Култура

Корејската култура низ музика и филм од утре до 31 октомври во Скопје

Граѓаните на Македонија првпат ќе имаат можност да уживаат во корејската музика, кинематографија и фотографија за време на „Деновите на корејската култура во Скопје“, организирани од Амбасадата на Република Кореја во Бугарија.

Манифестацијата ќе почне утревечер во Македонскиот народен театар со концерт „Музика и ритми од Кореја“ на кој познатиот ансамбл „Булсечул“ и популарните „Нанта“ ќе изведат несекојдневно шоу со традиционална корејска музика. Музиката што ја создава овој осумчлен ансамбл доаѓа од најантичката религија на полуостровот – шаманизмот, како и од корејската народна музика, а „Булсечул“ ја надоградува на уникатен начин - давајќи и нов и модерен звук. Ќе бидат изведени и традиционални танци, меѓу кои и танц кој е прогласен за културно наследство и корејски танц на маски.

Корејскиот амбасадор Шин Менг-хо денеска на прес-конференција ја соопшти програмата, која по утрешниот концерт ќе продолжи во петок и сабота со прикажување на некои од најпопуларните корејски филмови. На 30-ти и 31 октомври во Кинотеката на Македонија под наслов „Корејска филмска одисеја“ македонската јавност ќе може да ги види филмовите: „Ода за татко ми“ „Маскенбал“, „Монструмот“, „Тајно, величествено“, „Кралскиот кројач“.

- Ова е прво претставување на корејската култура пред македонскиот народ досега, па мислевме дека традиционална тема е најсоодветна за овој настан. Во име на тоа, на 29 октомври, првиот дел од програмата ќе се состои од корејска традиционална музика, на моменти и комбинирана со танц. Мислам дека Булсечул и Нанта претставуваат две многу различни лица на корејската култура. Едното е филозофско, а другото динамично и пријатно, рече Шин Менг-хо.

Акробатското кујнско шоу „Нанта“, кое ќе биде втор дел од утрешниот концерт, е комичен музички невербален настап, кој доаѓа од традиционалниот корејски инструментален перформанс „Samulnory“. Кујната е нивната позадина, со готвачи како главни ликови. Ножевите и другиот кујнски прибор стануваат музички инструменти во рацете на изведувачите.

„Нанта“ е меѓу најпознатите шоуа во Кореја уште од премиерната изведба во октомври 1997, кога на едно место има собрано најголем број на гледачи во историјата на корејскиот театар. Тоа е прво азиско шоу кое се појавило на Бродвеј. Нивниот театар е отворен 365 дена во годината, а го имаат посетено над еден милион странски посетители. „Нанта“ досега настапиле во 51 земја, 289 градови, привлекувајќи странска публика од над два милиони.

За време на дводневната филмска програма пак, во Кинотеката ќе биде поставена и изложба на слики на платно со мотиви од Сеул, на уметникот Симон Калајџиев, и изложба на фотографии „Впечатоци од Кореја“. Влезот за сите настани е бесплатен.

Амбасадорот Шин Менг-хо им се заблагодари на министерствата за култура и за надворешни работи што го поддржале организирањето на настанот, и на Корејската туристичка организација за финансиската поддршка. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Билиќ и по дебаклот против Англија останува на клупата на Хрватска

рватската фудбалска репрезентација претрпе еден од најтешките удари во својата историја!

Во мечо до Лигата на нации, Англија славеше со неверојатни 7:0 на „Рујевица“ и им го нанесе најтешкиот пораз во историјата на популарните „Ватрените“, а веднаш по тој историски дебакл се наметна прашањето – што ќе се случи со селекторот Славен Билиќ?

Дел од хрватската јавност веќе почна да бара негово заминување, но претседателот на Хрватскиот фудбалски сојуз, Маријан Кустиќ, по натпреварот повлече потег со кој ја отстрани најголемата дилема.

Билиќ, барем засега, останува на хрватската клупа.

Како што пренесоа хрватските медиуми, по натпреварот Кустиќ се симнал во соблекувалната и им се обратил на репрезентативците и на целиот стручен штаб.

Пораката била јасна и воопшто не беше пријатна.

Кустиќ им дал до знаење на фудбалерите дека начинот на кој одиграа против Англија, како и нивниот однос кон хрватскиот дрес, се неприфатливи.

Сепак, по критиките следувала и поддршка.

Претседателот на ХНС им порачал на фудбалерите дека поради едно катастрофално издание не станале лоши играчи преку ноќ и дека очекува реакција уште на следниот натпревар.

Тој особено го истакнал престојниот дуел со Шпанија утре на „Пољуд“, каде што Хрватска ќе има можност да покаже карактер и да се обиде да го поправи впечатокот по дебаклот против Англија.

Потоа претседателот Кустиќ ја решил и најголемата дилема.

Маријан Кустиќ му даде безусловна поддршка на Славен Билиќ!

Тоа значи дека, и покрај најтешкиот пораз во историјата на хрватската репрезентација, ХНС (HNS) во моментов не планира да го смени селекторот.

Билиќ останува на клупата и ќе има можност да покаже реакција со тимот веќе на натпреварот против Шпанија. Самиот Билиќ ја презеде одговорноста ден по дебаклот и изјави дека Хрватска мора да покаже карактер.

„Ја преземам одговорноста за ова разочарување што ѝ го приредивме на Хрватска“, рече Билиќ, порачувајќи дека дуелот со Шпанија е можност тимот да го поправи впечатокот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Филипче: Фон дер Лајен му ја одзеде лагата на Мицкоски за македонскиот идентитет

Претседателот на СДСМ, д-р Венко Филипче, на денешната прес-конференција рече дека посетата на Фон дер Лајен ги разобличи лагите на Христијан Мицкоски за наводната загрозеност на македонскиот идентитет.

„Нема Христијан повеќе што да лаже. Не може повеќе да глуми патриот кој ги штити националните интереси, поради тоа што вистината е дека тие се заштитени и никој, никогаш, на ниту еден начин, нема да може да ни ги одземе. Христијан не е задоволен од посетата, нормално, затоа што претседателката Фон дер Лајен му ја одзеде лагата“, рече Филипче.

Тој потсети на изјавите и ветувањата на Мицкоски за Преспанскиот договор и на потврдата дека договорот го штити националниот идентитет.

„Велеше, идентитетот е загрозен, ќе го поништиме Преспанскиот договор. И што направи човекот? Ништо. Кажа дека Преспанскиот договор е ремек-дело на дипломатијата. Претседателката Гордана Сиљановска потврди дека Преспанскиот договор го штити нашиот национален идентитет“, потенцираше претседателот на СДСМ.

Филипче нагласи дека се потврдени ставовите што СДСМ ги застапува за заштитата на македонскиот идентитет и јазик а лагите на Мицкоски се целосно потопени.

„Јасно е дека овие луѓе со лага дојдоа на власт, глумејќи патриоти, и сега со лаги сакаат на власт да останат. Се потврди сè што зборувавме досега. Идентитетот зачуван, потврден со Преспанскиот договор. Јазикот потврден со договорот Фронтекс, потпишан на чист македонски јазик“, истакна Филипче.

Претседателот на СДСМ посочи дека задржувањето на државата во изолација ги загрозува нејзината иднина и интересите на граѓаните.

„Не напредуваме, стоиме во место. Поминуваат шансите покрај нас, а младите луѓе се селат. Ние тонеме во сиромаштија. Нека не го губи времето повеќе на државата Христијан Мицкоски, затоа што ниту е патриот, ниту ги штити националните интереси. Еве, го потврди тоа и претседателката Фон дер Лајен. Тоа е само еден обичен лажго којшто сака да остане на власт“, рече претседателот на СДСМ, д-р Венко Филипче.

Скопје, 05.10.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Филипче ако сака во ЕУ, не треба да лаже и да води селективна борба против корупција и криминал

Венко Филипче и талогот од СДС зборуваат само за ЕУ и нашето пристапување во ЕУ по секоја цена.

Во оваа прилика им укажуваме дека еден од главните услови за ЕУ е токму борбата против корупцијата.

Ова што Филипче сега го прави изгледа како селективна борба против корупцијата и борба против сопартијци кои му се неистомисленици.

Меѓу нив последен е случајот кој го наведе, поточно скандал тежок 37 милиони евра во Министерството за одбрана кога министерка беше Славјанка Петровска, актуелна пратеничка на СДС, а сега и дел од платформата 12.05 која бара промени во СДС.

За овој случај ВМРО-ДПМНЕ го повика јавното обвинителство да постапи, како што го повикува за секој еден случај со корупција и криминал без разлика кој е осомничен.

Филипче пак е должен за овој случај и за било кој друг, каде има сомнеж за криминал, да ги достави до јавното обвинителство сите информации со кои располага. Филипче воедно треба да информира и да доставува информации до обвинителството за секој случај без разлика кој е осомничен. Во спротивно ќе сметаме дека Филипче лаже и применува двојни аршини.

Бране Петрушевски, пратеник на ВМРО-ДПМНЕ

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.