Доналд Трамп покрај фудбалерите беше најголемата ѕвездата на Светското клупско првенство, кое за прв пат се одржува во САД во формат со 32 екипи.

Американскиот претседател го покажа тоа кога им го украде шоуто на фудбалерите на Челзи за време на церемонијата на доделувањето на вредниот трофеј на ФИФА.

Трамп интересно одбиви да го напушти подиумот кога трофејот им беше врачен на фудбалерите на Челзи кои во големото финале на за вредната Мундијалска круна го декласираа актуелниот освојувач на Лигата на шампионите, ПСЖ со 3-0 и наместо тоа остана да слави со нив во првиот ред.

Претседателот на САД сега отрки и интересен детал поврзан со ФИФА трофејот.

Тој сега откри дека не само што бил „главен“ на церемонијата, туку на фудбалерите на Челзи им дал копија од трофејот, додека оригиналот го задржал за себе.

Пред почетокот на натпреварувањето, Џани Инфантино, претседателот на ФИФА, го донесе оригиналниот трофеј од Светското клупско првенство во Белата куќа за да му го покаже на Трамп. Сепак, потоа го остави во Овалната соба, каде што беше изложен.

„Ги прашав: Кога ќе го земете трофејот? Тие рекоа: „Никогаш нема да го земеме. Може да остане во Овалната соба засекогаш. Правиме нов.“ „И тие направија нов.“ „Тоа беше возбудливо, а сега е тука во Овалната соба“, рече Трамп.

Челзи ја има репликата, а Трамп го има оригиналот.

Трофејот за светскиот клупски шампион е дизајниран од познатата златара „Тифани и Ко.“ и вреди околу 230 илјади долари. Американските медиуми објавуваат дека репликата е идентична по квалитет со оригиналот во однос на изработката и материјалот, а деловите се од 24-каратно злато. Челзи не го доби трофејот во трајна сопственост.

Како што е случајот со трофејот освоен од репрезентацијата што е светски шампион, таа мора да го врати во ФИФА за четири години, за следниот Светски куп. Победниците нормално ќе добијат реплики во трајна сопственост, но на Светското првенство победничката репрезентација го добива оригиналниот трофеј за период од четири години. Сепак, Челзи веќе доби реплика во привремена сопственост и не е познато како ФИФА ќе го регулира ова во иднина, со оглед на тоа што оригиналниот трофеј е кај Доналд Трамп.

Фудбалерите на Челзи за освојување на вредниот Мундијалски пехар ќе добијат вредна награда од клубот.

Лондонскиот клуб богато ќе ги награди играчите за освојување на светското првенство.

Дејли Телеграф пишува дека секој од нив ќе добие по 400 илјади евра. Со оглед на тоа што Челзи има 29 играчи, клубот ќе издвои 11,6 милиони евра за бонуси.

Англиските медиуми пишуваат дека ваквите високи бонуси се дел од новата структура на Челзи. Клубот одлучи дека во иднина нема да им дава на играчите превисоки плати како досега, туку наместо тоа ќе ги мотивира со бонуси во зависност од нивните успеси.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.