Кошта е во Белград, за денеска средби со Вучиќ, Мацут и со пратеници во Парламентот - Канал 5

Балкан

Кошта е во Белград, за денеска средби со Вучиќ, Мацут и со пратеници во Парламентот

Претседателот на Европскиот совет, Антонио Кошта, синоќа пристигна во официјална посета на Србија, пречекан од претседателот на Србија, Александар Вучиќ.

Кошта е во Белград, за денеска средби со Вучиќ, Мацут и со пратеници во Парламентот

Претседателот на Европскиот совет, Антонио Кошта, синоќа пристигна во официјална посета на Србија, пречекан од претседателот на Србија, Александар Вучиќ, јави дописникот на МИА од Белград.

„Го пречекав претседателот на Европскиот совет, Антонио Кошта, со кого ќе имам можност да разговараме за клучните прашања за односите меѓу Србија и Европската унија, како и за предизвиците со кои се соочуваме на тој пат“, напиша Вучиќ на својот Инстаграм профил.

Вучиќ истакна дека Србија е решена да продолжи по европскиот пат, подготвена да работи со одговорен и партнерски пристап по сите прашања важни за мирот и просперитетот на граѓаните.

„Верувам во големата важност на дијалогот, отворената и директната комуникација во време на сложени геополитички околности“, рече Вучиќ.

Кошта, денеска во Белград ќе се сретне, со Вучиќ, премиерот, Ѓуро Мацут, и со пратеници во Парламентот, вклучувајќи ги и пратеници од опозицијата.

Вучиќ и Кошта претходно се сретнаа на 25 март во Брисел, на заедничка работна вечера со претседателката на Европската комисија Урсула фон дер Лајен, како и на 3 декември лани, два дена откако Кошта ја презеде функцијата.

Во изјава за Евроњуз, Кошта нагласи дека Албанија и Црна Гора имаат предност во споредба со другите земји од Западен Балкан, но нема фиксен датум за прием на нови членки во ЕУ.

„Пристапувањето е процес базиран на заслуги. Доколку земјите спроведат реформи, тие можат да се приклучат дури и пред 2030 година. Но, заслугите се тие што можат да се променат. Албанија и Црна Гора се очигледно во предност во споредба со другите земји“, рече Кошта во интервјуто.

Медиумот наведува дека претседателот на Србија, бил единствениот лидер на земја кандидат за ЕУ ​​кој присуствувал на прославата за Денот на победата во Москва на 9 мај, дека Србија никогаш не се приклучила на санкциите на ЕУ против Русија и дека владата во Белград со месеци се соочува со протести каде што демонстрантите ги обвинуваат властите за корупција и ограничување на политичките и медиумските слободи.

За време на работниот состанок со претседателката на Европската комисија, Урсула фон дер Лајен, минатиот месец, Кошта рече дека Вучиќ „бил многу јасен во врска со формирањето на новата влада и усвојувањето на три клучни реформи: изборниот закон, слободата на медиумите и борбата против корупцијата“.

Коментирајќи го присуството на Вучиќ во Москва и политичките тензии во Србија, Кошта рече дека еден од условите за членство е усогласување на надворешната политика со ЕУ.

Кошта повтори дека проширувањето кон Западен Балкан е еден од приоритетите на ЕУ и ги повика земјите-кандидатки да се посветат на реформите.

Тој рече дека во срцето на неговата мисија во Западен Балкан е потребата Брисел да не ја изгуби стратешката контрола врз клучниот регион.

„Руската инвазија на Украина го забрза процесот на пристапување за Украина и Молдавија, па затоа не е фер земјите од Западен Балкан да гледаат како ги престигнуваат. Ова ќе ги охрабри побрзо да ги спроведат реформите“, рече тој.

Коментирајќи го порастот на тензиите на Западен Балкан, Кошта рече дека не знае „подобар поттик за надминување на се уште отворените конфликти од членството во Европската унија“.

„Тоа е најдобриот услов што може да им се понуди на земјите од Западен Балкан, можност за просперитет што тешко би ја нашле на друго место“.

Во врска со намалувањето на поддршката и интересот на граѓаните на Србија за ЕУ поради нејзината двоумење во врска со проширувањето, Кошта рече дека „најважно е да се разбере значењето“ на ЕУ.

„Минатата недела ја одбележавме 75-годишнината од Шумановата декларација, првиот чекор кон денешната Унија. Она што навистина ја изгради ЕУ беше волјата за надминување на раните од минатото“, заклучи тој.

Последната станица од турнејата на Кошта е Тирана, каде што в петок ќе учествува на самитот на Европската политичка заедница, што ги обединува повеќе од четириесет европски земји, а е основана во 2022 година по руската инвазија на Украина и чија агенда вклучува и проширување на ЕУ кон Западен Балкан.

„Во рамките на Европскиот совет постои широк политички консензус дека проширувањето е најважната геополитичка инвестиција што може да се направи за стабилноста, мирот и просперитетот на цела Европа, вклучувајќи ги и земјите од Западен Балкан“, рече Кошта.

Тој истакна дека „земјите од ЕУ и Западен Балкан делат заедничка визија, бидејќи припаѓаат на европското семејство“.

Тагови: Антонио Кошта Србија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Ревија на костими за капење на „Sports Illustrated Swimsuit“

Списанието „Sports Illustrated Swimsuit“ секоја година организира ревија на костими за капење во Мајами.

Фото: Ревија на костими за капење на „Sports Illustrated Swimsuit“

Учеснички во програмата се главно ѕвезди од реални шоуа, инфлуенсерки и дами од модната индустрија, така било и годинава.

Меѓу многуте убавици кои прошетаа во минијатурно бикини по пистата беше и провокативната реалити ѕвезда Стаси Шредер.

Станува збор за поранешната ѕвезда на реалното шоу „Vanderpump Rules“, која ги воодушеви многумина на модната ревија со својот атрактивен изглед и секси одење.

Сепак, јавноста на социјалните мрежи не беше задоволна од нејзините вештини, па за кратко време Стаси стана предмет на потсмев и бројни критики.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Секси русокосата не препушта ништо на случајноста

Актерката и манекенка Брукс Надер не престанува да изненадува со своите провокативни изданија, а моментално ужива во Франција, од каде што доаѓаат и нејзините најнови фотографии.

Фото: Секси русокосата не препушта ништо на случајноста

Моделот и актерка Брукс Надер ужива во топлотниот бран, со неа уживаат и нејзините следбеници кои желно ја очекуваат секоја нова објава на оваа контроверзна убавица.

Неодамна таа престојуваше и на Јадранот – ги посети Хрватска и Црна Гора – а нејзините изданија од таму исто така оставија силен впечаток на социјалните мрежи.

Сепак, таа подготви нешто ново за Франција, па најпрво позираше во кратки бели шорцеви и ѝ сврте грб на камерата, а иако не е првпат да покаже нешто повеќе, повторно ги воодушеви и изненади сите.

Меѓу низата фотографии се најдоа и оние на кои Брукс носи кратки и длабоко деколтирани фустани, па нејзините бујни гради беа главна тема и на овој одмор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Веќе 21 фудбалер се платени повеќе од 100 милиони евра за трансфер

Дали фудбалерите навистина вредат толку многу? 

Веќе 21 фудбалер се платени повеќе од 100 милиони евра за трансфер

Веќе 21 фудбалер се платени повеќе од 100 милиони евра за трансфер, а Јан Диоманде би можел да биде следниот.

Најголемиот трансфер што моментално се подготвува на пазарот е доаѓањето на Јан Диоманде од РБ Лајпциг во Реал Мадрид.

Доколку трансферот се реализира, репрезентативецот на Брегот на Слоновата Коска ќе се приклучи кон ексклузивната група играчи за кои се платени повеќе од 100 милиони евра.

Досега, 21 фудбалер ја достигнале таа вредност, почнувајќи од летото 2013 година, кога Реал Мадрид му плати на Тотенхем 101 милион евра за Герет Бејл.

Оттогаш, трансферите со обештетувања од деветцифрени износи станаа многу почести и веќе не предизвикуваат толку многу полемики како порано.

Доаѓањето на клубови во сопственост на држави и милијардери дополнително го зголеми бројот на вакви трансфери.

Меѓу нив, се издвојува Пари Сен Жермен, кој во 2017 година ги сруши сите рекорди со плаќање 222 милиони евра за Нејмар, активирајќи ја неговата откупна клаузула од договорот со Барселона.

Само неколку недели подоцна, ПСЖ го доведе и Килијан Мбапе од Монако за 180 милиони евра.

Ако има еден клуб што доминира на оваа листа, тоа е Челзи.

Во ерата на Роман Абрамович, а потоа под сопственост на Тод Боели, лондонскиот клуб донесе дури пет играчи за повеќе од 100 милиони евра: Морган Роџерс, Енцо Фернандез, Мојсес Кајсед, Ромелу Лукаку и Каи Хаверц.

Клубови од Премиер лигата учествуваа во дури 11 од вкупно 22 трансфери вредни над 100 милиони евра.

Шпанската Ла Лига, вклучувајќи го и евентуалното доаѓање на Диоманде, учествув во осум такви трансфери. Четири би му припаднале на Реал Мадрид, три на Барселона и еден на Атлетико Мадрид.

Франција е претставена од ПСЖ, додека единствениот претставник на Серија А е Јувентус, поради Кристијано Роналдо.

Покрај тоа што сè уште е најскапиот трансфер во историјата на фудбалот, Нејмар е и играчот за кого се издвоени најмногу пари во текот на неговата кариера.

Барселона и ПСЖ заедно платија речиси 400 милиони евра за неговите трансфери.

На второто место е Ромелу Лукаку, за кого клубовите издвоија вкупно околу 370 милиони евра, додека Кристијано Роналдо е трет со 247 милиони.

Трансфери над 100 милиони евра:

1.Нејмар – 222 милиони евра (Барселона → ПСЖ)

2.Килијан Мбапе – 180 милиони евра (Монако → ПСЖ)

3.Александар Исак – 145 милиони евра (Њукасл → Ливерпул)

4.Морган Роџерс – 138 милиони евра (Астон Вила → Челзи)

5.Елиот Андерсон – 135 милиони евра (Нотингем Форест → Манчестер Сити)

6.Жоао Феликс – 127,2 милиони евра (Бенфика → Атлетико Мадрид)

7.Флоријан Вирц – 125 милиони евра (Баер Леверкузен → Ливерпул)

8.Енцо Фернандес – 121 милиони евра (Бенфика → Челзи)

9.Филипе Кутињо – 120 милиони евра (Ливерпул → Барселона)

10.Антоан Гризман – 120 милиони евра (Атлетико Мадрид → Барселона)

11.Џек Грилиш – 117,5 милиони евра (Астон Вила → Манчестер Сити)

12.Мојсес Каиседо – 116 милиони евра (Брајтон → Челзи)

13.Еден Азар – 115 милиони евра (Челзи → Реал Мадрид)

14.Ромелу Лукаку – 113 милиони евра (Интер → Челзи)

15.Кристијано Роналдо – 112 милиони евра (Реал Мадрид → Јувентус)

16.Сандро Тонали – 108 милиони евра (Њукасл → Тотенхем)

17.Пол Погба – 105 милиони евра (Јувентус → Манчестер Јунајтед)

18.Усман Дембеле – 105 милиони евра (Борусија Дортмунд → Барселона)

19.Џуд Белингем – 103 милиони евра (Борусија Дортмунд → Реал Мадрид)

20.Герет Бејл – 101 милион евра (Тотенхем → Реал Мадрид)

21.Каи Хаверц – 100 милиони евра (Баер Леверкузен → Челзи)

Тагови: милиони Фудбал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер