Кошарка

Кошаркарите ги почнаа подготовките за квалификациите за Евробаскетот

Селекторот Александар Џикиќ денеска со 13 кошаркари ги почна подготовките на македонската репрезентација, за настап во квалификациите за Европското првенство 2015. Во наредните денови се очекува приклучување на уште неколкумина играчи кои ќе влезат во конкуренција за конечниот список за Квалификациите.

- Иако очекуваме уште неколку кошаркари да ни се приклучат на подготовките во наредните денови, веќе почнавме со работа според планот. На почеток се фокусираме на враќање на тимот во тренинг и натпреварувачка форма, со оглед на тоа што играчите имаа подолга пауза по завршувањето на клупската сезона. По првиот тренинг можам да кажам дека сум задоволен од пристапот и од мотивацијата со која играчите влегуваат во овој процес на редовни тренинзи. Имаме и неколку помлади кошаркари во тимот, од кои имам позитивен впечаток за почеток, го прифаќаат она што го барам од нив и знаат дека не очекува период во кој ќе се работи напорно. За останати детали е се уште многу рано, така што останува да се држиме на предвидениот ритам на тренинг и да ја следиме и константно да ја унапредуваме формата на играчите, изјави Џикиќ по првиот тренинг.

Според планот на подготовки, репрезентацијата ќе тренира по два пати дневно во Скопје до 10 јули, по што тимот ќе се пресели во Охрид каде ќе го одигра првиот од двата подготвителни турнири, на кој Македонија ќе игра против Романија, Грузија и Австрија.

Тие натпревари се предвидени да се играат од 16 до 18 јули, по што репрезентацијата повторно се враќа во Скопје.

Квалификациите за Евробаскетот почнуваат на 10 август, кога на домашен терен ја пречекуваме Белгија. Покрај Македонија и Белгија, во нашата квалификациска група се уште и Белорусија и Данска.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Клековски се сретна со повредените од „Пулс“

Министерот за здравство Сашо Клековски синоќа имал средба со повредените од пожарот во дискотеката „Пулс“ во Кочани. Тој самиот информираше за средбата на неговата фејсбук-страница.

– Државата е тука – на долги стази – нагласува Клековски во објавата.тој посочува дека разговарале за нивната состојба, за потребите и за грижата што им е потребна и понатаму. Ги најавив можностите и следните чекори. Со нас беа и д-р Катарина Мирчовска и д-р Гордана Георгиева, од работната група на министерство за здравство, чија цел е оценка, советување, организација и следење на третманите на секој пациент. Тоа е основа за натамошна грижа прилагодена на потребите на секој од нив. На средбата присуствуваше и градоначалникот на Кочани, Вадко Грозданов – додаде министерот во објавата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Кристијано Роналдо казнет со 255 евра!

Фудбалската федерација на Португалија покрена дисциплинска постапка против Кристијано Роналдо, а тој е и парично казнет поради својот испад.

Од федерацијата соопштија дека Роналдо е суспендиран од националниот тим во траење од 30 дена, како и дека е должен да плати 255 евра. Да, добро прочитавте – 255 евра, а не 255 илјади евра.

Роналдо, всушност, призна дека ја заслужил казната, но нема сомнеж дека таа е далеку под очекувањата со оглед на инцидентот што го предизвика.

Роналдо дебитираше за Португалија во 2003 година, а досега има одиграно 234 натпревари и постигнато 146 голови. Со националниот тим, тој го освои Европското првенство во 2016 година, како и трофеите во Лигата на нации во 2019 и 2025 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: Време е некој друг да преговара во име на Украина, можна е средба со Путин и Си Џинпинг

Американскиот претседател Доналд Трамп го обвини украинскиот лидер дека не сака да ја заврши војната. Тој истакна дека Украина, во просек, губи од 25.000 до 35.000 војници секој месец.

Москва не гледа можност за завршување на војната без учество на „некој претставник од Киев“ кој е подготвен да „преземе одговорност“, соопштија од Кремљ.

Украинскиот преговарачки тим добил сигнал од американската страна за подготвеност за одржување средба, а разговорите би можеле да се одржат во вторник или среда, изјави претседателот Володимир Зеленски.

Во меѓувреме, американскиот претседател повторно го обвини Зеленски дека не сака да ја заврши војната и дека не прави многу за да помогне. Тој сугерираше дека можеби е време некој друг да преговара во име на Украина.

„Овој конфликт можеше да биде решен уште одамна. Да ме беше послушал – се сеќавате ли како беше во Овалната соба? Ова можеше да се реши уште пред многу време. Време е некој друг да преговара во име на Украина. Можеби е време Украина да номинира некој друг, а не Зеленски, за мировните преговори“, им рече Трамп на новинарите пред Белата куќа.

Според Трамп, Русија се однесувала соодветно кон Украина: „Искрено кажано, Русија се однесуваше сосема нормално кон Украина. Не направија ништо што би било надвор од вообичаеното“.

Тој најави дека е отворен за разгледување на можноста за трилатерална средба со рускиот претседател Владимир Путин и кинескиот претседател Си Џинпинг. „Би разговарале за нуклеарното оружје и нуклеарното разоружување. Ако претседателот Си сака да се одржи средбата, јас би учествувал“, рече Трамп.

Папата Лав XIV го повика украинскиот претседател Володимир Зеленски да соработува со цел да се овозможи достава на хуманитарна помош и евакуација на цивили од Олешки.

Тагови: Володимир Зеленски Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.