Костадинов: Повторно сомнително изборно рекламирање на ВМРО-ДПМНЕ

Отворената истрага врз основа за сомневања за неправилности во изборното рекламирање на ВМРО-ДПМНЕ само покажува дека во оваа партија ништо не сменето.

Според јавно објавени информации, стотина илјади евра, пари од Буџетот, ВМРО-ДПМНЕ потрошила за изборно рекламирање на интернет портали, дури и на непознати медиуми, без импресум, без редакции.

Ваквото расипничко и неодговорно однесување на ВМРО-ДПМНЕ е истата, стара, криминална матрица на оваа партија.

Речиси и да нема изборна кампања на ВМРО-ДПМНЕ во последите години која што не е спорна или сомнителна.

За изборната кампања за Гордана Сиљановска, ВМРО-ДПМНЕ предводено од Христијан Мицкоски ја затвори сметката со долг од 400.000 евра, спротивно на законот од член 71 од Изборниот законик.

За оваа кампања, но и други, јавноста дозна и за сомнителните шеми преку фирми на Орце Камчев.

Претходно, ВМРО-ДПМНЕ предводено од шефот на Мицкоски, Никола Груевски, оставше долгови од над три милиони евра.

Односот и кон законите но и кон медиумите, на ВМРО-ДПМНЕ и Мицкоски е ист и непроменет.

За потсетување, на почетокот на годинава словенечки медиуми објавија истражување во кое беа наведени сериозни сомнежи дека ВМРО-ДПМНЕ со 2,5 милиони евра, црни пари од Унгарија финансирала медиуми во државава кои ширеа и се уште шират антидржавна пропаганда.

Дали е нешто слично и со последниот случај со интернет порталите, оставаме да покаже истрагата.

Мицкоски и ВМРО-ДПМНЕ треба да знаат дека помина времето кога се затвораа сметки за изборни кампањи со милионски долгови без да има одговорност, помина времето кога со парите од граѓаните ВМРО-ДПМНЕ вршеше поткуп на медиуми.

Сега е време на одговорност. Очекуваме надлежните институции брзо да го разрешат овој случај, но и сите претходни случаи каде ВМРО-ДПМНЕ ги прекршува законите.

Одговорност за овој, но и за сите прекршувања на законите мора да има. Следува ред, правда и дисциплина.

Костадин Костадинов, портпарол и пратеник на СДСМ

„Монструм" продолжува со сведоци на одбраната

Одбраната на обвинетите за петкратното убиство кај Смилковското Езеро во април 2012 година, на денешното рочиште ќе ги престави своите сведоци.

Судскиот предмет „Монструм” е во фаза на доказна постапка. На претходните рочиште сведочеа разни полициски службеници како од Крим техника, така и од Одделениото за претрес, односно од Центарот за известување и командување на МВР. Заедничко нешто на сите овие сведоци беше дека не се сеќават добро на настанот, од причина дека се поминати повеќе години.

За убиството на момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски во април 2012 година обвинети се Алил Демири и Африм Исмаиловиќ (во бегство) и Агим Исмаиловиќ, Фејзи и Хаки Азири и Сами Љута.

Судењето за овој предмет го води судската двојка Огнен Ставрев и Осман Шабани, додека обвинението го застапуваат обвинителите Фатиме Фетаи и Гаврил Бубевски. /МИА

Дневен хороскоп за 21.септември 2020 година

Дневен хороскоп за понеделник, 21.септември 2020 година.

Девица 23.8.-23.9.

Љубов

Некои ќе бидат доста слаткоречиви и брзи во делењето комплименти. Не забаровајте да бидете убедливи.

Кариера

Ќе знаете да се прилагодите кон секоја нова ситуација , зашто вашиот шарм и способност за дипломатија ќе бидат на завидно ниво.

Здравје и совет

Останете свои.

Вага 24.9.-23.10

Љубов

Вашиот живот ќе биде уреден ; а вие ќе бидете оптворени за секој предлог на партнерот. Ќе ја користите и интуицијата во љубовта.

Кариера

Се наоѓате во фаза на истраѓување на малите нешта , што би можеле да придонесат кон поголем успех во работењето.

Здравје и совет

Доаѓате до нови решенија.

Шкорпија 24.10-22.11.

Љубов

Денеска ќе добиете можност заедно да се тргнете од вообичаените места на движење било преку излет или патување.

Кариера

Веројатно уште подобро ќе се поврзете со колегите , кои не се од местото каде што работите. Тоа ќе биде конструктивна соработка.

Здравје и совет

Проверете го автомобилот.

Стрелец 23.11.-21.12.

Љубов

Денеска ќе блескате и ќе се обидете да ја привлечете личноста што ви е симпатична. Ќе настојувбате што побргу да преминете од зборови на дела.

Кариера

Без оглед што можете да сметате на поддршката од колегите , вие и натаму ќе имате потреба да се докажувате. Тоа е професионализам.

Здравје и совет

Смирете ги страстите.

Јарец 22.12.-20.1.

Љубов

Ќе се прашувате колку вреди вашата врска или односот. Очекувавте нешто повеќе , а до тоа треба уште да поработите.

Кариера

Минливи издатоци што не биле планирани , малку ќе ве загрижат. Сепак , набргу ќе најдете начинза тоа да го надоместите.

Здравје и совет

Планирајте ги работите.

Водолија 21.1.-19.2.

Љубов

Во попладневните часови вашата сакана личност ќе престане да ги повторува своите барања и ќе се симне на земја.

Кариера

Ќе бидете кооперативни , иако нема во се да се согласите со соработниците. Но , овој зрел пристап подоцна ќе донесе резултати.

Здравје и совет

Проверете си ја крвната слика.

Риби 20.2.- 20.3.

Љубов

Вашата љубезност и шарм ќе ви донесе уште некое познанство или дополнителни поени во веќе постоечката врска.

Кариера

Треба да се потпрете на конкретните резултати , што можат да се измерат. Само така ќе може да продолжите кон успесите.

Здравје и совет

Бидете умерени.

Овен 21.3-20.4.

Љубов

Доколку се фокусирате на својата смиосла за хумор, ќе успеете да победите и да ги оттргнете своите љубовни грижи.

Кариера

Иако изгледа како еден наизглед неважен проблем да е решен , но вие сте личноста која треба да се потруди за се да биде како што треба.

Здравје и совет

Бидете сериозни.

Бик 21.4- 20.5.

Љубов

Вашиот љубовен план би можел да ве изневери. Не е ниту паметен , ниту морален. Подобро да ги послушате пријателите.

Кариера

Денеска нема да бидете реални во проценките на работата. Потребно е што повеќе да се поврзете со другите и да ги следите.

Здравје и совет

Претерувате со консумација на слатки.

Близнаци 21.5.-21.6.

Љубов

Поголем дел од денот ќе го минете во разгледување на вашите приоритети во љубовниот живот. Ќе има тука големи дилеми.

Кариера

Нема да бидете целосно задоволни од со финансиската состојба , а во исто време ќе бидете склони кон трошење.

Здравје и совет

Најдете златна средина.

Рак 22.6-22.7.

Љубов

Ќе биде потребна дипломатија зџа вие и саканата личност да ги усогласите ставовите на кој начин ќе уживате.

Кариера

Пазете се од илузии и заблуди . Денеска нема да бидете објективни во проценките.

Здравје и совет

Не претерувајте со алкохолот.

Лав 23.7-22.8.

Љубов

Пред вас се нови предизвици , што ќе ве инспирираат за поголема активност во љубовта. Ќе најдете рамнотежа.

Кариера

малите финансиски издатоци ќе го направат овој ден малку нестабилен , но тоа е минливо.

Здравје и совет

Можна е кашлица.

Бајден бара од Сенатот да не гласа за избор на врховен судија пред изборите

Демократскиот кандидат за претседател Џо Бајден денеска побара од Сенатот, каде доминираат републиканците, да не гласаат за кандидатот на Врховниот суд пред претседателските избори.

„Намерата на претседателот Трамп да назначи друга личност за да ја замени Рут Бадер Гинсбург, која почина во петокот, пред изборите на 3 ноември, е едноставно да покаже сурова политичка моќ“, рече Бајден во говорот во Филаделфија.

Таквото назначување, поддржано од Сенатот, ќе го зацементира конзервативното мнозинство во Врховниот суд на шест наспроти три, што може да влијае на законите и животот на САД со децении. Назначувањата во Врховниот суд се доживотни.

Бајден рече дека ако победи на изборите, ќе мора да има шанса да предложи нов судија на Врховниот суд. Тој повтори дека ќе номинира Афроамериканка ако има шанса, што ќе биде првпат во Врховниот суд на САД.

Претходно денес, друга републиканска сенаторка, Лиса Мурковски, рече дека нема да гласа за именување судија на Врховниот суд пред изборите. Со тоа таа стана вториот републикански сенатор од вкупно 53 од 100 места во Сенатот што јавно изрази несогласување со намерата на Трамп.

Вчера слична изјава имаше и сенаторката Сузан Колинс од Мејн. Трамп најави дека следната недела ќе ги објави номинациите за испразнетото место на Рут Бадер Гинсбург.

Повеќето Американци, вклучително и многу републиканци, сакаат наследникот на Рут Бадер Гинсбург во Врховниот суд на САД да биде одреден од победникот на претседателските избори во ноември, покажува анкетата на Ипсос објавена денеска од Ројтерс.

Анкетата спроведена во целата земја спроведена на 19 и 20 септември, по објавувањето на смртта на судијата Гинсбург сугерира дека многу Американци не се согласуваат со планот на Трамп.

Анкетата покажа дека 62 проценти од Американците се согласуваат дека местото во Врховниот суд треба да го пополни победникот на изборите. 23 проценти од испитаниците не мислат така, а останатите не се сигурни. 80 проценти од демократите и 50 проценти од републиканците се согласуваат со одложување на именувањето по изборите.

притисни ентер