓу среда и четврток и се вели дека се во сериозна состојба, пренесува „Euronews“.

Нивниот дрвен чамец тргнал од Гамбија и превезувал 315 лица, 191 од Сенегал, 123 од Гамбија и едно од Мали, се додава во соопштението.

„Меѓу овие луѓе има мажи, жени и малолетници, вклучувајќи бебиња, кои се во тешка хуманитарна ситуација“, соопшти крајбрежната стража, додавајќи дека тие биле спасени во близина на рибарското пристаниште Нуадибу, економскиот главен град на земјата.

Во последните месеци, стотици мигранти, главно од Сенегал, Гамбија и Мали, беа спасени во мавританските води додека се обидуваа да стигнат до Европа, но стотици загинаа или исчезнаа откако нивните чамци потонаа.

Тагови: Мавританија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер