Македонија

Контрадикторни неофицијални информации за сообраќајката кај Лаксарци

Контрадикторни неофицијални информации за сообраќајката кај Ласкарци. Според едни ,брзината не била причина за трагедијата, додека други токму брзото возење го посочуваат како една од можните причини за трагедијата.

Кои се причините за автобуската несреќа во која живото го загубија 14 лица скопското обвинителство се уште истражува. Со оглед на тоа што се работи за обемна истрага за која се нарачани повеќе вештачења, официјална информација од обвинителството засега не споделуваат. Дали возачот ја загубил контролата над автобусот или пак возел со неприлагодена брзина треба да покаже мислењето на Бирото за судски вештачења и експертизата на Машинскиот факултет. Според неофицијални информации моменти пред несреќата автобусот се движел со брзина од 80-85 километри на час, но обвинителството не потврдува дали е тоа реалната брзина бидејќи треба да се утврди дали уредот за мерење на брзината бил исправен или не. Освен тоа треба да се утврди и здравствената состојба на возачот а со тоа и можноста за негово внимание. Засега се останува само на изјавите на преживеаните околу тоа што се случувало во моментите пред автобусот да излета од автопатот.

Но има и сведоштва на патници дека му помагале на возачот да го задржи правецот откако воланот на автобусот се блокирал.

,,Бев на третото седиштето и станав кога почна да се тресе автобусот. Мислев дека на возачот му се слошило, но беше добар и се обидуваше да го исправи автобусотот откако изгуби контрола, но му се блокираше воланот. Се се случи многу брзо, се обидов да му помогнам и заедно го вртевме воланот, но не успеавме.

Официјално обвинителството претходно соопшти дека по првичниот разговор со возачот релевантни податоци не се добиени. Роднини на повредените велат дека и денеска имале помали незгоди со автобус на Дурмо Турс.

Дурмиш Белули, сопственикот на компанијата Дурмо Турс пак во изјава за медиумите рече дека поради здравствена состојба возачот ја изгубил контролата над автобусот. Инаку автобусите на Дурмо Турс технички преглед поминувале во Авто Мото Гостивар, фирма чиј сопственик е исто така Дурмиш Белули.

Регион

Маринакис: Грција е многу силна за да се исплаши од настани како оној на Рама во Атина

Рама вчера беше во приватна посета на грчката метропола во рамките на неговата турнеја во неколку европски земји со цел да се сретне и да им се обрати на неговите сонародници.

Грција е многу силна за да се исплаши од ваков настан. Законски беше невозможно да се забрани, истакна портпаролот на грчката Влада Павлос Маринакис на денешниот редовен брифинг со новинарите во однос на вчерашниот собир во Атина на албанскиот премиер Еди Рама за Албанците кои живеат во Грција, јави дописничката на МИА од Атина.

-Не постоеше никаков начин грчката страна да забрани приватна посета на еден странски лидер. Оние кои го тврдеа ова не ни го кажаа начинот. Тоа беше приватна посета во рамките на турнеите на господинот Рама вон Албанија. Негов беше изборот. Ниту се стремевме кон тоа, ниту го организиравме, ниту беше билатерална средба. Но, не можевме ниту да го забраниме, објасни Маринакис.

Рама вчера беше во приватна посета на грчката метропола во рамките на неговата турнеја во неколку европски земји со цел да се сретне и да им се обрати на неговите сонародници и во затворена спортска сала во атинска населба одржа митинг на кој присуствуваа над 6.000 Албанци кои живеат во Грција. /МИА

Свет

Русите тврдат дека влегле во Вовчанск, Украина негира, но оцени дека „ситуацијата е тешка“

Русија тврди дека нејзините сили влегле во градот Вовчанск во североисточниот дел на границата, во близина на вториот по големина град во Украина, Харков.

Украина потврди дека Русија денеска ги интензивирала копнените операции кон Харков, напаѓајќи нови области со мали оперативни, борбени групи за да го прошири фронтот и да ги истроши украинските сили, но не и дека руските војници влегле во Вовчанск.

Гувернерот на Харковската област Олех Сињехубов оцени дека „ситуацијата е тешка“.

Според него, од петокот руските војници влегуваат во Украина во близина на Харков, отворајќи нов североисточен фронт во војната која се води главно на исток и југ речиси две години.

„Непријателот се обидува намерно да ја истегне линијата на фронтот, напаѓајќи во мали групи, но во нови насоки. Ситуацијата е тешка“, изјави гувернерот Сињехубов. /МИА

Свет

Четворица нови полски министри положија заклетва

Четворица нови министри денеска положија заклетва пред полскиот претседател Анджеј Дуда. Четворицата министри кои ги напуштаат функциите ќе бидат кандидати на изборите за Европскиот парламент.

Поранешната директорка на Националната уметничка галерија во Варшава „Зачета“ – Хана Врубљевска доаѓа на местото на министерот за култура Бартломеи Шенкевич.

На местото на Марчин Кервински министер за внатрешни работи доаѓа координаторот на разузнавачките служби, Томаш Шемониак, кој сега ќе ги комбинира двете места.

Јакуб Јаворовски ќе биде нов министер за државен имот, на местото на Борис Будка.

Министерствата за култура, внатрешни работи и државни средства се предводени од членови на партијата Граѓанска платформа на Туск.

Четвртиот министер – Кшиштоф Хетман, член на христијанско-конзервативната партија Трет пат, ќе биде заменет како министер за економски развој и технологија со Кшиштоф Пашик, кој моментално е лидер на парламентарната група на партијата.

Изборите за ЕП ќе се одржат од 6 до 9 јуни. /MИА