Костадиновска Стојчевска: Ќе продолжиме да го поддржуваме сите проекти - Канал 5

Култура

Костадиновска Стојчевска: Ќе продолжиме да го поддржуваме сите проекти

Секој проект што сме го поддржувале и финансирале во минатото ќе продолжиме да го поддржуваме и понатаму.

Костадиновска Стојчевска: Ќе продолжиме да го поддржуваме сите проекти

Како министерка се залагам секоја година да имаме повисок буџет. Секој проект што сме го поддржувале и финансирале во минатото ќе продолжиме да го поддржуваме и понатаму, а сме отворени и за нови проекти, порача денеска министерката за култура Бисера Костадиновска Стојчевска.

-Новиот предлог буџет за 2024 година ќе се задржи во рамките на она што веќе го имавме во 2023 година кога дадовме одлична поддршка на сите проекти во делот на културата и тоа не само на националните установи, туку и на другите корисници. Се надевам дека националните установи ќе реализираат и проекти од сопствени средства, рече Костадиновска Стојчевска во одговор на новинарско прашање при денешната посета на Градската библиотека „Гоце Делчев“ во Штип.

Нагласи дека и покрај предизвиците од ковид, енергетската и безбедносната криза во изминатиот период националните установи успеаја да ги реализираат своите проекти.

За забелешката од некои општини дека Министерството за култура не се однесува еднакво кон сите локални самоуправи, порача дека тоа зависи од начинот на кој општината ја вреднува културата и на кое ниво е свеста на општинската администрација за вложувањата во култура.

Посочи дека годинава преку ставката Капитални дотации до единиците на локалната самоуправа се инвестирани околу 40 милиони денари со кои беа опфатени општините Кратово, Струмица, Крушево, Валандово и Делчево.

-Покрај програмски инвестираме и во капитални инвестиции. Се што пристигнува до Министерството за култура се вреднува. Колку ќе се потруди општината толку ќе добие. Ако општината ја вреднува културата знае како да ја направи својата апликација, рече Костадиновска Стојчевска и додаде дека има национални установи кои работат многу подобро од локалните самоуправи.

Прашана дали Макфест ќе добие соодветна поддршка од Министерството во наредната година, Костадиновска Стојчевска рече дека за апликациите за 2024 година решаваат стручни комисии како и секоја друга година и додаде дека не може да каже однапред дали фестивалот ќе добие поддршка, бидејќи тоа зависи од квалитетот на апликацијата.

-Секоја година апелирам да се прават квалитетни пријави кои соодветствуваат на манифестацијата која се организира, бидејќи стручните комисии одлучуваат соодветно на квалитетот на апликацијата. Не можам да разберам зошто градоначалникот на општина Штип минатата година не ја прифати помошта, односно не го потпиша договорот кој му беше пратен за финансирање на фестивалот Макфест. Ние добро ја знаеме вредноста на Макфест и не знам кој му беше мотивот, прецизира Костадиновска Стојчевска.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Петмина тинејџери загинале возејќи во спротивен правец за да снимат видео на Тик-Ток

Пет тинејџери загинале во Ирска додека се снимале себеси за Тик-Ток како возат во спротивна насока на автопат.

Петмина тинејџери загинале возејќи во спротивен правец за да снимат видео на Тик-Ток

Трагичната сообраќајна несреќа, која повторно го отвори прашањето за опасниот тренд на објавување снимки од диво возење на социјалните мрежи, се случила на 16 август, кога момчињата на возраст од 15 до 18 години маскирани со автомобил „БМВ“ се обидувале да предизвикаат полициска потера.

Нивиното возило се судрило со „Хјундаи“ во кој патувале три сестри и едно дете, кои биле сериозно повредени.

Тагови: Ирска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Пропаднаа преговорите САД-Канада: Трамп ги активира царините од 50%, Карни најави царини „долар за долар“

Соединетите Американски Држави и Канада не успеаја да постигнат трговски договор, со кој би се укинале царините од 50% што Вашингтон ги воведува за некои канадски производи.

Пропаднаа преговорите САД-Канада: Трамп ги активира царините од 50%, Карни најави царини „долар за долар“

Канадскиот премиер Марк Карни синоќа соопшти дека одлучил да ги прекине преговорите.

- Она што го постигнавме не е доволно за да ги исполниме нашите цели во интерес на канадскиот народ. Промените во последен момент на условите предложени од САД беа неправедни, неповолни за нас и го доведоа во прашање кредибилитетот на кој било договор, рече Карни и објави дека Канада ќе воведе еквивалентни царини „долар за долар“ за американскиот увоз.

Администрацијата на американскиот претседател Доналд Трамп соопшти дека царините, кои се однесуваат на канадската стока во вредност од околу 20 милијарди долари, стапуваат во сила денеска.

Тагови: канада САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп го нарече Ормускиот теснец американска територија

Американскиот претседател Доналд Трамп го нарече Ормускиот теснец американска територија, додека САД продолжуваат со воената блокада на иранските пристаништа и поморскиот сообраќај.

Трамп го нарече Ормускиот теснец американска територија

Обраќајќи се пред собир во Јужна Каролина во рамки на кампањата за сенаторката Дарлин Греам, која се кандидира за местото на нејзиниот покоен брат Линдзи Греам, Трамп изјави дека теснецот во моментов го гледа како американска територија и додаде дека сè уште не знаат дали победиле. Во текот на говорот, тој се пошегува и околу нападите врз Иран, велејќи дека е петок навечер и дека имаат многу време.

Американската централна команда соопшти на социјалните мрежи дека воените сили досега пренасочиле 68 комерцијални бродови со цел почитување на блокадата. Администрацијата на Трамп врши финансиски притисок врз Иран преку ограничување на пристапот до водниот пат кој граничи со Иран и Оман и низ кој вообичаено минува околу една петтина од светската нафта што се пренесува по морски пат.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер