Кошта и Фон дер Лајен во посета на Јапонија и Кина - Канал 5

Свет

Кошта и Фон дер Лајен во посета на Јапонија и Кина

Утре, Кошта и Фон дер Лајен во Токио ќе ги посетат компанијата која развива напредна индустриска опрема и прецизна машинерија „Хитачи“ и Токискиот центар за спречување на катастрофи. 

Кошта и Фон дер Лајен во посета на Јапонија и Кина

Претседателот на Европскиот совет, Антонио Кошта и претседателката на Европската комисија, Урсула фон дер Лајен, придружувани од високата претставничка на ЕУ за надворешни работи и безбедносна политика Каја Калас, од денеска до четврток ќе престојуваат во посета на Јапонија и Кина, во чии рамки ќе учествуваат на самитите меѓу ЕУ и двете земји.

Денеска на првиот ден од посетата на Јапонија, европската делегација ќе престојува во Осака каде ќе го посетат саемот ЕКСО, на кој свој штанд има и Европската Унија, насловен „Негување на утрешнината“. Штандот ги презентира европските активности поврзани со одржливоста, поврзаноста, инклузивноста и безбедноста.

Утре, Кошта и Фон дер Лајен во Токио ќе ги посетат компанијата која развива напредна индустриска опрема и прецизна машинерија „Хитачи“ и Токискиот центар за спречување на катастрофи.

Во попладневните часови по локално време, Кошта и Фон дер Лајен ќе се сретнат со јапонскиот премиер Шигеру Ишиба, по што заедно ќе учествуваат на Самитот ЕУ-Јапонија. Самитот ќе биде фокусиран на понатамошно зајакнување на односите меѓу ЕУ и Јапонија, пред се во областите на безбедноста, одбраната, трговијата и економската отпорност, како и за поддршката на мултилатерализмот и меѓународниот поредок базиран на правила.

Лидерите ќе разговараат за резултатите од Договорот за економско партнерство и поблиска соработка во развојот на робусни синџири на снабдување и на иновациите и во зелената и дигиталната транзиција.

Тие ќе говорат и за унапредување на односите во рамки на Партнерството за безбедност и одбрана меѓу ЕУ и Јапонија, вклучително и во справувањето со манипулациите и ширењето на дезинформации, зголемувањето на поморската безбедност и соработката во одбранбената индустрија.

- Јапонија е наш најблизок стратешки партнер во Индо-пацифичкиот регион. Во денешната нестабилна меѓународна средина, ова партнерство е поважно од кога било. Овој самит е уште понатамошно продлабочување на нашата соработка на различни полиња, порача Кошта во пресрет на заминувањето за Јапонија.

В четврток Кошта и Фон дер Лајен во Пекинг ќе присуствуваат на самитот ЕУ-Кина, со кој ќе биде одбележана и 50-годишнината од воспоставувањето на билатералните односи.

- Овој Самит е можност да се ангажираме со Кина на највисоко ниво и да имаме искрени, конструктивни дискусии за прашања што се важни за двете страни. Сакаме дијалог, вистински ангажман и конкретен напредок. Се стремиме кон фер, избалансиран однос што им носи резултати на двете страни, порача Кошта.

Покрај учеството на Самитот, европските лидери ќе имаат и билатерални средби со кинескиот претседател Си Џинпинг и со премиерот Ли Чијанг. Според најавите, европските лидери со Си ќе разговараат за односите ЕУ-Кина и за актуелните геополитички предизвици, вклучително и за војната во Украина. Со Ли, пак, Кошта и Фон дер Лајен ќе разговараат за трговските и економските аспекти на односите меѓу ЕУ и Кина.

Тагови: Антонио Кошта Урсула фон дер Лајен

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Ревија на костими за капење на „Sports Illustrated Swimsuit“

Списанието „Sports Illustrated Swimsuit“ секоја година организира ревија на костими за капење во Мајами.

Фото: Ревија на костими за капење на „Sports Illustrated Swimsuit“

Учеснички во програмата се главно ѕвезди од реални шоуа, инфлуенсерки и дами од модната индустрија, така било и годинава.

Меѓу многуте убавици кои прошетаа во минијатурно бикини по пистата беше и провокативната реалити ѕвезда Стаси Шредер.

Станува збор за поранешната ѕвезда на реалното шоу „Vanderpump Rules“, која ги воодушеви многумина на модната ревија со својот атрактивен изглед и секси одење.

Сепак, јавноста на социјалните мрежи не беше задоволна од нејзините вештини, па за кратко време Стаси стана предмет на потсмев и бројни критики.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Секси русокосата не препушта ништо на случајноста

Актерката и манекенка Брукс Надер не престанува да изненадува со своите провокативни изданија, а моментално ужива во Франција, од каде што доаѓаат и нејзините најнови фотографии.

Фото: Секси русокосата не препушта ништо на случајноста

Моделот и актерка Брукс Надер ужива во топлотниот бран, со неа уживаат и нејзините следбеници кои желно ја очекуваат секоја нова објава на оваа контроверзна убавица.

Неодамна таа престојуваше и на Јадранот – ги посети Хрватска и Црна Гора – а нејзините изданија од таму исто така оставија силен впечаток на социјалните мрежи.

Сепак, таа подготви нешто ново за Франција, па најпрво позираше во кратки бели шорцеви и ѝ сврте грб на камерата, а иако не е првпат да покаже нешто повеќе, повторно ги воодушеви и изненади сите.

Меѓу низата фотографии се најдоа и оние на кои Брукс носи кратки и длабоко деколтирани фустани, па нејзините бујни гради беа главна тема и на овој одмор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Веќе 21 фудбалер се платени повеќе од 100 милиони евра за трансфер

Дали фудбалерите навистина вредат толку многу? 

Веќе 21 фудбалер се платени повеќе од 100 милиони евра за трансфер

Веќе 21 фудбалер се платени повеќе од 100 милиони евра за трансфер, а Јан Диоманде би можел да биде следниот.

Најголемиот трансфер што моментално се подготвува на пазарот е доаѓањето на Јан Диоманде од РБ Лајпциг во Реал Мадрид.

Доколку трансферот се реализира, репрезентативецот на Брегот на Слоновата Коска ќе се приклучи кон ексклузивната група играчи за кои се платени повеќе од 100 милиони евра.

Досега, 21 фудбалер ја достигнале таа вредност, почнувајќи од летото 2013 година, кога Реал Мадрид му плати на Тотенхем 101 милион евра за Герет Бејл.

Оттогаш, трансферите со обештетувања од деветцифрени износи станаа многу почести и веќе не предизвикуваат толку многу полемики како порано.

Доаѓањето на клубови во сопственост на држави и милијардери дополнително го зголеми бројот на вакви трансфери.

Меѓу нив, се издвојува Пари Сен Жермен, кој во 2017 година ги сруши сите рекорди со плаќање 222 милиони евра за Нејмар, активирајќи ја неговата откупна клаузула од договорот со Барселона.

Само неколку недели подоцна, ПСЖ го доведе и Килијан Мбапе од Монако за 180 милиони евра.

Ако има еден клуб што доминира на оваа листа, тоа е Челзи.

Во ерата на Роман Абрамович, а потоа под сопственост на Тод Боели, лондонскиот клуб донесе дури пет играчи за повеќе од 100 милиони евра: Морган Роџерс, Енцо Фернандез, Мојсес Кајсед, Ромелу Лукаку и Каи Хаверц.

Клубови од Премиер лигата учествуваа во дури 11 од вкупно 22 трансфери вредни над 100 милиони евра.

Шпанската Ла Лига, вклучувајќи го и евентуалното доаѓање на Диоманде, учествув во осум такви трансфери. Четири би му припаднале на Реал Мадрид, три на Барселона и еден на Атлетико Мадрид.

Франција е претставена од ПСЖ, додека единствениот претставник на Серија А е Јувентус, поради Кристијано Роналдо.

Покрај тоа што сè уште е најскапиот трансфер во историјата на фудбалот, Нејмар е и играчот за кого се издвоени најмногу пари во текот на неговата кариера.

Барселона и ПСЖ заедно платија речиси 400 милиони евра за неговите трансфери.

На второто место е Ромелу Лукаку, за кого клубовите издвоија вкупно околу 370 милиони евра, додека Кристијано Роналдо е трет со 247 милиони.

Трансфери над 100 милиони евра:

1.Нејмар – 222 милиони евра (Барселона → ПСЖ)

2.Килијан Мбапе – 180 милиони евра (Монако → ПСЖ)

3.Александар Исак – 145 милиони евра (Њукасл → Ливерпул)

4.Морган Роџерс – 138 милиони евра (Астон Вила → Челзи)

5.Елиот Андерсон – 135 милиони евра (Нотингем Форест → Манчестер Сити)

6.Жоао Феликс – 127,2 милиони евра (Бенфика → Атлетико Мадрид)

7.Флоријан Вирц – 125 милиони евра (Баер Леверкузен → Ливерпул)

8.Енцо Фернандес – 121 милиони евра (Бенфика → Челзи)

9.Филипе Кутињо – 120 милиони евра (Ливерпул → Барселона)

10.Антоан Гризман – 120 милиони евра (Атлетико Мадрид → Барселона)

11.Џек Грилиш – 117,5 милиони евра (Астон Вила → Манчестер Сити)

12.Мојсес Каиседо – 116 милиони евра (Брајтон → Челзи)

13.Еден Азар – 115 милиони евра (Челзи → Реал Мадрид)

14.Ромелу Лукаку – 113 милиони евра (Интер → Челзи)

15.Кристијано Роналдо – 112 милиони евра (Реал Мадрид → Јувентус)

16.Сандро Тонали – 108 милиони евра (Њукасл → Тотенхем)

17.Пол Погба – 105 милиони евра (Јувентус → Манчестер Јунајтед)

18.Усман Дембеле – 105 милиони евра (Борусија Дортмунд → Барселона)

19.Џуд Белингем – 103 милиони евра (Борусија Дортмунд → Реал Мадрид)

20.Герет Бејл – 101 милион евра (Тотенхем → Реал Мадрид)

21.Каи Хаверц – 100 милиони евра (Баер Леверкузен → Челзи)

Тагови: милиони Фудбал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер