– Очигледно им пречат моите дејствувања во однос на хуманитарните организации. Точно е дека пред три години сум бил назначен за почесен член во таа организација „Меѓународен сојуз – Скопје" во која што членувале поранешниот амбасадор на Велика Британија, Господинот Чарлс Гарет, во која членувал и нашата кошаркарска легенда Владо Илиевски, рече Костадинов.

Имаме институции, потенцира тој, кои што детално ќе го разгледаат случајот.

На лидерот на ВМРО-ДПМНЕ Христијан Мицкоски тој му поставам две прашања на кои бара одговори.

– Првото прашање, до него лично, дали со еден од осомничените во случајот, на кои што им е одредена мерка притвор, имал неколку средби, од кои едната средба била во позната скопска дискотека, а другите средби биле одржувани во белиот дворец на ВМРО-ДПМНЕ. Второто прашање ми е, дали Христијан Мицкоски посегнал по крвавите пари на еден од обвинетите од случаите кои што ги отвори Специјалното јавно обвинителство, праша Костадинов.

Според него, ова се сериозни прашања, кои што можат драстично да ја променат сликата.

Побара во постапката што е во тек да се земат предвид сите аспекти предвид и во транспарентна постапка да се утврди одговорноста на секој кој што на каков било начин е вмешан во случајот.

– Очекувам и ВМРО-ДПМНЕ исто така да ги повика институциите во име на системот кој што веќе функционира и е поставен во државата органите нека ги дадат конкретните одговори, рече Костадинов на прес-конференција во СДСМ. /МИА