Конституиран новиот Совет на Општина Кисела Вода - Канал 5

Македонија

Конституиран новиот Совет на Општина Кисела Вода

На свечена седница, денес се конституираше новиот Совет на Општина Кисела Вода, се наведува во соопштението. 

Конституиран новиот Совет на Општина Кисела Вода

Верификувани беа мандатите на 23-цата нови советници кои во следните четири години, заедно со градоначалникот Орце Ѓорѓиевски ќе носат решенија во интерес на жителите од овој дел на градот. На функцијата претседател на Советот на Општина Кисела Вода, беше избран Иван Живковски.

Седницата ја отвори Претседателот на поранешниот состав на Советот, Дарио Шимиќ кој им честиташе на новоизбраните советници и им посака успешна работа во периодот што следи. Потоа, до изборот на новиот претседател Живковски, со седницата раководеше Арсена Глигорова, која, согласно Деловникот за работа е советник втор по старост.

За претседател на Советот на Општина Кисела Вода, Иван Живковски беше избран со 13 гласа за и 3 воздржани. Откако го презеде раководењето со седницата, тој им се обрати на присутните.

-За мене е голема чест и голема одговорност што во следниот мандат од четири години ќе бидам на чело на Советот на Општина Кисела Вода. Сметам дека сите заедно, како советници може многу да придонесеме за реaлизација на квалитетни политики коишто ќе го подобрат животот на нашите жители. Секако, ние можеме да изгласаме, но сето тоа треба и да го изреализираме заедно со новиот градоначалник, г-нот Орце Ѓорѓиевски. Заедно, ќе изреализираме голем број на проекти, за кои, впрочем се обврзавме преку Програмата за овие избори. Јас, како Претседател на Советот, ќе се трудам секогаш да бидам непристрасен и нема да ги делам луѓето ниту по партиска, ниту по идеолошка, ниту по етничка основа, бидејќи сите тука сме заедно само за една цел, а тоа е да направиме Кисела Вода да биде поубаво место за живеење за сите- истакна новиот Претседател на Советот Иван Живковски. Заблагодарувајќи се, тој го покани да се обрати и градоначалникот на Општина Кисела Вода, Орце Ѓорѓиевски.

Ѓорѓиевски најпрво ги поздрави присутните и им ги честиташе верификуваните мандати на советниците, а потоа кажа што очекува од нив и од функционирањето на Советот.

- Јас ќе ве замолам во наредните четири години овде да има што помалку политика, а многу повеќе решенија. Ова е место кај што ќе треба заеднички сите да донесеме одлуки и решенија кои ги очекуваат нашите сограѓани, не само 4 години наназад , туку и 30 години наназад. Јас сум отворен по природа, транспарентно работам, така ќе работам и во наредните четири години, но неопходна ми е поддршката од секој еден од вас, за да, за 4 години кога сето ова ќе заврши, нашата етапа во која сме сега навлезени, да оставиме нешто позади нас, односно дела по кои народот ќе не препознава години после тоа. Ви посакувам добро здравје и вам и на вашите семејства и се надевам дека ќе имаме транспарентна, заедничка битка во наредните 4 години од која бенефитот во секоја ситуација ќе го имаат нашите сограѓани. Од наредната седница, ќе се потрудиме овие седници да одат јавно, ќе се потрудиме да обезбедиме јавен пренос на седниците на Советот, со што нашиот народ ќе има директен увид во тоа што ние го работиме, а секако, е во нивен интерес-подвлече градоначалникот Орце Ѓорѓиевски.

Инаку во овој состав на Советот мнозинството го има коалицијата предводена од ВМРО-ДПМНЕ со 12 советници, СДСМ со коалиционите партнери има седум, Левица доби три советници, додека добија коалицијата ЛДП/ДОМ доби 1 советник.

Општина Кисела Вода

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 19. септември 2026 година

Дневен хороскоп за сабота, 19. септември 2026 година. 

Дневен хороскоп за 19. септември 2026 година

Девица 23.8.-23.9.

Љубов

Продолжуваат деновите на вашата отвореност кон друштвото. Многумина ќе излезат на места и во време кога обично излегуваат . Ќе биде добро .

Кариера

Можеби на моменти ќе ви изгледа како да сте препуштени самите на себе, но не е така. Сосема добро ве контролираат.

Здравје и совет

Јадете повеќе зеленчук.

Вага 24.9.-23.10

Љубов

Важно е работите дас е согледаат во целост. Тогаш ќе ви биде јасно зошто другата страна малку ве критикува.

Кариера

Дозволете им на другите да ви објаснат доколку нешто не ви е јасно. Прашувајте , анализирајте, само не се наметнувајте.

Здравје и совет

Намалете ги калориите.

Шкорпија 24.10-22.11.

Љубов

Ќе измислите нови идеи како да ја обогатите вашата врска. Ќе му предложите на партнерот да излезете на сосема неочекувано место.

Кариера

Ќе најдете добра формула како да се поврзете со соработниците , а никој да не се почувствува искористен или оптоварен со работа.

Здравје и совет

Делата се поважни од зборовите.

Стрелец 23.11.-21.12.

Љубов

Саканата личност час ве нервира , час ве провоцира. Потрудете се да ја заведете и да ја свртите водата кон својата воденица , но пак таа ќе ги влече конците.

Кариера

Чувствувате дека можете повеќе и подобро , но ве попречува невнимателноста во работењето. Сакате повеќе слобода.

Здравје и совет

Најдете компромис.

Јарец 22.12.-20.1.

Љубов

Вашата љубовна врска добро се развива , а денеска сте способни да читате и меѓу редови. Ќе ги погодувате желбите на партнерот.

Кариера

Сите кои се занимаваат со алтернативни дејности, денеска ќе имаат добивка. Другите успешно ќе ја користат интуицијата во работата.

Здравје и совет

Знаете што ви е потребно за да бидете здрави.

Водолија 21.1.-19.2.

Љубов

Фазата на надмудрување со заедничките емоции ќе продолжи.Можеби сето тоа ве заморува. Дистанцирајте се.

Кариера

Би можело да дојде до недоразбирање на некои ваши колеги со соработници од странство.Поврзете ги на свој начин.

Здравје и совет

Држете се до професионалните критериуми.

Риби 20.2.- 20.3.

Љубов

Денеска без никаков проблем ќе ги надминувате сите проблеми и препреки што би можеле да се појават на вашиот пат до целосно задоволство. Ќе успеете.

Кариера

Креативност , леснотија ,забава- сето тоа ќе го почувствувате денеска на работниото место. На некој начин ќе уживате во работата.

Здравје и совет

Немојте да се противите .

Овен 21.3-20.4.

Љубов

На некои ќе им биде жал што не се воздржаа кога требаше. Сега поправаат она што може да се среди во односто со саканата личност.

Кариера

Работата со луѓето напредува , но и тука треба да покажете реалност и професионалност. Секој пропуст два пати ќе ви го мерат.

Здравје и совет

Бидете искрени кон себе и кон другите.

Бик 21.4- 20.5.

Љубов

Вашите љубовни изливи не ви се пријатни ниту на вас ниту на другата страна. обидете се да го сведете вашиот занес на разумна мерка.

Кариера

Доколку се занимавате со уметност или работаод дома, веројатно ќе дојдете до контруктивно решение на еден проблем.

Здравје и совет

Емотивна нерамнотежа.

Близнаци 21.5.-21.6.

Љубов

Веројатно максимално ќе се посветите на работата , зашто таа ќе ве извлече од личните предизвици , што би можеле да доведат до кавга или љубомора.

Кариера

На повидок е контруктивна соработка меѓу вашите подредени и шефовите , а вие ќе бидете мостот што ќе ги поврзува.

Здравје и совет

Спасот е во работењето.

Рак 22.6-22.7.

Љубов

Вниманието и толеранцијата со која ја опсипувате саканата личност , ќе ве изненади ен само неа, туку и вас. вашиот однос се зајакнува.

Кариера

Постојат уште некои финансиски проблеми , кои треба да се решат , а вие тоа лесно чќе го направите. Се ви е јасно.

Здравје и совет

Држете се до законите.

Лав 23.7-22.8.

Љубов

Би било паметно да послушате што ви предлага другата страна. Ќе увидите дека е во право.

Кариера

Преговорите би можеле да завршат со позитивни резултати, а од вас ќе се бара малку повеќе тактичност и дипломатски однос. Потрудете се.

Здравје и совет

Мали нервози.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскирани напаѓачи пукаат врз камионџија при обид да го киднапираат- му го украдоа камионот (Вознемирувачко видео)

Камион на турска логистичка компанија што превезувал какао во вредност од околу 6 милиони евра бил ограбен во Италија откако четири маскирани вооружени лица му го блокирале патот на автопат.

Маскирани напаѓачи пукаат врз камионџија при обид да го киднапираат- му го украдоа камионот (Вознемирувачко видео)

Осомничените користеле сигнален прекинувач за да ги прекинат комуникациите, а откако не успеале да ја отворат приколката на камионот што го одвезле од местото на нападот, го напуштиле возилото и избегале, објави DHA.

Камионот, управуван од логистичка компанија со седиште во Анталија, бил управуван од С.С. Камионот бил натоварен со какао во вредност од околу 6 милиони евра во Италија, а потоа се упатил кон Турција. Во среда, 16 септември, околу 18 часот, камионот што се движел по автопатот А-14 во близина на Бари, Италија, бил застрелан од автомобил.

Четири вооружени лица го блокирале патот на камионот

Четири вооружени и маскирани мажи излегле од возилото и, откако го користеле прекинувачот за да ги прекинат комуникациите, го скршиле прозорецот на камионот.

Осомничените го извлекле возачот С.С. од возилото и го претепале, обидувајќи се на сила да влезе во нивниот автомобил. Кога не успеале, избегале, возејќи го камионот.

Моментот на нападот е снимен на камера

С.С., кој немал паричник или мобилен телефон со себе за време на нападот, успеал малку подоцна да ја контактира сопругата и да ѝ каже што се случило. Неговата сопруга ги известила властите во логистичката компанија во Анталија.

Моментите кога напаѓачите пукале биле снимени на камерата на камионот.

Потоа претставниците на компанијата презеле акција и ги известиле властите. Камионот, чија локација била утврдена за време на операцијата спроведена во Италија, бил пронајден. Утврдено е дека напаѓачите избегале откако не успеале да ја отворат приколката.

Италијанските власти го истражуваат инцидентот, додека потрагата по четворицата осомничени кои го киднапирале камионот продолжува.

Камионот е сè уште во Италија и во тек се постапки во врска со него.

Тагови: камион напаѓачи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Дури 31 тон злато ќе го премине океанот- богатството од 4 милијарди долари би можело да заврши во Њујорк

Дури 31 тон злато, за кое се проценува дека вреди околу четири милијарди долари, наскоро би можеле да ја променат својата локација за складирање.

Дури 31 тон злато ќе го премине океанот- богатството од 4 милијарди долари би можело да заврши во Њујорк

Ова се златните резерви на Венецуела кои се наоѓаат во трезорите на Банката на Англија, а според информациите објавени од SEEbiz, се водат разговори за нивно преместување во Федералната резервна банка на Њујорк.

Договорот сè уште не е конечен, а за техничките детали би можело да биде потребно извесно време за да се договорат.

Колатерал за позајмување

Доколку се постигне договор, огромна количина скапоцен метал би се префрлила од еден од најпознатите трезори во светот во друг, но златото не би можело веднаш да се продаде.

Една можност што се дискутира е дека златните резерви би можеле да се користат како колатерал за позајмување или како финансиска гаранција за добивање средства.

Преместување на злато преку Атлантикот

Златото е во трезорите на Банката на Англија со години, а прашањето за контрола врз резервите е предмет на долготраен правен спор што стигна до Врховниот суд на Обединетото Кралство.

Сега, според луѓе запознаени со разговорите, решението би можело да биде физичко преместување преку Атлантикот. Сепак, дури и по евентуален трансфер, ќе има ограничувања за користење на резервите, што значи дека 31 тон злато не би можело едноставно да се изнесе на пазарот и да се продаде.

Тагови: злато Њујорк

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер