Регион

Косово гласа на парламентарни избори, први редовни од прогласувањето на независност

Во косово се одржуваат парламентарни избори, на кои партијата на Курти е апсолутен фаворит за победа..

Без поголеми непреавилности, под будното око на меѓународните набљудувачи и со засилено присуство на КФОР во Косово се одржуваат парламентарни избори, на кои право на глас имаат вкупно 2 милиони граѓани од кои нешто над 100 илјади се гласачи од дијаспората. Од вкупно 120 пратенички места 20 се загарантирани за малцинствата и тоа 10 се за Србите додека останите 10 се за другите малцински заедници. Србите на Косово за разлика од минатите избори кога беа повикани да бојкотираат сега излегуваат масовно уште од раните утрински часови со цел да се вратат активно во косовските институции. На границата беа регистрирани и повеќе автобуси кои од србија носеа граѓани со право на глас а гласачките места на северот на косово каде доминантно се србите уште од утринските часови масовно беа посетени од гласачите.

Очекувам да биде многу подобро за народот на Косово и Метохија особено за они од српската националност бидејчи сметам дека се доста обесправени во последниот период.

Она што е во фокусот на овие избори на Косово е дали досегашниот премиер Албин Курти и неговата пратија ќе имаат мнозинство од 61 пратеник за да формира влада. Аналитичари сметаат дека тој нема коалициски капацитети и доколку не освои мнозинство нема да може да формира влада туку тоа ќе го преземе опозицијата. Засега уште е рано да се прогнозира исходот од изборите но како сериозен удар се смета директната порака од Ричард Гренел кој е прв човек на новиот американски претседател Трамп, кој отворено на пет дена пред изборите му порача дека тој е факторот на нестабилноста на Балканот и САД во него не гледа кредибилен партнер во својата мисија за мир во светот. Според аналитичарот Мерсел Биљали оваа порака од САД најмногу се однесувала за опозициските партии да се обесхрабрат да коалицираат со Курти.

Ова се деветти парламентарни избори во земјата од прогласувањето на независноста и први редовни.

Според предизборните анкети и анализите на политичките експерти, главната битка се очекува да се води помеѓу Движењето Самоопределување на Албин Курти, Демократската лига на Косово, Демократската партија на Косово и Алијансата за иднината на Косово на Рамуш Харадинај.

Македонија

Нови пет пациенти се враќаат од лекување во странство – еден од Грција и четворица од Шпанија

Пет повредени пациенти од пожарот во кочанската дискотека „Пулс“ се враќаат во Македонија. Станува збор за за четворица пациенти од Шпанија и еден од Грција сите биле третирани од тешки изгореници.

Во Македонија се лекуваат 23 пациенти на клиника, двајца на пластика кои имале трансплантација на кожа и двајца на токискологија. Останатите се во болницата Наум Охридски, 8 Септември и Систина сите се во стабилна состојба. Засега најтешка е состојбата на четворица пациенти со изгореници кои се лекуваат во странство. Вчера се вратија двајца пациенти еден од Бугарија и друг пациент од Србија. Дарко Стојанов е донесен во клиниката за токсикологија, каде беше пречекан од министрите за здравство и надворешни работи Таравари и Муцунски. Дарко денеска се огласи на социјалните мрежи, споделувајќи емотивна порака за трагедијата во која загинаа 59 луѓе. Благодарен за солидарснота, емпатијата и храброста што ја добил. Исто така со благодарност до целиот медицински кадар од КАРИЛ и Србија. Се надевам дека оваа траорна трагедија ќе не обедини како народ и ќе ни ги отвори очите како луѓе.

Гушнете ги најблиските, фамилијата, пријателите. Кажете им дека ги сакате. Никогаш не можете да знаете кога е тоа за последен пат! Напиша Дарко на својот ФБ профил.

Македонија

Истрагата за пожарот во „Пулс“ продолжува – нови претреси во Кочани и Виница

Документација, мобилни телефони и компјутери одзела полицијата при претресот во домот на сопственикот на дискотеката Пулс во Кочани, Дејан Јованов Деко.

Одземени се предмети и од претресите во два угостителски објекти од кои едниот е кафе барот Класик, исто така сопственост на Јованов а кој беше демолиран ден по пожарот.

-Во домот на Д.Ј. пронајдени и одземени се лап топ компјутери, повеќе мобилни уреди, документација и други предмети. Одредени предмети се одземени и од возилото и од угостителските објекти, а пронајдена и одземена е и финансиска документација. Во ДПИ - Канцеларија Кочани пронајден и одземен е еден компјутер, еден лап топ компјутер и еден таблет, како и целокупната документација поврзана со правни субјекти во сопственост на Д.Ј..-МВР

Претходно во полициска станица биле спроведени сопругата и ќерката на Дејан Јованов, како дел од лица кои би можеле да имаат определени сознанија, а според информациите ќерката на Јованов ја зела фалсификуваната лиценца од Министерството за економија. Но досега нема информација од обвинителството дали ќе бидат опфатени во истрагата. Засега остануваат осомничен вкупно 34 лица. Сите се во притвор освен тројца, двајца членови на бендот ДНК и управителот на фирмата која раководела со дискотеката. Во истрагата на кочанското обвинителство која ја водат 11 обвинители опфатени се сопствениците, организаторите на концертот, лица од обезбедувањето во дискотеката како и лица од Министерството за економија, ДПИ и ДЗС. Командири, началници и други полициски службеници се дел од истрагата на ОЈО ГОКК.

Свет

24 лица загинаа во големи шумски пожари во Јужна Кореја

Најмалку 24 лица загинаа во големите шумски пожари што го зафатија југоисточниот дел на Јужна Кореја.

Уште 26-мина се повредени , од кои 15-ина критично во огнените стихии кои принудија на евакуација повеќе од 23 илјади луѓе.

Околу пет илјади пожарникари и војници се обидуваат да ги изгаснат пожарите кои досега опустошија околу 20 илјади хектари шума и над 200 објекти.

Како што пренесуваат јужно корејските медиуми, во пожарот изгорел и 1.300 години стар храм во градот Уисе-Онг, иако повеќето вредни предмети што биле внатре навреме биле изнесени на безбедно.