Балкан

Коста К. седум дена ковал план за масакрот во училиштето, со маица ја покрил камерата

К.К.(14), момчето осомничено за масакрот во „Рибникар“, пред два дена зборуваше во Специјалниот суд, односно се согласи да сведочи и во таа прилика ги изнесе ужасните детали од неговиот криминален план и, во крај, масовното убиство.

Српски Телеграф ги пренесува досега необјавените детали од неговото сведочење.

К.К опиша како дошол до ранецот со оружјето. Тој изјавил дека на 24 април минатата година го пронашол ранецот, а 7 дена подоцна, односно на 1 мај земал пиштоли и муниција.

"Знаев како изгледа ранецот на татко ми со оружје, бидејќи го носеше на стрелиште кога ме носеше на вежбање. Ми требаа околу 30 минути да го најдам ранецот. Беше во плакарот, а во него имаше кутија со шифра. Кога го отворив, видов два пиштоли „зброевка“ и „ругер“. Во друга кутија во ранецот имаше муниција. Тогаш беше 24 април.Седум дена смислував план и чекав да бидам сам дома на 1-ви мај. Со маица ја покрив камерата во станот и ги зедов пиштолите и муницијата. Скрив сè во мојата фиока и чекав. Никој не забележа дека ги нема пиштолите. Потоа на 3 мај намерно задоцнив на училиште со пиштолите спакувани во мојот ранец.Шаржерите веќе беа во пиштолите, а „зброевката“ беше репетирана со куршум во цевката. Понесов 92 куршуми и 6 рамки. Сакав да почнам да убивам во мојот клас, но седмоодделенците секап ми беа цел, бидејќи тие ме исмеваа. Пвро го убив чуварот, бидејќи го видов како закана.

Тој изјавил и дека татко му често го носел на стрелиште, како и дека постојано го фалел бидејќи добро пука.

„Татко ми ме носеше на стрелиштето и беше горд на мене затоа што добро пукав. Пукав и силуети и бев многу прецизен. Правев кругови околу центарот. Ме интересираа пиштолите, исто и татко ми. Мислам дека ме носеше на стрелиштето за да се зближи со мене, не знам. Но ме сликаше и ме фалеше за тоа колку сум добар. Од друга страна, мајка ми секогаш ми викаше кога нешто немаше да направам добро, а татко ми, се сеќавам, еднаш ме нарече психопат. “, изјави К.К.

К.К не го завршил сведочењето пред судот и тоа ќе продолжи на 17 октомври. Сите учесници во постапката - судот, обвинителството, адвокатите, неговите родители, но и родителите на убиените деца имаат законско право да му поставуваат прашања на кои тој мора да одговори бидејќи се согласил да сведочи. Коста К. сведочеше повеќе од три часа во судот во Белград.

На Владимир Кецмановиќ му се закануваат 12 години затвор и се наоѓа во притвор, а неговата сопруга Миљана на судењата доаѓа од слобода и казната што ја предлага обвинителството е две и пол години затвор. Кецмановиќ се товари дека не ги чувал одвоено оружјето и муницијата, а исто така и дека не ги чувал правилно, додека Миљана Кецмановиќ е обвинета затоа што нејзината ДНК била пронајдена на чаура што била пронајдена до вратата од кабинетот по историја во училиштето „Рибникар“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Во Франција пронајдени тела на пет бебиња

Француските обвинители покренаа истрага за сомнително убиство откако во станот на еден пар во градот Оранж, во југоисточна Франција, беа пронајдени посмртните останки на пет новороденчиња, соопштија локалните правосудни органи.

Остатоците од бебињата биле пронајдени во картонски кутии за време на претрес на станот во историскиот центар на градот, спроведен од 32-годишниот партнер на жената, откако тој – според обвинителството – дури во напредна фаза дознал дека таа повторно е бремена, пренесува „Франс 24“.

Жената во неделата дома родила здраво дете, по што била пренесена во болница.

По пристигнувањето во станот, нејзиниот партнер пронашол остатоци за кои се сомневал дека се човечки остатоци и ги известил болничките вработени, кои го пријавиле случајот во обвинителството. Според првите наоди на судскиот испитувач, остатоците најверојатно им припаѓаат на пет бебиња, а причината и околностите на нивната смрт ќе бидат утврдени со обдукции.

Истражителите сè уште не разговарале со мајката, соопштија од обвинителството.

Двојката има и две деца на возраст од осум и девет години.

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Шпанската пејачка ја откри вистината за нејзината врска со фудбалерот

Шпанската пејачка Ана Мена одлучи да проговори по бројните гласини што ја поврзуваат со сè попопуларниот фудбалер Феран Торес.

Шпанската пејачка Ана Мена категорично демантираше дека е во врска со напаѓачот на Барселона, Феран Торес – освојувач на Светското првенство во 2026 година со шпанската репрезентација – и ги нарече таквите тврдења „глупости“ и „апсурдни“, откако беа видени заедно за време на прославата на светската титула.

Пејачката веднаш реагираше на гласините што се појавија во медиумите деновиве, особено на оние што ја поврзуваат со фудбалерот на Барселона.

„Ова е бесмислица, за име на Бога. Навистина е смешно“, им изјави таа на собраните новинари, пренесува Goal.com.

Медиумите почнаа да ги поврзуваат Ана Мена и Феран Торес откако беа видени заедно на прослава на плоштадот Сибелес, организирана од Шпанската фудбалска федерација, а потоа и на приватна забава во еден од најпознатите ноќни клубови во Мадрид.

Шпекулациите дополнително се разгореа кога пејачката се појави во дрес со бројот 7, кој Торес го носи во шпанската репрезентација.

Кога ја прашале Анна зошто го носела токму тој дрес, Ана Мена кратко одговори: „Па, тоа е дресот што ми го дадоа, не знам.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нетанјаху ја напушти Белата куќа по средбата со американскиот претседател Трамп

Израелскиот премиер Бенјамин Нетанјаху денеска ја напушти Белата куќа по средбата со американскиот претседател Доналд Трамп, која, според Белата куќа, била „позитивна и продуктивна“.

„Претседателот Трамп ги заврши средбите во Овалната соба со претседателот (на Украина, Володимир) Зеленски и со премиерот (на Израел, Бенјамин) Нетанјаху. Двете средби беа позитивни и продуктивни“, напиша портпаролката на Белата куќа, Керолајн Ливит, на платформата „Икс“ (X) по одвоените средби на Трамп со Нетанјаху и Зеленски, пренесува Си-ен-ен (CNN).

Израелски функционер запознаен со средбата меѓу Нетанјаху и Трамп ги потврди оценките на Белата куќа, наведувајќи дека „средбата беше многу позитивна и се одржа во добра атмосфера, во присуство на високи претставници на администрацијата“.

Тој додаде дека лидерите ја потврдиле својата заедничка цел – „на Иран во никој случај да не му се дозволи да поседува нуклеарно оружје“. Двајцата лидери разговараа и за партнерството меѓу Израел и Соединетите Американски Држави, кое е „посилно од кога било“, како и за разни можности на Блискиот Исток. Двете средби се одржаа без присуство на медиумите.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.