Кошта упати покана до лидерите на ЕУ за учество на неформалниот Самит во Копенхаген на 1 октомври - Канал 5

Свет

Кошта упати покана до лидерите на ЕУ за учество на неформалниот Самит во Копенхаген на 1 октомври

Неодамнешните нарушување на воздушниот простор на Полска и Романија од страна на Русија се силен потсетник дека мора да ги забрзаме и продлабочиме нашите напори.

Кошта упати покана до лидерите на ЕУ за учество на неформалниот Самит во Копенхаген на 1 октомври

Претседателот на Европскиот совет, Антонио Кошта денеска упати покани до шефовите на држави или влади на членките на ЕУ за учество на неформалниот лидерски Самит на 1 октомври во Копенхаген, на кој, како што се наведува во поканата фокусот ќе биде ставен на зајакнување на заедничката европска одбранбена подготвеност и на поддршката за Украина.

- Неодамнешните нарушување на воздушниот простор на Полска и Романија од страна на Русија се силен потсетник дека мора да ги забрзаме и продлабочиме нашите напори. На претходните состаноци се согласивме дека Европа мора заеднички да направи повеќе во одбраната. Насоката на движење е јасна: градиме Европа способна ефикасно, автономно и заеднички да одговори на денешните и идните закани. Амбицијата што си ја поставивме: решително да ја зголемиме заедничката одбранбена подготвеност на Европа до 2030 година, ја отелотворува таа посветеност, наведува Кошта во поканата.

Тој, при тоа, ја потенцира потребата за издвојување на дополнителни средства за финансирање на одбраната, за соработка со НАТО и за поддршка на инвестициите во одбранбената индустрија.

- Секое евро треба да ја зајакне нашата заедничка безбедност и стратешка автономија. Со тоа, исто, така се зајакнува европската одбранбена индустрија, се поттикнуваат иновациите, се зголемува конкурентноста и се создаваат работни места, додава Кошта.

Од тие парични, Кошта предлага на неформалното заседание на Европскиот совет да се разговара за можностите за забрзување на развојот на заедничките одбранбени капацитети, за поддршка на земјите членки од „источното крило“ на ЕУ и за обезбедување ефикасен политички надзор и координација на поставените цел.

Покрај ова, Кошта предлага лидерите да расправаат и за начините како да продолжи поддршката на Украина и на напорите за постигнување праведен и траен мир, бидејќи како што нагласува европската безбедност е поврзана со украинската. Во тој контекст, според Кошта, и „процесот на пристапување на Украина во ЕУ мора да остане на вистинскиот пат“.

- На двете теми - европската одбрана и Украина - ќе се навратиме и на состанокот на Европскиот совет во Брисел кон крајот на октомври, кога ќе ги формализираме нашите насоки. Се радувам што ќе ве видам во Копенхаген, додава Кошта во поканата.

Неформалните Самити на ЕУ, односно заседанија на Европскиот совет, се собири на кои лидерите на земјите членки на Унијата разменуваат мислења и дебатираат за одредени прашања, но не носат никакви формални одлуки.

Инаку, ден по неформалниот Самит, лидерите на ЕУ на 2 октомври, исто така во Копенхаген, ќе учествуваат и на седмиот состанок на Европската политичка заедница (ЕПЦ).

ЕПЦ претставува платформа за неформален политички и стратешки дијалог меѓу лидерите на членките на ЕУ, државите партнери на Унијата од Европа и претставници на клучните европски и меѓународни институции. Целта на ЕПЦ е да ги промовира политичкиот дијалог и соработка и да ги зајакне безбедноста, стабилноста и просперитетот на европскиот континент.

Тагови: Антонио Кошта

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Бензините поскапи за 1,5 , дизелот за 3,5 денари

Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Одлука со која се врши зголемување на малопродажните цени на нафтените деривати во просек за 2,62%

Бензините поскапи за 1,5 , дизелот за 3,5 денари

Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Одлука со која се врши зголемување на малопродажните цени на нафтените деривати во просек за 2,62% во однос на одлуката од 17.8.2026 година.

Референтните цени на нафтените деривати на светскиот пазар во споредба со претходната пресметка бележат зголемување и тоа во просек: кај бензините за 3,795%, кај дизелот за 4,842%, кај екстра лесното масло за 3,958% и кај мазутот зголемувањето е за 6,467%.

Курсот на денарот во однос на доларот во изминатиот период по кој беа формирани цените со претходната пресметка е понизок за 0,5340%.

Од 25.8.2026 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС - 95 93,00 (денари/литар)

Моторен бензин ЕУРОСУПЕР БС - 98 95,00 (денари/литар)

Дизел гориво ЕУРОДИЗЕЛ БС (Д-Е V) 101,50 (денари/литар)

Масло за горење Екстра лесно 1 (ЕЛ-1) 100,50 (денари/литар)

Мазут М-1 НС 45,576 (денари/килограм)

Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 1,50 ден/лит.

Малопродажната цена на ЕУРОДИЗЕЛ (Д-Е V) се зголемува за 3,50 ден/лит.

Малопродажната цена на Екстра лесното масло за домаќинство (ЕЛ-1) се зголемува за 2,00 ден/лит.

Малопродажната цена на Мазутот М-1 НС се зголемува за 1,850 ден/кг. и сега ќе изнесува 45,576 ден/кг.

Напоменуваме дека ова се максималните цени на нафтените деривати од 00:01 часот на 25.8.2026 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Министерството за јавна администрација ја започна оперативната фаза за воспоставување на Академијата за обука и стручно усовршување на јавните службеници

„Академијата не е само институционална новина. Таа е инвестиција во квалитетот, интегритетот и ефикасноста на јавната администрација, а со тоа и во довербата на граѓаните во институциите.“ 

Министерството за јавна администрација ја започна оперативната фаза за воспоставување на Академијата за обука и стручно усовршување на јавните службеници

„Академијата не е само институционална новина. Таа е инвестиција во квалитетот, интегритетот и ефикасноста на јавната администрација, а со тоа и во довербата на граѓаните во институциите.“ Со овие зборови министерот за јавна администрација, Горан Минчев, ја отвори првата работна сесија со тимот кој ќе биде дел од Академијата за обука и стручно усовршување на јавните службеници, која треба да започне со работа на полетокот од 2027 година.

Во изминатиот период беа поставени основите за формирање на Академијата, беше спроведена анализа на постојната состојба и потребите, а во наредниот период следува дефинирањето на организацискиот модел, клучните функции и оперативната поставеност на новата организациска единица во рамките на Министерството за јавна администрација.

Во рамките на дводневната работна сесија тимот ќе работи на подготовка на клучните документи за воспоставување на Академијата, како и на преточување на стратешката рамка и четирифазниот патоказ на реформата во конкретен, реалистичен и временски дефиниран акциски план. Овие документи ќе ја постават основата за започнување на оперативната фаза и функционирањето на Академијата во состав на Министерството за јавна администрација.

„Работата во овие два дена бара од секого од нас конкретност и посветеност. Не бараме уште еден документ на хартија, бараме јасен, реалистичен и спроведлив акциски план, со прецизно распределени одговорности, идентификувани ризици и временска рамка на која можеме да се потпреме. Тоа е она што ќе го означи вистинскиот почеток на оперативната фаза на Академијата“ истакна министерот Минчев.

Работната сесија се реализира во соработка со Регионалното училиште за јавна администрација – РеСПА. Преку менторската поддршка, регионалната експертиза и споделените искуства и практики од земјите во регионот, Министерството за јавна администрација добива значајна поддршка во процесот на градење на одржлив и функционален институционален модел на Академијата.

Воспоставувањето на Академијата претставува важен чекор во создавањето современа, професионална и ефикасна јавна администрација, во која континуираното учење, развојот на компетенции и стручното усовршување ќе бидат составен дел од професионалниот развој на јавните службеници.

Министерството за јавна администрација продолжува посветено да работи на реформите кои значат поквалитетна администрација, подобри услуги за граѓаните и создавање услови во кои јавните службеници ќе имаат можност континуирано да ги развиваат своите знаења и професионални компетенции.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Се урна борбен авион во Унгарија, пилотот се катапултирал

Борбен авион „Грипен“ на Унгарските вооружени сили се урна во близина на Солнок доцна претпладнево, а пилотот успеа безбедно да се катапултира. Информацијата ја потврди премиерот Петер Маѓар, пренесува „Еуроњуз“. 

Се урна борбен авион во Унгарија, пилотот се катапултирал

Премиерот на својот профил на мрежата „Икс“ (X) напиша: „Од засега непознати причини, пред неколку минути во близина на Солнок се урна борбен авион 'Грипен' на Унгарските одбранбени сили. Пилотот успешно се катапултираше. Во тек е истрага, а министерот за одбрана е на пат кон местото на несреќата“.

Министерот за одбрана Ромулус Русин-Сенди подоцна извести дека пилотот е пренесен во болница и дека нема други повредени. Според него, пилотот направил сè што е во негова моќ за да обезбеди авионот да падне на воен терен.

Во близина на Солнок се наоѓа и унгарска воена воздухопловна база. Унгарската флота на авиони „Грипен“ Унгарските вооружени сили располагаат со вкупно 14 борбени авиони „Грипен“. Сите тие се стационирани во воздухопловната база Кечкемет и редовно учествуваат во меѓународни операции.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер