Кошарка ќе се игра, клубовите ги прифатија аргументите на МКФ - Канал 5

Кошарка

Кошарка ќе се игра, клубовите ги прифатија аргументите на МКФ

По вчерашниот ултимативен став, на дел од клубовите, упатен кон Македоската кошаркарска федерација (МКФ), дека тимовите ќе го бојкотираат првенството и националниот куп, а по несогласувањата околу изречените суспензии на четири тима кои не ги исполниле своите финансиски обврски кон федерацијата, денеска најголем дел од тимовите ретерираа со ваквиот став.

Кошарка ќе се игра, клубовите ги прифатија аргументите на МКФ
По средбата на претседателот на МКФ, Петар Наумоски од една и претставниците на клубовите од друга страна, поголемиот дел од прволигашките екипи, се изјаснија дека кошарка мора да се игра и дека ги прифаќаат обврските кои ги имаат.

Таков беше случајот со екипата на Струмица која денеска веќе уплатила дел од обврските. За останатиот дел, претставникот на клубот, побарал согласност од другите клубовите и федерацијата, тој да биде регулиран по утврдена динамика, односно истиот во целост да го исплатат пред почнувањето на вториот дел од шампионатот, односно Супер или Плејаут лигата. Ваквото барање на струмичани, наиде на разбирање кај клубовите и федерацијата, по што на раководството на КК Струмица им останува обврската писмено да ја достават динамиката и да ја регулираат обврската.

Ова практично значи дека претстојните средби од осминафиналето во Купот на Македонија, меѓу Струмица и Гостивар и Вардар и Пелистер ќе се одиграат во предвидениот термин (утре) 1 февруари.

Иако, АВ Охрид немал свој претставник на состанокот, сепак од клубот со писмо ги искажале својот став, во кое оваа екипа ги поддржала ставовите на федерацијата, а воедно уште еднаш потврдила дека не е за никаков бојкот на првенството. Напротив од АВ Охрид сметаат дека кошарка мора да се игра, а клубовите мора да ги почитуваат правилата, но, пред се, се преземените обврски.

Единствено, останува да се видат и официјалните ставови на КК Куманово и КК Кожув, кој немал свој претставник на денешната средба. Овие екипи ќе треба најдоцна до петок да се произнесат, за да може веќе претстојниот викенд да се одиграат комплетните натпревари од редовното коло во Првата лига.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Во сообраќајка во Уганда загинаа над 20 деца- светот е во шок од состојбата на автобусот (ВИДЕО)

Најмалку 20 ученици и еден возрасен загинаа откако автобус што превезувал ученици на екскурзија се урна во источна Уганда, соопштија локалните власти.

Во сообраќајка во Уганда загинаа над 20 деца- светот е во шок од состојбата на автобусот (ВИДЕО)

Како што објави Би-Би-Си, ова е една од најлошите сообраќајни несреќи во земјата во кои учествувале деца во последните години.

Десетици други, вклучително и вработени, беа повредени во несреќата во областа Капчорва во четврток вечерта.

Прелиминарните истраги покажуваат дека автобусот имал механички дефект пред возачот да ја изгуби контролата врз возилото на ридот Чекватит, дел од патот што е место на неколку сериозни несреќи, соопштија локалните власти.

„Возачот наводно ја изгубил контролата врз возилото, кое излетало од патот, удрил во голема карпа покрај патот и се превртел“, соопшти полицијата.

Автобусот, кој превезувал ученици од основното училиште „Крал Дејвид“ во Ндеја, се урна околу 20 часот по локално време (17 часот по Гринич) во селото Чекватит, округот Кавово, соопшти полицијата.

„За жал, 20 деца и еден возрасен, кој беше основач и директор на училиштето, г-дин Тадео Секаде, отидоа да бидат со Господ“, напиша министерот за локална самоуправа Балам Атењи Баругахара на платформата X додека беше на местото на несреќата.

Видеата споделени од очевидци покажаа дека автобусот е тешко оштетен додека локалното население брзаше да им помогне на повредените деца.

Учениците се враќаа од студиско патување, а локалните медиуми објавија дека претходно ги посетиле водопадите Сипи, популарна туристичка област.

Илјадници луѓе умираат во сообраќајни несреќи во Уганда секоја година. Брзината, лошо одржуваните возила и опасните патишта се меѓу главните причини, според сообраќајните власти.

Најновата несреќа се случува во време кога повторно се покрена загриженоста за безбедноста на училишниот превоз, откако во земјата во последните недели беа пријавени неколку сериозни автобуски несреќи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Да продолжиме заедно, обединети, храбри и одговорни, за Битола која расте

Вечерва, по повод одбележувањето на роденденот на Општинскиот комитет на ВМРО-ДПМНЕ Битола, имав чест да се обратам пред членовите, ветераните, младите, Унијата на жени и бројните поддржувачи на нашата партија.

Мицкоски: Да продолжиме заедно, обединети, храбри и одговорни, за Битола која расте

Ако постои една лекција што ја научивме низ сите изминати години, тогаш тоа е дека ВМРО-ДПМНЕ е најсилно кога е обединето. Ниту една функција, ниту една позиција и ниту едно лично несогласување не може да биде поважно од довербата што ни ја дава народот. Нашата сила никогаш не била во поединците, туку во заедништвото и чувството дека припаѓаме на нешто поголемо од нас самите. Довербата не е сопственост на ниту една партија и ниту еден политичар, таа е позајмена од граѓаните и трае само додека работиме чесно, посветено и одговорно. Нашата победа има вистинска смисла само ако ја претвориме во подобар живот за граѓаните во нови работни места, повисоки плати и пензии, подобро здравство и образование, посилни институции и држава во која успехот зависи од трудот, знаењето и чесноста.

Верувам во Македонија затоа што верувам во нашиот народ. Верувам во Битола затоа што знам колку сила, талент и достоинство има во луѓето на овој град. Нашите најдобри денови не се зад нас, туку пред нас, доколку останеме блиску до народот, доколку не дозволиме функциите да нè променат и доколку секоја победа ја сфатиме како нова обврска.

Да продолжиме заедно, обединети, храбри и одговорни, за Битола која расте, за Македонија која победува и за иднината што сме должни да ја изградиме, објави на ФБ претседателот на ВМРО-ДПМНЕ и премиер, Христијан Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

ФИФА потврди колку ќе трае полувремето на финалето на Мундијалот

ФИФА го реши прашањето за полувремето во финалето на Светското првенство меѓу Шпанија и Аргентина, кое ќе се игра оваа недела на стадионот „МетЛајф“. 

ФИФА потврди колку ќе трае полувремето на финалето на Мундијалот

Паузата ќе трае 17 минути, само две минути подолго од стандардното. Оваа информација официјално ја потврди и чадор-фудбалската организација, пишува „Марка“.

Шпанската и аргентинската федерација се информирани дека музичките настапи на Шакира, Мадона и Џастин Бибер ќе траат вкупно 11 минути. Со ова се побија претходните најави дека паузата може да се продолжи на повеќе од половина час поради големиот број изведувачи.

Навлажнување на теренот и логистика

Преостанатите шест минути се резервирани за поставување и отстранување на сцената и за наводнување на тревникот. Ова е за натпреварот со шпанската репрезентација, која изрази загриженост за состојбата на теренот. Во претходните натпревари на „МетЛајф“, тревникот беше многу сув, што го забави движењето на топката.

За разлика од времетраењето на полувремето, правилото за паузи за освежување не е променето. Поради високите температури, дури и во финалето, судијата ќе ја прекине играта еднаш на средина од секое полувреме, како што беше практика во текот на целиот турнир.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер