Портпарол на берлинската полиција изјави за „Билд“ дека пукањето се случило утрово околу 02:00 часот, дека било пукано кон група луѓе на улицата Перлебергер и дека еден маж бил застрелан во ногата. Повредениот млад човек бил пренесен во болница, каде што му била извршена итна операција.

На случајот работи Одделот за криминалистички истраги, а како што е наведено, сè уште не е јасно дали младиот човек бил цел на пукањето или бил случајна жртва, ниту пак дали групата што отворила оган била на пат кон полициската станица.

Претседателот на Синдикатот на берлинската полиција (GdP), Штефан Ве, изјави дека пукањето во Берлин е загрижувачко, „но фактот дека некој безмилосно пукал во човек пред полициската станица открива димензија што никој не може да ја оправда“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Одлука со која се врши намалување на малопродажните цени на нафтените деривати во просек за 1,06% во однос на одлуката од 21.9.2026 година.

Референтните цени на нафтените деривати на светскиот пазар во споредба со претходната пресметка бележат зголемување и тоа во просек: кај бензините за 0,049%, кај дизелот има намалување за 6,734%, кај екстра лесното масло исто има намалување и тоа за 4,936% и кај мазутот намалувањето е за 1,630%.

Курсот на денарот во однос на доларот во изминатиот период по кој беа формирани цените со претходната пресметка е повисок за 0,9522%.

Во Одлуката на РКЕ е применета владината одлука за намалениот износ на ДДВ за нафтениот дериват ЕУРОДИЗЕЛ (Д-Е V) во износ од 10% и е применет намален износ на акцизата од 4,00 ден/лит кај бензините ЕУРОСУПЕР БС-95 и ЕУРОСУПЕР БС-98 и кај ЕУРОДИЗЕЛ (Д-Е V).

Од 29.9.2026 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС - 95 100,00 (денари/литар)

Моторен бензин ЕУРОСУПЕР БС - 98 102,00 (денари/литар)

Дизел гориво ЕУРОДИЗЕЛ БС (Д-Е V) 100,00 (денари/литар)

Масло за горење Екстра лесно 1 (ЕЛ-1) 111,50 (денари/литар)

Мазут М-1 НС 49,882 (денари/килограм)

Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 1,00 ден/лит.

Малопродажната цена на ЕУРОДИЗЕЛ (Д-Е V) се намалува за 4,50 ден/лит.

Малопродажната цена на Екстра лесното масло за домаќинство (ЕЛ-1) се намалува за 3,00 ден/лит.

Малопродажната цена на Мазутот М-1 НС се намалува за 0,196 ден/кг и сега ќе изнесува 49,882 ден/кг.

Напоменуваме дека ова се максималните цени на нафтените деривати од 00:01 часот на 29.9.2026 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Сѐ ова успеал да „го направи“ славниот бразилски фудбалер Роберто Карлос.

53 годишниот Карлос најверојатно многу брзо ќе го потпише и седмиот развод.

Животот на еден од најдобрите леви бекови во историјата на фудбалот ненадејно тргна во поинаква насока, забрзано движејќи се кон финансиска катастрофа што самиот шампион ја опиша.

Лажни пријатели, корумпирани агенти и лукави членови на семејството му ги испразнија банкарските сметки.

Бразилецот остана без пари.

Легендарниот Бразилец јавно изјави дека ги загубил 99 отсто од парите заработени во текот на својата фудбалска кариера (проценети на 160 милиони евра).

Како главни причини ги наведе проблемите со поранешен агент и сериозните семејни проблеми. Исто така, призна дека речиси сè загубил поради сопствени грешки.

„Имав проблеми со луѓе што ме оставија без пари. Поради агенти и семејни проблеми, изгубив 99 отсто од сè што заработив во фудбалот“, изјави Карлос.

Карлос раскажа како во еден момент добил „куп документи“ за кои претходно не знаел, само за да сфати дека неговото богатство практично исчезнало.

Познатиот фудбалер на Реал Мадрид – кој сè уште работи за клубот како амбасадор – има 11 деца со седум различни жени. Тој претходно зборувал за тоа колку е тешко прецизно да се избројат сите мајки на неговите деца, иако во неодамнешните извештаи се наведува бројката 11.

Неговиот последен брак беше со Маријана Лукон, физиотерапевтка. Тие стапија во брак во 2009 година и имаат две ќерки, Мануела (родена во 2010 г.) и Марина (родена во 2017 г.); се разведоа минатата година.

Веста дека по разделбата привремено престојувал во просториите на Реал Мадрид – додека Маријана и нивните ќерки останале во семејниот дом – привлече значително внимание.

Претходно оваа година, тој се ожени со Сухеила Етахири, шпанска бизнисменка со мароканско потекло и лиценциран фудбалски агент. Иако има деца со седум различни жени, медиумските извештаи укажуваат на тоа дека ова е само неговиот трет брак. Покрај со Маријана, сигурно е дека бил во брак и со Александра Пињеиро, со која има три деца.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.