Живот

Космонаутите на НАСА ја напуштија МВС по непланираниот деветмесечен престој

Космонаутите на НАСА ја напуштија МВС по непланираниот деветмесечен престој што требаше да трае осум дена.

Астронаутите на НАСА, Буч Вилмор и Сани Вилијамс рано утринава ја напуштија Меѓународната вселенска станица (МВС) во капсулата „Кру драгон“ (Crew Dragon) на „Спејс-Икс“ (SpaceX), почнувајќи го своето враќање на Земјата, по непланираниот деветмесечен престој на Станицата.

Вилмор и Вилијамс отидоа на вселенската станица во јуни минатата година како прв екипаж на вселенското летало „Боинг старлајнер“, како дел од осумдневната пробна мисија. Но, нивната мисија на МВС беше продолжена поради технички проблеми со нивното вселенско летало. Проблемите со погонскиот систем доведоа до неколкумесечни одложувања, по што НАСА одлучи да ги врати на Земјата во капсула на „Спејс-Икс“. По слетувањето, астронаутите ќе бидат префрлени во Вселенскиот центар „Џонсон“ во Хјустон, каде што ќе бидат подложени на медицински прегледи пред да им биде дозволено да се вратат кај своите семејства.

Се очекува астронаутите да слетаат близу брегот на Флорида подоцна денеска.

Експертите објаснуваат дека долгиот престој во Вселената може да има физички последици, вклучувајќи и мускулна атрофија и можни проблеми со видот. Вилмор и Вилијамс минаа вкупно 286 дена во Вселената - подолго од вообичаените шест месеци за мисиите на МВС, но пократко од американскиот рекорд на Френк Руби, кој траеше 371 ден - поради дефект на руско вселенско летало.

Вилијамс ќе ја заврши својата трета вселенска мисија со вкупно 608 дена во Земјината Орбита, а тоа е второ најдолго време меѓу американските астронаути, зад Пеги Витсон, која поминала вкупно 675 дена во вселенскиот простор.

НАСА соопшти дека Вилмор и Вилијамс морале да останат на МВС додека не пристигне нивната замена за да го задржат потребниот број американски астронаути на станицата.

Астронаутите кои ќе ги заменат, четиричлениот екипаж на мисијата „Кру-10“, пристигнаа во петокот вечерта, со што во тој миг бројот на членови на екипажот на МВС беше 11. МВС, којашто орбитира над Земјата, на околу 409 километри надморска височина, работи речиси 25 години како меѓународна истражувачка лабораторија и клучна платформа за вселенска соработка на САД со Русија, Велика Британија, Јапонија и други држави коишто испратија свои астронаути во Орбитата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Епидемијата на ебола во Демократска Република Конго е најсмртоносната во историјата на земјата, однесе 2.325 животи

Епидемијата на ебола во Демократска Република Конго однесе 2.325 животи, со што го надмина бројот на жртви во епидемијата од 2018 до 2020 година и стана најсмртоносната во историјата на земјата.

Конгоанскиот институт за јавно здравје соопшти дека бројот потврдени случаи се зголемил на околу 5000 случаи. Станува збор за 17-та епидемија на ебола во Конго, која веќе кон крајот на јули ја надмина претходната по бројот на случаи и стана најголема во историјата на земјата според тој показател. За овој сој на ебола нема одобрени вакцини или лекови.

Тагови: ебола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Апел до владата поради алармантната состојба со епидемијата на сипаници кај овците и козите

Сојуз на одгледувачи на овци апелира до владата и до надлежните институции за итно преземање мерки поради алармантната состојба со епидемијата на сипаници кај овците и козите, како и за заштита и помош на сточарите.

Насер Џемаил претседател на Сојуз на одгледувачи на овци изјави дека 40 семејства останале без приходи поради угинување на овците, тие од државата бараат обештетување и да обезбеди вакцини за заштита од болеста која ги коси овие домашните животни. Информаираат дека месото нема да биде штетно за јадење по вакцинација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иран има нова мета?

Портпаролот на иранското Министерство за надворешни работи, Есмаил Багеи, денес изјави дека Канада станала „резервен тим“ на САД во нивната воена агресија против Иран.

Портпаролот Багеи изјави дека САД ја нарекуваат Канада своја педесет и прва земја, воведуваат царини на нејзините стоки, па дури и се закануваат дека ќе ја казнат за еколошки проблеми.

Тој исто така додаде дека одговорот на Отава е само послушност, според новинската агенција Тасним.

„Официјална Отава учествува во нелегалната војна на САД против Иран за да го задоволи Вашингтон. Оваа ситуација покажува дека Канада повеќе не се согласува со САД, туку е сведена на улога на резервен тим“, рече Багеи.

Извор: Б92

Тагови: Иран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.