Кошарка

Кошаркар ги собра соиграчите за да им каже дека е геј, реакцијата е хит (ВИДЕО)

Австралискиот кошаркар Исак Хемфрис на својот Твитер профил го сподели моментот кога ги собрал соиграчите од Мелбурн Јунајтед и им признал дека е геј.

Во емотивниот говор тој истакнал дека тоа е веројатно најтешката работа што ја направил во животот, признал дека минува низ мрачен период и нагласил дека не сака да крие кој е и што е.

„Пред неколку години паднав во мрачен и осамен простор, не можев да бидам тоа што сум. Ќе си го одземев животот. Главната причина за тоа беше мојата борба со мојата сексуалност, со признавањето дека сум геј . Го мразев тоа во себе и ми се гадеше. Мислев дека не можам да бидам таков во кошаркарска средина“, изјави тој.

"Не сакам да кријам кој сум. Решив дека ако влезам во некој тим, ќе признаам сѐ јавно, за луѓето да знаат дека е можно да се живее без криење само затоа што си спортист. Ние имаме должност да бидам пример за другите, има многу што не знаат да живеат.Знам како им е и сакам да ги претставувам.Можеш да бидеш геј и да бидеш одличен кошаркар.Сакам да бидам тоа што сум “, додаде тој и се расплака.

Неговите соиграчи крајот на неговиот говор го поздравија со аплауз. Секој од нив стана и го прегрна. Пред да потпише за Мелбурн Јунајтед, Хемфрис играл за голем број клубови, вклучувајќи го и ФМП. Тој се обидел да го освои и своето место во НБА лигата, каде накратко настапувал за Атланта Хокс.

Свет

ЕУ го забрани името „Пабло Ескобар“ како трговска марка

Судот на правдата на Европската унија го отфрли барањето за регистрирање на името „Пабло Ескобар“ како трговска марка, бидејќи тој назив се поистоветува со дрога и организиран криминал.

Порториканска компанија поврзана со семејството на Ескобар поднесе барање во септември 2021 година да го регистрира името на озлогласениот колумбиски наркобос како заштитен знак за своите стоки и услуги во ЕУ. Во меѓувреме, и Канцеларијата за интелектуална сопственост на ЕУ (ЕУИПО) одби да ја прифати регистрацијата на брендот, затоа што „за европската јавност тоа е спротивно на вредностите на ЕУ“, се вели во образложението.

„ЕУИПО го одби барањето за регистрација со образложение дека ознаката е спротивна на јавната политика и ги прифати моралните принципи“, се вели во соопштението на Судот, и се додава дека ЕУИПО се потпира на „гледиштето на шпанската јавност каде што Ескобар е најпознат поради поврзаноста меѓу Шпанија и Колумбија“.

Според барателите, пак, имињата како Бони и Клајд, Ал Капоне и Че Гевара веќе се регистрирани како заштитен знак во ЕУ, па следствено - и за „Пабло Ескобар, кој поради неговите многубројни добри дела за сиромашните во Колумбија, стана митска фигура во мејнстрим популарната култура“, треба да важи истото. Аргумент повеќе е тоа што Ескобар не е судски осуден криминалец.

Според Судот, „фундаменталното право на презумпција на невиност на Пабло Ескобар не е повредено бидејќи, иако тој никогаш не бил кривично осуден, во Шпанија јавноста го доживува како симбол на организираниот криминал и бројни злосторства“.

Ескобар, убиен во 1993 година, беше сметан за водач на озлогласениот картел во Меделин и со десетлетија важеше за еден од водечките и најбогати криумчари на кокаин во светот.

Македонија

Приведени крадци во Битола

 Полициски службеници од СВР Битола вчера ги лишиле од слобода битолчаните К.Б.(30) и Н.Б.(41) поради тешки кражби.

- При претрес во домот на К.Б., извршен со судска наредба, биле пронајдени и одземени пари во различни апоени и повеќе предмети за кои постои сомнение дека потекнуваат од кривично дело „тешка кражба“ по член 236 од Кривичниот законик. Додека, при претрес во домот на Н.Б., извршен исто така со судска наредба, биле пронајдени повеќе предмети за кои постои сомнение дека потекнуваат од кривично дело „тешка кражба“ по член 236 од Кривичниот законик, информираат од МВР.

Регион

Србија: Приведени четворица припадници на косовската полиција

Четворица припадници на косовската полиција „се приведени во средата при контрола на административниот премин, а еден од нив е задржан“, соопшти денеска српското Министерство за внатрешни работи.

Во соопштението се истакнува дека помеѓу приведените е изаменик-директор на косовската полиција, кој е задржан.

Тие се приведени при контрола на премините, поради безбедносни проверки, прецизира српското МВР.

притисни ентер